Popular Bible Verses from Nyut a Lakana 12

Share

Gin doŋ oloc oko pi remo Atin romo, kede pi kop me caden ame gin otuco, dok pien gin mom oparo pi kwogi, cite ojalle i to.

Ate dok winyo dwon aloŋo ame akop i polo ni, “Aman doŋ laro jo, kede teko, kede loc Obaŋawa kede twer a Kricito doŋ obino oko, pien adot omegowa doŋ obolo oko piny, en ame rik dotogi i nyim Obaŋawa dyeceŋ kede dyewor.

Eka ote bolo twon twol iyiliyili ca piny, ame en daŋ obedo twol acon ca, ame olwoŋo ni Won Adote, kede Catan, abwol wi podo luŋ; obole piny i wi lobo, kede omalaika mere karacel kede.

Lel doŋ ba, yin polo, kede wun luŋ ame ibedo wunu iye! Lobo kede nam ineno wunu can be, pien Won Adote doŋ obino piny baŋwu kun okudo akemo adwoŋ, pien en doŋ oneo ni etye kede kare anonokkoro keken!”

Eka mony te cakere i polo, kun Mikael kede omalaika mere oromo i twon twol iyiliyili ca. Twon twol iyiliyili ca kede omalaika mere daŋ olwenyo

Yi twon twol iyiliyili owaŋ i kom dako, te wot ero mony i kom ikwae a dako ca ocele luŋ, ame gin jo ame lubo cik Obaŋa, dok ame lido caden a Yecu omio. En te cuŋ i kwoo me dog nam.

Eka twon anyuttoro te nen i polo, dako moro ame oruko ceŋ, kun dwe tye i te tyene, tok kwogo ame i wie obedo acer apar wie aryo. En onwoŋo yac, ceggi nywal; rem me nywal te miyo kok oko, kun abobola atek me gonyere.

En te nywalo atin awobi, ame bino loyo rok luŋ kede abiro nyonyo. Cite atinnere ote gamo oko, ote tero baŋ Obaŋa kede i kom me loccere. Dako te riŋo oko i tim kan ame Obaŋa oyikke kabedo kan ame obino pite iye pi nino tutumia acel, i mia aryo kede pyerabicel nono.

Eka anyuttoro ocele dok te nen i polo, Twon twolloro iyiliyili arema te pello, ame tye i wie abiro kede tuŋe apar, kun tok kwogo abiro me loc tye i wie-nogo luŋ. Yibe te jwero acel me adek me acer me polo, te rutogi piny i lobo. Eka twon twol iyiliyili-naca te cuŋ i nyim dako ame onwoŋo ceggi nywal ca, me ka onywal, emwony atinnere oko.

Ento dako ca rik obin omie bwom aryo bala me cur adwoŋ, me en twarre kede oko i nyim twol ca naka i tim, i kabedo kan ame obino pite iye pi mwaka adek i nucu. Twol ca te noko pii i doge i yo dako ca acalo kulo, me pii opoŋ, te mole oko. Cite lobo te konyo dan-nu, pien lobo oyabo doge, te mwonyo kula ame twon twol iyiliyili ca oŋoko i doge.