Jo Roma 11
11
Jo Icrael ame odoŋ
1 #
Pil. 3.5
Doŋ apenyo ni, “Obaŋa doŋ okwero jo mere oko?” Mom amanno gire. An ikoma daŋ an dano me Icrael, akwar Iburaim, me i atekere a Benjamin. 2Obaŋa mom okwero jo mere a yam en oŋeogi con. Mom iŋeo wunu kop ame coc a yam ocoo okobo i kom Elia, kite a en obako kede doge baŋ Obaŋa i kom jo Icrael ni, 3#1 Obak. 19.10, 14“Rwot, odwarpinynyi doŋ oneko oko, omuko keno me lam-gu oko; an kena a pwod adoŋ, daŋ omito neka oko.” 4#1 Obak. 19.18Cite Obaŋa rik odok iye niŋo? Ni, “An pwod aweko odoŋ baŋa co tutumia abiro ame mom ru orumo coŋgi i nyim Baal.” 5En i kite acellono tye jo mogo ame odoŋ ame Obaŋa oyerogi pi kica mere. 6Aco ka oyerogi pi kica, pe nwoŋo doŋ ocuŋ i kom tic a gin otio; kono ocuŋ i kom tic, kica kono doŋ mom dok kica.
7Kara ŋo doki? Gin ame jo Icrael oyenyo, pe onwoŋo. Jo ame oyerogi keken onwoŋo, cite jo ocele cunygi odoko nwaŋ, 8#Lodo 29.4; Ica. 29.10acalo rik ocoo ni,
“Obaŋa omiogi cuny ame odil,
omio waŋgi mom neno, yitgi daŋ mom winyo,
anaka ceŋ tin.”
9 #
Jab. 69.22-23 Daudi daŋ okobo ni,
“Mi mejagi me cem dok kumma kede owic,
obed gin a miogi rette, pi culo waŋ balgi.
10Mi waŋgi dok acol me kur onen piny;
mi pyergi kudde atwal.”
Larre obino baŋ Orok
11An doŋ apenyo ni, “Jo Icrael rik otwomere wek orette meicel bo?” Mom amannono gire! Pi balgi omio larre, doŋ obino baŋ Orok, me nyeko mak jo Icrael. 12Ka balgi okelli lobo lonyo, dok ka potogi okelo lonyo baŋ Orok, berre bino bedo rom mene ka gin ducu odwogo iweŋ?
13Aman akop kedwu, wun Orok. Doŋ acalo an gira akwena baŋ Orok, adworo ticca, 14me gwok onyo ami nyeko mak jo me rokka, me atot ya alar jo mogo i akinagi. 15Pi bologi oko omio Obaŋa odwoggo lobo luŋ baŋe; kara ka doŋ ogamogi, bino kela ŋo? Mom bino bedo calo kwo oya i akina jo oto? 16Ka doŋ oyoko moko kwon an ok me wi mwaka, moko luŋ nwoŋo doŋ cil; ka lwit yat cil, jaŋe daŋ doŋ cil.
17Tye acalo oturo jaŋe mogo i kom yat jeituni aber, eka ote jako jaŋ yat jeituni moro me tim, ote como kakargi me mok i tyen yat aber ca, eka te nywako waya pige amio ame ya i lwite. Jaŋ yat ame ojako i tim en yin; 18cite kur iwakere i kom jaŋe ocele ca. Kadi bed iwakere, pe yin ame itiŋo lwite, lwite en a tiŋi. 19Yin ibino kobo ni, “Rik oturo jaŋe mogo me wek coma i kom yat.”
20Kakare. Rik oturogi oko pien gin mom oye Obaŋa; yin pwod icuŋ pien iyee meri tye. Kur ibed kede tam me awaka, ento bed kede lworo. 21Ka Obaŋa yam pe oweko jaŋ yat ikome, pe doŋ bino weki. 22Koŋ yin inen kica Obaŋa kede gero mere. En ger baŋ jo opoto, cite nyuto kica mere baŋi, ka imedde cuŋ i kica mere. Ka pe, obino toŋi oko daŋ. 23Dok gin Ojudaya daŋ, ka oweko bedo aboŋo iyee, obino dwokogi i kom yat; pien Obaŋa tye kede twer me dwokogi iye. 24Pien yin Arok irom i jaŋ yat jeituni me tim ame otoŋo, ocomo i kom yat jeituni aberrere, a yam pe en olot iye; mom bedo yot akato baŋ Obaŋa me dwoko jaŋe ocele ca i kom yat ikome a nwaŋ oturogi iye?
Obaŋa bino dwoggo jo Icrael baŋe
25Omegona, tye muŋŋoro ame amito ni iŋeu, me kur itam wunu kenwu ni iryek wunu. En ene: jo Icrael cunygi odoko nwaŋ pi kare moro, ituno ka wel Orok bino romo. 26#Ica. 59.20 Icennere Obaŋa bino laro jo Icrael luŋ, acalo rik ocoo, ni,
“Alar bino tuno kun ya i Cion,
en bino kwanyo kite me dago lworo Obaŋa oko i baŋ Yakobo”;
27 #
Jer. 31.33-34
“man en cikere ame abino cikere kedgei
i kare ame akwanyo balgi oko.”
28Pi kop a dok i kom amut aber, gin odoko okwor Obaŋa pirwu, ento pi kop a dok i kom yer. Obaŋa marogi pi kwarigi. 29Mot Obaŋa me kica, kede lwoŋo mere, mom twero lokere. 30Wun rik mom iwinyo wunu dog Obaŋa, cite amanni doŋ otimowu kica, a kun gin doŋ olunyo kwero bedo i winy. 31I kite acellono, gin amanni doŋ okwero winyo doge i kare ame otimowu kica, me wek gin daŋ timgi kica amanno. 32Pien Obaŋa oketo jo luŋ i buc me kwero winyo doge, me etim i jo luŋ kica.
33 #
Ica. 55.8
Lonyo Obaŋa dwoŋ ame okato kare! Ryeko mere kede ŋeccere tut meicel! Kop a en ŋolo tere mom rotte; kittere niaŋ iye tek!
34 #
Ica. 40.13 “Ŋa aŋeo tam a Rwot?
Ŋa a yam mie tam?”
35 #
Yubu 41.11
“Ŋa ce a rik koŋ omie ginnoro,
eka en daŋ te dwoko baŋe?”
36 #
1 Kor. 8.6
Pien en yam oketo jami ducu, jami luŋ obedo tye
Currently Selected:
Jo Roma 11: La79
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
