Kyenesis ODIKI OTUO
ODIKI OTUO
Ɔlaa obuɛ wɔ mmle ninle ni kasɔ kakyekɔ yi, diotuo mmle okle di Yaa lakye ni asaa ɔbla kasɔ. Kukũ ko mmle kobuɛ mmle okle di Yaa labla ni kayi, otii kasɔ kakyekɔ, mmle okle di okpile lakye ni kasɔ ku kayi ka mmle dibuo ku mmle okle di Yaa ku otii kasiɛ nte nii. Baafuo kasɔ kakyekɔ kukũ ko mmle ɔsɛ di ɔsaabla akyuu anyɔ:
(1) Mmle baabla ni kayi ka mmle ku mmle di batii suoto ɔlaa lakye ni kasɔ. Nnya diakye kasɔ di Adam ku Ewa suoto, Kain ku Abel, Noa ku mmle di ntu layii ni kayi ku Babilon Leyo takale nwu (Disi 1—11).
(2) Israel batii bawa lɛma suoto ɔlaa kasɔ kakyekɔ. Ɔkasale ninle Abraham, nwɔ suoto ɔlaa buye ni di ofũ onu nɔɔ suoto ku mmle aakyɔɔ ni Yaa kotoko. Ɔlaa wɔ nintikanko ni ninle obi nɔɔ Isak suoto ɔlaa, ku ɔwa nɔɔ suɔtɔbi Yakob wɔ kafɔɔ manlɛɛ ni Israel ku lefosi babi banyɔ nɔɔ ba niale ni Israel lɛsɔse le ninle ni nfaabi lefosi-nnyɔ. Anu finle latika di obi nɔɔ suɔtɔbi wɔ manlɛɛ ni Yosef suoto, diata alɛ ote Yakob ku babisuɔtɔbi nɔɔ bule ku ayo lɛma batii lasifi baalaasiɛ di Egipte. (Disi 12-50).
Di obe wɔ di kukũ ko mmle kɔkakatɛ ni di batii suoto yi, diodiki nintuo klekle lɛsaa finle le di Yaa ntɔɔbla nii. Diekye kasɔ diodiki nintuo klekle alɛ Yaa niɛbla kayi, diɛyɛntɛ kafɔɔ ku ntam alɛ Yaa makple andiki antootuo mmle okle ɛɛyɔ nwu ni ole di batii nɔɔ suoto. Di kukũ ko mmle kumuu kamɛ, lɛsaa le diotuo ni ninle mmle di Yaa nkanko, ananfi ni batii ba nimbla ni okpile kootoko anleko ni batii nɔɔ kafɔɔ katũ ankyakaako ma ni, anlolaa ma ni nkpa suoto ɔlaa. Bɛɛkpana saa kukũ ko mmle; bɛɛkpana kale kanwii ofũ onu ɔlaa alɛ baakyakaako ofũ onu nwu nkpo nwɛ nkpa.
Kukũ Nwu Kamɛ Sɛlaa
Mmle di Yaa labla ni kayi ku otii kasɔ kakyekɔ 1.1-2.25
Sikpile ku dibuo kasɔ kayekɔ 3.1-24
Diayɔ ni di Adam dialase ni di Noa 4.1-5.32
Noa ku ntu oyii 6.1-10.32
Babilon Leyo Takale nwu 11.1-9
Diayɔ ni Sem dialase ni di Abram 11.10-32
Israel batii bawa: Abraham, Isak ku Yakob 12.1-35.29
Esau banantii 36.1- 43
Yosef ku babilɛma suɔtɔbi 37.1- 45.28
Israel batii di Egipte kasɔ 46.1-50.26
Currently Selected:
Kyenesis ODIKI OTUO: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation