Jo Galatia 2

Okwena ocele ojolo Paulo

1 # Tic 11.30; 15.2 Icennere ka mwaka apar wie aŋwen doŋ okato, dok ate wot i Jerucalem wan i Baranaba, kun daŋ atero Tito woto keda. 2Gin omio awoto kuno, pien Obaŋa onwoŋo onyutta ni myero awot; eka ate keto i nyimgi amut aber ame arabo baŋ Orok, i muŋ baŋ jo a ŋeye, ni kur ca ticca ame atiyo, onyo ame doŋ atyeko tiyo, bed me nono. 3Ento Tito a rik owoto kede mom oketo diccoro i kome me lirre, kadi bed en rik dano me Grik. 4Kadi bed onwoŋo tye jo mogo ame okelo iyi akinawa ame mom gin omego ikome, jo ame olibere aliba me roto kuc a wan otye kede i Kricito Yecu, kun omito kelowa i opii, 5cite pe tye kare moro ame wan oye gin olowa, me wek ateni me amut aber gwok kakare pirwu. 6#Lodo 10.17I baŋ jo ame ŋeye ni gin jo adito (kite a rik gin tye kede mom okelo apokapoka moro baŋa; Obaŋa mom lenere baŋ ŋattoro pi kite a en tye kede) jo a neye-nono mom omedda ginnoro. 7Ento gin oniaŋ ni, Obaŋa omia tic me rabo amut aber baŋ Orok, acalo omio Petero#2.7 Petero: Leb Grik: Kepa daŋ tic me rabo baŋ Ojudaya; 8pien ŋat ame otio ticcere i Petero i kwena mere baŋ Ojudaya, obedo ka tic i koma daŋ baŋ Orok. 9Yakobo kede Petero kede Lakana a rik gin oŋeye acalo pagi me dini, ka doŋ oniaŋ pi winyo ame Obaŋa omia, gin ogamo Baranaba kede an acalo otic wadgi. Ote mako ciŋa kun omoko ni, wan owot baŋ Orok, kede gin baŋ Ojudaya. 10Gin okwaowa keken me po pi ocan, ame man en tic onwoŋo pire litta meicel

Paulo ojuko Petero i Antiokia

11Ka rik Petero obino i Antiokia ajuke kannaler, pien onwoŋo timo gin a pe ber. 12Pien i kare a mom ru jo mogo obino ame oya i baŋ Yakobo, en rik cemo kede Orok; cite ka gin obino, en te weko oko, opokere kene pi lworo eryoŋet a jo a mito ni, jo oye Kricito myero koŋ lirre. 13Ojudaya ocele luŋ rik daŋ ote potto kite a Petero me gobaŋono: naka Baranaba daŋ te rwenyo pi kiregi-nono. 14Ento an ka aneno ni gin tye awot ogotogot iyi ateni me amut aber, ate kobbi Petero i nyimgi luŋ ni, “Ka yin ame yin Ajudaya iwopo kite Orok, mom kite Ojudaya, kara dok itwero diyo Orok niŋo me wopo kite Ojudaya?”

Ojudaya gin kede Orok olarogi pi iyee

15Wan ikomwa ame wan Ojudaya iyi anywalli, mom Orok ame obalo, 16#Jab. 143.2; Rom. 3.20, 22wan oŋeo ni, dano mom okwano ni kite atira pi cobo cik, kono ka pi ye Yecu Kricito. Anaka wan daŋ otyeko ye Kricito Yecu me kwanwa ni wan kitewa atira pi ye Kricito, mom pi cobo cik; pien mom obino kwano dano moro ni kite atir pi cobo cik. 17Acalo wan omito ni kwanwa ni kitewa atir pi Kricito, cite wan ikomwa dok onwoŋo oko ni wan obalo, Kricito doŋ obedo atic pi bal bo? Mom amanno gire! 18Ka an dok agero jami a yam koŋ areto, mom dok amoko kena ni an abalo? 19Pien pi cik an rik ato i tuŋ cik, me abed kwo i tuŋ baŋ Obaŋa. 20An rik ogura i kom yataria karacel i Kricito; mom dok an en akwo-ni, ento Kricito ame bedo kwo i an. Kwo ame aman atye kede i koma-ni, abedo kwo pi ye Wot Obaŋa, a rik omara te miye gire kene pira. 21An pe abolo kica Obaŋa oko; pien ka kwano jo ni kitegi atir tye pi cik, to a Kricito doŋ konnyere mom,

Currently Selected:

Jo Galatia 2: La79

Highlight

Compare

Copy