Nyut a Lakana 12
12
Dako kede twon twol iyiliyili
1Eka twon anyuttoro te nen i polo, dako moro ame oruko ceŋ, kun dwe tye i te tyene, tok kwogo ame i wie obedo acer apar wie aryo. 2En onwoŋo yac, ceggi nywal; rem me nywal te miyo kok oko, kun abobola atek me gonyere. 3#Dan. 7.7Eka anyuttoro ocele dok te nen i polo, Twon twolloro iyiliyili arema te pello, ame tye i wie abiro kede tuŋe apar, kun tok kwogo abiro me loc tye i wie-nogo luŋ. 4#Dan. 8.10Yibe te jwero acel me adek me acer me polo, te rutogi piny i lobo. Eka twon twol iyiliyili-naca te cuŋ i nyim dako ame onwoŋo ceggi nywal ca, me ka onywal, emwony atinnere oko. 5#Ica. 66.7; Jab. 2.9En te nywalo atin awobi, ame bino loyo rok luŋ kede abiro nyonyo. Cite atinnere ote gamo oko, ote tero baŋ Obaŋa kede i kom me loccere. 6Dako te riŋo oko i tim kan ame Obaŋa oyikke kabedo kan ame obino pite iye pi nino tutumia acel, i mia aryo kede pyerabicel nono.
7 #
Dan. 10.13, 21; 12.1; Jud. 9 Eka mony te cakere i polo, kun Mikael kede omalaika mere oromo i twon twol iyiliyili ca. Twon twol iyiliyili ca kede omalaika mere daŋ olwenyo, 8cite ote loyogi oko, kabedo doŋ te bedo mom pirgi i polo. 9#Age. 3.1; Luk. 10.18Eka ote bolo twon twol iyiliyili ca piny, ame en daŋ obedo twol acon ca, ame olwoŋo ni Won Adote, kede Catan, abwol wi podo luŋ; obole piny i wi lobo, kede omalaika mere karacel kede. 10#Yubu 1.9-11; Jek. 3.1Ate dok winyo dwon aloŋo ame akop i polo ni, “Aman doŋ laro jo, kede teko, kede loc Obaŋawa kede twer a Kricito doŋ obino oko, pien adot omegowa doŋ obolo oko piny, en ame rik dotogi i nyim Obaŋawa dyeceŋ kede dyewor. 11Gin doŋ oloc oko pi remo Atin romo, kede pi kop me caden ame gin otuco, dok pien gin mom oparo pi kwogi, cite ojalle i to. 12Lel doŋ ba, yin polo, kede wun luŋ ame ibedo wunu iye! Lobo kede nam ineno wunu can be, pien Won Adote doŋ obino piny baŋwu kun okudo akemo adwoŋ, pien en doŋ oneo ni etye kede kare anonokkoro keken!”
13A doŋ twon twol iyiliyili oneno ni obole piny i lobo, te cako ryemo yo dako ame onywalo atin awobi ca. 14#Dan. 7.25; 12.7Ento dako ca rik obin omie bwom aryo bala me cur adwoŋ, me en twarre kede oko i nyim twol ca naka i tim, i kabedo kan ame obino pite iye pi mwaka adek i nucu. 15Twol ca te noko pii i doge i yo dako ca acalo kulo, me pii opoŋ, te mole oko. 16Cite lobo te konyo dan-nu, pien lobo oyabo doge, te mwonyo kula ame twon twol iyiliyili ca oŋoko i doge. 17Yi twon twol iyiliyili owaŋ i kom dako, te wot ero mony i kom ikwae a dako ca ocele luŋ, ame gin jo ame lubo cik Obaŋa, dok ame lido caden a Yecu omio. En te cuŋ i kwoo me dog nam.
Currently Selected:
Nyut a Lakana 12: La79
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
