Tic 13

1I kom lwak jo oye Kricito me Antiokia rik tye iye odwarpiny kede opwony: Baranaba kede Cimoen ame olwoŋo Niga, Lukio me Kurene, Manaen ame rik odono i ot acel gin kede Kerode aloc, kede Caulo. 2Ame onwoŋo rik gin tye aworo Obaŋa kede kanyo kec, Cuny Acil rik te kobo ni, “Pokka wunu Baranaba gin kede Caulo pi tic a ceŋ doŋ alwoŋogi iye.” 3Icennere a doŋ okanyo kec kede kwayo Obaŋa, gin te keto ciŋ i wigi, eka ote cikogi wot.

Okwena orabo kop Obaŋa i Kupuro

4Amannono Cuny Acil te cwayogi, gin ote wot i Celeukia, eka i kannoro gin te kwaŋo nam ote dokoro i Kupuro. 5Ka gin obino i Calamic, gin orabo kop Obaŋa i kacokere luŋ, kun Lakana tye kedgi acalo akonygi. 6Eka gin te wowota iyi cula-nu luŋ, ote tuno naka i Papo; kuno gin te cop i kom emuroko moro ame adwarpiny agoba, en rik Ajudaya ame nyiŋe Bar-Yecu. 7En rik obedo baŋ Cerugio Paulo, aloccoro ame wie tio. Aloc rik te lwoŋo Baranaba gin kede Caulo, pien onwoŋo mito winyo kop Obaŋa. 8Ento Elima ame emuroko ca (pien mano en te kop me nyiŋe) opyem kedgi, kun mito dwanyo wi aloc oko i kom iyee. 9Cuny Acil rik te poŋ i yi Caulo ame olwoŋo daŋ ni Paulo, eka te nene atek, 10te kobbe ni, “Yin wot a Catan, ame yii Opoŋ i goba kede kite areco luŋ, yin akwor a kwone tim luŋ atira. Yin mom ibino weko dwanyo yo a Rwot ame atir? 11Winy ba, amanni ciŋ Rwot doŋ tye oko i komi, ibino bedo atowaŋ kun mom ineno ceŋ pi kare moro alalac.” Cucuttono waŋe te titiba, piny te dokke acol oko, owoto ame acacato piny kun temo yenyo jo moro a myero pee kede ciŋ. 12Ka aloc oneno gin otimere, oye Yecu. En te wuro meicel pwony i kom Rwot.

Paulo gin kede Baranaba i Antiokia me lobo Picidia

13Paulo gin kede owote mere rik ote kwaŋ kun oya i Papo, ote tuno i Perga a tye i Pampulia. Lakana owekogi te dok gire i Jerucalem. 14Cite gin te kato kun oya i Perga, ote tuno naka i Antiokia me Picidia. Gin rik te donyo i kacokere i cen cabit. 15Ame doŋ otyeko kwano kop i cik a Muca kede bu ke odwarpiny, odoŋe me kacokere te cwayo kwena baŋgi kun kobo ni, “Omegowa, ka itye wunu i kopporo me cuko cuny lwak, kob wunu.” 16Paulo te ya malo, te diyogi i ciŋe kun kobo ni, “Wun jo Icrael, naka wun jo ame lworo Obaŋa, winy wunu. 17#Yaa 1.7; 12.51Obaŋa a jo man Icrael rik oyero kwariwa, te miyogi bedo jo moro adoŋo meicel i kare a gin obedo i lobo Miciri. En te bino kwanyogi oko kede teko me ciŋe ame oryeo malo. 18#Wel 14.34; Lodo 1.31En rik te diyo cunye i gwokogi i tim pi mwakki pyeraŋwen. 19#Lodo 7.1; Yoc. 14.1Kare ame en doŋ otyeko rok apapat abiro i lobo me Kanaan, en rik te miyo lobo-naca baŋ jo Icrael me leyo doko megi pi mwakki mia aŋwen kede pyerabic. 20#Oŋol. 2.16; 1 Cam. 3.20Icennere te miyogi oŋolkop ituno kede i kare adwarpiny Camwiri. 21#1 Cam. 8.5; 10.21Gin dok te kwayo pi abaka; Obaŋa te miyogi Caulo wot a Kic, dano me atekere a Benjamin, ame te loyogi pi mwakki pyeraŋwen. 22#1 Cam. 13.14; 16.12; Jab. 89.20Ame Obaŋa okwanye oko, rik dok te miyogi Daudi me bedo abakagi. En dano ame Obaŋa rik omio caden i kome kun kobo ni, ‘Doŋ anwoŋo ni Daudi wot a Yecu en dano ame cunya maro, en bino cobo ginnoro luŋ ame an amito.’ 23I kom ikwae a Daudi-nono, Obaŋa doŋ okelli jo Icrael Alar, ame en Yecu, acalo rik en gire ociko. 24#Mar. 1.4; Luk. 3.3Ame en mom ru obino, Lakana onwoŋo koŋ orabo kop baŋ jo Icrael luŋ ni gin oŋut me batijagi. 25#Mat. 3.11; Mar. 1.7; Luk. 3.16; Lak. 1.20, 27A doŋ Lakana ceggi cobo ticcere, okobo ni, ‘Kara wun itamo wunu ni an ŋa? An gira mom a dano-nono. Pe gire, ento ŋattoro tye ame abino i ŋea ame an mom aromo gonyo amuk i tyene.’

26“Omegona, ikwae Iburaim kede wun jo ocele ame ilworo wunu Obaŋa, kop man me larre ocwalliwa wunu. 27Pien jo a bedo i Jerucalem kede odoŋegi, rik mom oŋee, dok daŋ mom oniaŋ kop odwarpiny ame rik obedo kwannigi cabit i cabit. Gin gigi te miyo kop odwarpiny cobere kakare pi ŋolo kop loye. 28#Mat. 27.22-23; Mar. 15.13-14; Luk. 23.21-23; Lak. 19.15Kadi bed gin rik mom onwoŋo kopporo i kome a romo miyo oŋolle to, gin okwao Pilato ni myero mi nek oko. 29#Mat. 27.57-61; Mar. 15.42-47; Luk. 23.50-56; Lak. 19.38-42A doŋ gin ocobo ginnoro ducu a rik ocoo i kome, gin te kwanye oko i kom yataria, pyele i lyel. 30Ento Obaŋa gire obin ocere oko iyi akina a jo oto. 31#Tic 1.3En rik te bedo nen pi nino apol baŋ jo a nwaŋ obino kede i Galilaya kun owoto i Jerucalem; amanni jo-nono doŋ cadennere baŋ jo. 32Wan doŋ okelliwu amut aber ni mano, gin ame rik Obaŋa ociko baŋ kwariwa, 33#Jab. 2.7en doŋ ocobo oko kakare baŋwa wan ikwaegi, i cero Yecu, acalo rik ocoo i abuli me aryo ni,

‘Yin i Woda;

tin doŋ anywali.’

34 # Ica. 55.3 En rik ocere iyi akina a jo oto, mom dok bino top gire, daŋ rik en okobo kit man:

‘Abino miyowu gin acil, ame genne, a rik aciko pi Daudi.’

35 # Jab. 16.10 En omio rik okobo i jabuli moro ocele ni,

‘Mom ibino weko kom Dano meri Acil top.’

36Pien ka Daudi doŋotyeko lubo tam Obaŋa i kare mere, rik en obin oto oko, ote yike karacel kede kwari mere, en daŋ te top oko. 37Cite ŋat ame Obaŋa ocero rik mom obin otop. 38Pi mannono omegona, myero iŋe wunu ni otye ka rabbiwu kop i kom weko bal pi dano man. 39Pire, jo luŋ ame oye doŋ okwanogi ni kitegi atira, kun okwanyo i komgi bal ducu ame mom otwero kwanyo i komgi pi cik a Muca. 40Gwokere wunu doŋ ba, me kop a nwaŋ odwarpiny okobo kur tun i komwu, ni,

41 # Abak. 1.5 ‘Nenu ba, wun jo ame ocae!

Wur wunu, ite rwenyo wunu odoco;

pien atye ka tiyo ticcoro i karewu,

tic ame mom ibino wunu ye,

kadi ŋattoro tittiwu pire.’ ”

42Kare ame gin doŋ okato oko, lwak te kwayo ni kop man myero dok tittigi i cabit a bino ca. 43A doŋ cokere oket oko, Ojudaya apol kede jo olokere i dini Ojudaya ame woro Obaŋa rik te lubo Paulo gin kede Baranaba; gin rik te bedo kop kedgi kun oeukuro cunygi me medde bedo i kica Obaŋa.

44Eka i ceŋ me aryo mere, jo me boma luŋ obuco cokere karacel pi winyo kop Obaŋa. 45Cite Ojudaya ka oneno lwak apol, nyeko te makogi atek, ote pyem i Paulo kun oyete ayeta. 46Paulo kede Baranaba te kop i tekcuny ni, “Onwoŋo myero yam koŋ oge rabbiwu kop Obaŋa. Ento kit ame wun giwu ibolo wunu oko teŋe, kun mom itamo wunu ni iromo wunu nwoŋo kwo a perakino nakanaka, wan doŋ olokere giwa baŋ Orok. 47#Ica. 42.6; 49.6Pien Rwot ocikowa ni:

‘An doŋ aketi me bedo cen baŋ Orok,

me imi yo me larre otun i agikki wi podo luŋ.’ ”

48Ka Orok owinyo, oyomoro yigi atek, ote keto kwogo i kop Obaŋa. Jo luŋ a nwaŋ oyero pi kwo a perakino nakana ka te doko jo oye Yecu. 49Kop a Rwot rik te lal i lobo-nono luŋ. 50Ojudaya rik te cupo monnogo a ŋeye, a woro Obaŋa, kede odoŋe me boma-nono; gin rik te tugo jo me wuno Paulo gin kede Baranaba, eka ote ryemogi oko i bomagi. 51#Mat. 10.14; Mar. 6.11; Luk. 9.5; 10.11Paulo-gi te teŋo apua me tyengi i komgi, ote wot gigi i Ikonio. 52Olub Yecu rik te lelo, Cuny Acil te poŋ i yigi.

Currently Selected:

Tic 13: La79

Highlight

Copy

Compare