Jo Roma 12
12
Kwo anyen i Kricito
1Pi mannono, omegona, abako doga baŋwu pi kica Obaŋa, imiye wunu kenwu acalo gin akwo ame oŋolli Obaŋa, gin acil ame yomo yi Obaŋa; man en woro me cunywu. 2Kur ilub wunu tam me lobo man, ento weku Obaŋa lok tamwu dok anyen, me iniaŋ wunu i gin ame Obaŋa mito, gin aber, ame yomoro yie, ame roccoro mom iye.
3Pi mot me kica ame omio baŋa akobbiwu luŋ ni, dano acel acel kur par pi dittere okato kare, ento bed i par atira, ŋat acel acel kun lubo pokkere me iyee ame Obaŋa opimme. 4#1 Kor. 12.12Wan otye kede dule komwa apol i kom acel, gin dul kom daŋ ticgi papat; 5amannono daŋ kadi bed wan opol, wan obedo kom acel i Kricito, kun ŋat acel acel bedo acalo dul kom awottere. 6#1 Kor. 12.4-11Wan otye kede mot apapat ame lubo winyo ame Obaŋa omiowa; ber oketgi i tic. Ka omiowa mot me rabo kop Obaŋa acalo adwarpiny, ber orab acalo iyeewa tye. 7Ka omiowa mot me tiyi jo, otiyi wunu jo. Ŋat ame apwony myero pwony; 8ŋat a cuko cuny jo, cuk cunygi; ŋat a poko mot, pok i cunye luŋ; ŋat ame atelwic, ti kede mitkom; ŋat a konyo ocan, konygi kede yomcuny.
Cikkogo a tiko kwo a jo a lubo Kricito
9Marwu bed me ateni. Kwer gin arac oko, mok i kom gin aber. 10Marre wunu kenwu kenwu atek acalo omego, kun ŋat acel acel mio kwogo baŋ awottere. 11Komwu bed mit, aboŋo wackom, bedu alyet i cunywu; kun itiyi wunu Rwot acalo omiro. 12Cunywu bed yom pi gin ame igeno wunu; di wunu cunywu i can, kun imiye wunu i kwayo Obaŋa i cunywu luŋ. 13Poku jamiwu baŋ jo Obaŋa ame tye kede peko; ketu cunywu i gwoko wele.
14 #
Mat. 5.44; Luk. 6.28 Lamu winyo aber i kom jo a wunowu; lammigi wunu winyo, kur icenugi acena. 15Lelu karacel i jo a lelo, koku karacel kede jo a kok. 16#Caro. 3.7Bedu kede niaŋere i akinawu kenwu; kur iwakere wunu, ento notte wunu kede okopi. Kur ibed paro kenwu ni iryek wunu. 17Kur iculu rac pi rac, ento tamu pi gin ame jo luŋ pwoo ni ber. 18I tuŋ baŋwu ka twerre, bedu kede kuc baŋ jo luŋ. 19#Lodo 32.35Owotena, kur iculu kwor, ento iwekki wunu akemo Obaŋa kare, pien rik ocoo ni, “An ame abino culo kwor, an abino lunyo icen, man kop a Rwot.” 20#Caro. 25.21-22 Rik ocoo daŋ ni, “Ka kec oneko amoneni, mie cam; ka oryo ocire, mie mat pii; pien ka itimo amannono, ibino yido loti mac i wie.” 21Kur imi gin arac loi, cite lo gin arac kede gin aber.
Currently Selected:
Jo Roma 12: La79
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
