Epeco 6

Onywal kede itinogi

1 # Kol. 3.20 Wun itino, winy wunu onywalwu i Rwot, pien mano en aber. 2#Yaa 20.12; Lodo 5.16Coc a yam ocoo kobo ni, “Wor pappi kede totti,” man en cik me ageyi ame ociko iye pi ginnoro aber a bino ya iye, ni, 3“me ibed aber dok iperakino i lobo kare alac.” 4#Kol. 3.21Aco wun papo, kur iteru itinowu i yo arac a kelligi akemo, ento miugi odoŋ aber kun ipwonyogi wunu dok inaogi wunu i kite abeco ame Rwot pwoo.

Opii kede odogegi

5 # Kol. 3.22-25 Wun opii, winy wunu odoŋewu me lobo man i cunywu acel, acalo iwinyo wunu Kricito, kun ilworogi wunu i myelkom. 6Ticwu myero mom bed tic me yeŋo waŋ keken me yomoro ka cuny dano, ento ti wunu gin Obaŋa mito kede cunywu ducu, acalo opii a Kricito. 7Ti wunu ticwu i cuny aber, acalo itiyi wunu Rwot, mom acalo itiyi wunu jo, 8kun iŋeo wunu ni, ginnoro luŋ a dano moro otio aber, Rwot bino cule pire a rom aroma i ticcere-nono, kadi en opii onyo loye kene. 9#Lodo 10.17; Kol. 3.25; 4.1Aco wun wegi opii, ti wunu kedgi kite acellono, wek wunu burogi bedi, kun ipoyo wunu ni, adwoŋ a loowu karacel kede gin tye i polo, daŋ tero jo ducu arorom.

Romo i kom gin arac

10Me agikki mere, bed wunu atek i Rwot kede i twero me teko mere. 11Ruk wunu jami romo ame Obaŋa mio, me icuŋ wunu, igeŋere wunu iyi erupe a Catan. 12Pien wan mom oromo i dano wadwa, ento oromo oloc kede wegi twer me oko, kede ginnogo a loo wi podo luŋ i kare man me colpiny, dok kede lwak cunnyogo areco a tye i dye polo. 13En omio myero igam wunu jami romo luŋ ame Obaŋa mio, me wek bin konywu i cuŋ atek i nino arac, pwod daŋ ibino cuŋ wunu a doŋ ilolle wunu i yo luŋ aluŋa. 14#Ica. 11.5; 59.17Pi mannono, myero icuŋ wunu ame ilido wunu pyerwu kede ateni; ruk wunu kite atir bed nyonyo geŋo korwu, 15#Ica. 52.7kun yikerewu me rabo amut aber me kuc bedo acalo amuk me tyenwu. 16Akato luŋ, iyee myero bed kwotwu a twero miyowu neko mac i kom atero ame Arac obao. 17#Ica. 59.17Gam wunu larre bed tok nyonyo me wic, kede kop Obaŋa ame en pala bat a Cuny Acil. 18Kwa wunu Obaŋa kun ibako wunu dogwu i kare luŋ i Cuny Acil. Bed ame iterre wunu i kare luŋ i diyo cuny, kun ikwao wunu pi jo Obaŋa luŋ aluŋa. 19Kwa wunu pira daŋ me Obaŋa yab doga, mia kop me akoba, me ayab muŋ me amut aber kede tekcuny. 20An akwena mere a rom aroma i ŋat a cuŋ pi lobo mere, cite otwea oko kede jegere. Obaŋa mia arab kede tekcuny, kit a myero akob kede.

Amot me agikki

21 # Tic 20.4; 2 Tem. 4.12 # Kol. 4.7-8 Tukiko, ominwa ame omaro dok atic a Rwot me agena, bino tittiwu kop i koma kede i kom ticca. 22Acwae baŋwu pi kop man ikome, me wek en miwu iŋe wunu kite a wan otye kede, dok en ocuk cunywu.

23Kuc kede mar kede iyee ame ya i baŋ Obaŋa Pa po kede Rwotwa Yecu Kricito bed baŋ omegowa. 24Winyo Obaŋa bed baŋ jo luŋ aluŋa ame maro Rwotwa Yecu Kricito kede mar a mom to.

Currently Selected:

Epeco 6: La79

Highlight

Compare

Copy