Nyut a Lakana 17

Twon min acoco

1 # Jer. 51.13 Eka amalaika acel i kin omalaika abiro a rik omako tabbi abiro ca te bino baŋa, te kobba ni, “Biye me anyutti kop ame oŋolo i kom twon min acoco, ame obedo i kommere i ŋet pie i kulli apol. 2#Ica. 23.17; Jer. 51.7Obakki me wi lobo luŋ otimo kede tim me coco, anaka jo ame bedo i lobo omer i vino me timmere me coco.” 3#Nyut 13.1Amalaika otina otera i tim, kun onwoŋo Cuny Acil oyuto tamma oko, eka ate neno dako moro ame obedo i wi lee arema ame ocoo i kome nyiŋŋogo ame nyuto acae i kom Obaŋa, oromo ko me luŋ, tye daŋ i wie abiro kede tuŋe apar. 4#Jer. 51.7Dako-nono onwoŋo oruko boŋŋi amaramar kede arema, okwogere kede jabu, kede gweŋ alilia a welgi malo, anaka tiggi atar me wel, kun tye kede ikopo me jabu i ciŋe ame opoŋ iye gin ame okwero, kede cilo me timmere me coco. 5I tur nyime ocoo iye nyiŋ ame tere obedo muŋ, ni “Babulon adwoŋ, tota a mon luŋ ame ococo, kede jo luŋ i wi lobo ame timo tim me kwer.” 6Ate neno ni dako ca omer oko i remo a jo Obaŋa, kede remo ocaden a Yecu.

Ka anene abedo i twon wurroro meicel. 7Ento amalaika te kobba ni, “lwuro piŋo? An abino titti te kop a dan-nu, kede lee a tye i wie abiro kede tuŋe apar-ru ame otiŋo dako. 8#Dan. 7.7; Nyut 11.7; Jab. 69.28Lee ame ineno-naca rik tye, aman doŋ pe tye, bino yitto iyi bur ame agikki tere mom, eka te wot oko, rwenyo odoco. Jo ame bedo i lobo ame nyingi mom ocoo i buk me kwo geye i acakki piny bino wuro me neno lee, pien rik tye, aman doŋ pe, cite bino dwogo. 9Man mito tam kede ryeko. Wie abiro obedo kiddi abiro ame dako ca obedo iye. 10Gin daŋ obedo obakki abiro, ame abic i akinagi doŋ opoto oko, acel tye, en ocele mom ru obino, dok daŋ ka obino, en myero ri pi kare anonok keken. 11Aco lee ame rik tye, aman doŋ pe, en abaka me aboro, cite en ŋat acel i akina jo abiro ca, dok bino wot oko, rwenyo odoco. 12#Dan. 7.24Tuŋ lee apar ame ineno ca gin obakki apar ame mom ru ocako loc, cite obino miyogi twer me loc acalo obakki pi caa acel, karacel i lee daŋ. 13Magi luŋ tye i cuny acel, daŋ gin omio tekogi kede twergi baŋ lee. 14Gin obino ero mony i kom Atin romo, ento Atin romo bino loyogi, pien en Rwot a rwode, kede Abaka obakki, dok jo ame tye baŋe gin jo ame olwoŋo, ame oyero, jo a genne.”

15Dok te kobba ni, “Pie i kulli apol ca ame ineno, kan ame dako acoco ca obedo iye, man jo kede lwak kede rok kede leb apol apapat. 16Aco tuŋ lee apar ame ineno, gin karacel kede lee obino dago dako ame acoco; gin obino weke ata kun tye onoro, obino camo riŋo kome, ote waŋo oko i mac. 17Pien Obaŋa en ame oketo mit man i cunygi, me gin ocob tammere kun obedo i cuny acel, eka ote miyo twergi me loc baŋ lee, tuno waŋ ame kop ame Obaŋa okobo doŋ ocobere. 18Dako ame ineno en boma adwoŋ ame tye aloyo obakki me wi lobo luŋ.”

Currently Selected:

Nyut a Lakana 17: La79

Highlight

Copy

Compare