Popular Bible Verses from Nyut a Lakana 3

Share

Nen, acuŋ i dogolla kun atwomo. Ka ce ŋattoro owinyo dwona, eka te yabo doggola, abino katto baŋe, eka ate cem kede kun en daŋ camo keda.

“ ‘An aŋeo ticci ducu. Yin mom iŋic, mom daŋ ilyet gire. Onwoŋo twero bedo ber kono iŋic onyo ilyet. Pi bedoni amomor, kun mom ilyet, mom iŋic daŋ, abino ŋuli gira oko i doga.

An gira agoo jo ame amaro, apwonyogi; myero doŋ iket teko, iŋut oko.

“An aŋeo ticci ducu. Nen, doŋ aketo i nyimi doggola ame oyabo, ame ŋattoro mom twero cego. Aŋeo ni tekoni nok, ento kadi amanno, ityeko mako koppa, dok pe ru ikwero nyiŋa.

Ŋat ame oloo, abino miyo en bedo karacel kade i kom me locca, kite acalo an rik aloo, eka ate bedo wan i Pappa i kom me loccere.

Yin ikobo ni, “An gira a won abar, an doŋ alony oko, mom doŋ tye ginnoro ame amito.” Aco kono mom iŋeo ni yin ŋat ame piny oloo, icono jo, yin acan, waŋi oto, ibedo onoro.

Pien yin imako koppa me diyo cuny, an daŋ abino gwoki oreme i kare me omo yic ame abino i wi podo luŋ, me temo jo ame bedo i wi lobo.

Abino oyotoyot. Lid atek gin ame itye kede, me ŋattoro kur ma tok kwogoni oko.

Co oko, imok gin a pwod tye baŋi, ame doŋ mito to oko, dok atek; pien mom anwoŋo ticci moro ame icobo kakare i nyim Obaŋana.