Nyut a Lakana 6

Yabo buk kan ame omwono

1Icennere ate neno ka Atin romo oyabo kabedo acel ame omwono i kin abiro, ate daŋ winyo lee akwo acel i akina aŋwen ca kun kobo i dwon acalo mwoc a kot ni, “Biye!” 2#Jek. 1.8; 6.3, 6Eka ate neno aguragura atar, ame ŋat a riŋo kede omako akud atero. Omie tok kwogo me loc, en te wot oko kun aloyo lweny, dok me ebed loyo.

3Ka oyabo kan omwono me aryo mere, ate doŋ winyo lee akwo me aryo kun kobo ni, “Biye!” 4#Jek. 1.8; 6.2Eka aguragura ocele te donnyo, ame irema atekateka, Ŋa a riŋo kede omio twer me kwanyo kuc i wi lobo oko, me jo nekere kengi kengi, dok daŋ omie twon pala romo adittere.

5 # Jek. 6.2, 6 Ka oyabo kan omwono me adekkere, ate winyo lee akwo me adek kun kobo ni, “Biye!” Eka ate neno aguragura acol, kun ŋat a riŋo kede omako mijan i ciŋe. 6Eka ate winyo dwonnoro ame opello iyi akina a leyi akwo aŋwen kun kobo ni, “Kal ŋano gwata dek acel pi ciliŋ acel, kal cayiri gwata dek adek pi ciliŋ acel, ento moo kede vino kur ibal!”

7Ka en oyabo kan omwono me aŋwennere, ate winyo dwon lee akwo me aŋwen kun kobo ni, “Biye!” 8#Ejek. 14.21Eka ate neno aguragura atatar, ame ŋat a riŋo kede nyiŋe To, kun Kadec lubo yore. Omiogi twer i kom dul lobo acel me aŋwen me neko jo i pala romo, kede i kec, kede too odeke, kede leyi ager me tim.

9Ka en oyabo kan omwono me abiccere, ate neno, i te keno me lam, tipo jo a rik oneko pi kop Obaŋa, kede pi caden ame rik gin omio. 10Gin te kok i dwon aloŋo ni, “Rwot Adwoŋ, Rwot acil kede me ateni, ibino tero kare a rom mene kun pe ru iŋolo kop dok iculo kwor me remowa i kom jo a bedo i lobo?” 11Eka ote miyo baŋ ŋat acel acel i akinagi jor atar, dok ocikogi ni pwod koŋ dok owe mot pi kare anonok koro, ituno ka wel omiro wadgi ke omego ame obino neko bala gin ocobere kakare.

12 # Nyut 11.13; 16.18; Ica. 13.10; Joel 2.10, 31; 3.15; Mat. 24.29; Mar. 13.24-25; Luk. 21.25 Aneno ka oyabo kan omwono me abicellere, eka oyeŋo te yeŋere atek meicel, ceŋ te cido acol icuc bala boŋo cola, dwe luŋ daŋ te lokere doko bala remo. 13#Ica. 34.4Acer me polo te rutte piny bala olam ame oony oko i yattere ka yamo atek oyeŋo. 14#Nyut 16.20Polo daŋ te rwenyo oko bala papara ame odolo, anaka kiddi kede icula nam luŋ ote kobo oko i kakargi. 15#Ica. 2.19, 21Eka oloc me lobo, kede jo a pirgi dito, kede odoŋe me mony, olonyo kede wegi twer, kede jo luŋ aluŋa, opii kede jo a loye kengi, ote pono i gorogoro, kede i akina lela i wi kiddi, 16#Koc. 10.8; Luk. 23.30kun okobbi kiddi ni, “Rette wunu i komwa, me iwumwa oko i waŋ ŋat ame obedo i kom me loc, kede i akemo Atin romo; 17#Joel 2.11; Mal. 3.2pien nino adit me akemogi doŋ otuno oko, ŋa kara a twero cuŋ iye?”

Currently Selected:

Nyut a Lakana 6: La79

Highlight

Copy

Compare