Epeco 5

Wap wunu kite a jo me ceŋ

1Potto wunu kite Obaŋa acalo itino mere ame emaro. 2#Yaa 29.18; Jab. 40.6Wap wunu yo me mar, acalo Kricito rik omarowa, te miye kene pirwa, me ebed mot me aŋola me yalo Obaŋa, a ŋwece kur.

3Cite tim me coco kede tim me caro caro ducu kede woro me lim myero kur lwoŋ nyiŋe i akinawu, mano en aber baŋ jo Obaŋa. 4Gin me lewic kede kop me miŋomiŋo, onyo arat a konnyere mom, myero mom winyere baŋwu. Akaka magi-nono, mi wunu pwoc baŋ Obaŋa. 5Niaŋ wunu aber ni mom tye ŋattoro i kin otim tim me coco, onyo me carocaro, onyo oworo me jami, ame bino nwoŋo dulloro ame bedo megi i loc a Kricito kede me Obaŋa, pien woro me jami rom aroma kede woro cal jogi. 6Kur imi wunu ŋattoro bwobwolowu kede koppogo a yore mom, pien akemo Obaŋa bino i kom jo a mom winyo doge pi kodi timmono. 7Pi mannono, kur inotte wunu kedgi. 8Rik kom irom wunu aroma i piny acol, ento aman doŋ idoko wunu dyeceŋ i Rwot; kitewu myero doŋ bed kite a jo me ceŋ. 9Pien nyig onyak pi ceŋ nen oko i gin ducu a tye aber, kede atir, kede me ateni. 10Dok daŋ tem wunu pwonyo gin a yomoro yi Rwot. 11Ticcoro ducu me piny acol a mom nyak, kur inotte wunu iye, ento yab wunu kodi ticcono kannaler. 12Pien me lewic me bedo kobo ka akoba keken gin a gin tio i muŋ. 13Ginnoro-ni ame lero onyuto nen oko kannaler; pien gin a nen kannaler doŋ odoko gire lero oko. 14Man en gin omio okobo ni,

“Co oko, yin ame inino,

cer oko iyi akina a jo oto,

eka Kricito te menyi.”

15Gwokere wunu aber i kite kwo ame ibedo wunu kede; kur iwap wunu jo a kwia piny, ento jo aryek. 16#Kol. 4.5Caa onen i nyimwu ti wunu kede i yo aber, pien kare-ni kare arac. 17Pi mannono, kur ibed wunu amiŋ, cite tem wunu niaŋ gin a Rwot mito. 18Dok myero mom imer wunu kede koŋo, pien mano kelo kite me caro caro. Akaka mannono, ber iweku Cuny Acil Poŋ i yiwu, 19#Kol. 3.16-17kun ikobo wunu i akinawu kenwu kede jabuli, kede wer, kede wer me cuny, kun iwero wunu, ikuto wunu wer me pako Rwot i yiwu. 20Pwo wunu Obaŋa Papo i kare ducu pi jami ducu i nyiŋ Rwotwa Yecu Kricito.

Co kede mongi

21Miye wunu kenwu i te loc a jo ocele, ŋat man baŋ wadgi, pi lworo Kricito. 22#Kol. 3.18; 1 Pet. 3.1Wun mon miye wunu i te loc a cogwu, acalo imiye wunu baŋ Rwot, 23pien ico obedo awi dako mere, acalo Kricito en awi lwak jo oye en, daŋ en alargi, gin daŋ obedo kome. 24Acalo lwak jo oye en bedo i te loc a Kricito, amannono daŋ mon myero bed i te loc a coggi i yore luŋ. 25#Kol. 3.19; 1 Pet. 3.7Wun co daŋ mar wunu monwu i kite a Kricito omaro kede lwak jo oye en, te jalo kwo mere pire, 26me wek elony bed acil, a doŋ otyeko lwoke kede pii kede kop ame okobo iye, 27me ekel lwak oye en i nyime kene acalo nyako amwonya meicel, kun mom tye kannoro ojonne i kome, onyo oduduga, onyo ojojoŋa, ento bed acil aboŋo balloro i kome. 28Amannono daŋ, co myero mar mongi acalo omaro komgi kengi. Ŋat a maro cege, maro kome kene. 29Mom tye ŋattoro a dago kome kene, a mom pito dok gwoko aber acalo Kricito timo timo i kom lwak jo oye en, 30pien wan odul kome. 31#Age. 2.24Coc a yam ocoo kobo ni, “Pi kop man, dano bino weko pappere kede tottere, eka te bino notte gin i cege, gin aryo te doko kom acel.” 32Man en muŋ adit meicel. An i tuŋ baŋa agonyo i kom Kricito kede lwak jo oye en. 33Cite wun, ŋat acel acel myero mar cege bala kome kene, dako daŋ nen ni eworo cware.

Currently Selected:

Epeco 5: La79

Highlight

Compare

Copy