Nyut a Lakana 15
15
Omalaika okelo pwodo me agikki
1Dok ate neno anyuttoro ocele i polo, en adittere kede me awura daŋ, omalaika abiro ame tye kede pwodo abiro. Mago doŋ pwodo me agikki mere, pien gin en a mio akemo Obaŋa cobere kakare.
2Eka ate neno gin ame nen bala nam me aryeny acil ame orubo iye mac, kede dok jo a rik oloo lee ca kede callere, kede namba me nyine; gin onwoŋo ocuŋ i ŋet nam me araŋ, kun omako tum Obaŋa i ciŋgi. 3#Yaa 15.1Gin onwoŋo otye a wero wer a Muca amiro Obaŋa, kede wer Atin romo, ame kobo ni,
“Tic luŋ ame itio me awura, dok dito,
Rwot Obaŋa Won Twer!
Kitti ducu tye atir kede me ateni, yin Abaka ame loo rok luŋ!
4 #
Jer. 10.7; Jab. 86.9 Ŋa ce a mom bino lwori Rwot?
Ŋa a mom bino pako nyiŋi?
Pien yin keni giri icil.
Rok luŋ bino tuno i nyimi,
gin ducu obino miyi woro,
pien doŋ onen oko kannaler ni timmi ducu tye atira.”
5 #
Yaa 38.21
Icennere ate neno ot Obaŋa, ame en kema me caden a tye i polo, oyabere oko, 6eka omalaika abiro te donnyo iyi kabedo acil kun okelo pwodo abiro. Gin orukere i boŋŋi camanini acil ityaŋ, kun daŋ otweo korgi kede del jabu. 7Lee acel i akina leyi akwo aŋwen te miyo baŋ omalaika abiro tabbi abiro me jabu ame akemo Obaŋa ame perakino waŋ i waŋ opoŋ i yigi. 8#Yaa 40.34; 1 Obak. 8.10-11; 2 Tek. 5.13-14; Ica. 6.4Yito ame oya i kwogo Obaŋa kede teko mere te mwono ot Obaŋa oko; ŋattoro mom twero donyo iye, ituno ka pwodo ducu abiro ame omalaika abiro ca okelo doŋ otum oko.
Currently Selected:
Nyut a Lakana 15: La79
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
