1 Petero 2
2
Kidi akwo kede rok acil
1Pi manno, raccuny luŋ, kede kite goba luŋ, kede edwali, nyeko kede kite ayet luŋ, wek wunu oko. 2Mit wunu cak agili me cuny, bala itino okere a pwod onywalo nyen, me idoŋ wunu naka i larre; 3#Jab. 34.8pien ityeko wunu bilo ber a Rwot.
4Biye wunu baŋe, en kidi akwo, a yam jo okwero, cite i baŋ Obaŋa obedo kidi me wel ame oyero. 5Biye wunu bala kiddi akwo, me ged kedwu ite doko wunu ot Obaŋa me cuny, me ibed wunu olamdog acil, imi wunu mot oŋolo me cuny ame Obaŋa pwoo, pi Yecu Kricito; 6#Ica. 28.16 pien rik ocoo ni,
“Nen, aketo i Cion kidi me wel ame ayero me gwic ot,
ŋat oye en, lewic mom bino make.”
7 #
Jab. 118.22
Pi mano, i baŋwu wun jo ame oye en, Kricito obedo me wel; cite i baŋ jo a mom oye en, otimere acalo rik ocoo, ni,
“Kidi ame ogedo okwero,
en ame odoko kidi me gwic ot.”
8 #
Ica. 8.14-15
Odoko daŋ
“gweŋ me twomere,
lela a mio jo rette.”
Gin otwomere pien okwero winyo kop Obaŋa, acalo rik oyiko pirgi con.
9 #
Yaa 19.5-6; Ica. 43.20, 21; Lodo 4.20; 7.6; 14.2; Tit. 2.14; Ica. 9.2 Cite wun ibedo wunu rok ame oyero, olamdog abaka, rok acil, jo Obaŋa ame mere ikome, me wek irab wunu pi tic me kwogo a ŋat olwoŋowu iya i piny acol me idony wunu i lero mere me awura. 10#Koc. 2.23Yam mom ibedo wunu jo Obaŋa, cite aman wun, doŋ idoko wunu jo mere; yam mom otimowu kica, cite aman doŋ otimowu kica.
Kwowu bed bala me opii Obaŋa
11Wun ame amaro, abako doga baŋwu, acalo wun wele, mom jo me lobo man, kwer wunu mit me kom oko ame romo kede tipowu. 12Bed wunu i kite abeco i akina jo a mom ŋeo Obaŋa, me wek ka ce gin oyetowu ni wun otim gin arac, gin onen ticwu aber, daŋ omi kwogo baŋ Obaŋa i nino ame en bino roto iye lobo.
13Pi Rwotwa, myero imiye wunu i te loc me twer ducu a tye iyi akina lwak; baŋ aloc adwoŋ, pien en ame loo jo luŋ, 14kede baŋ oloc ame en ocwalo pi keto can i kom jo a timo gin areco, kede pwoyo jo a timo gin abeco. 15Pien Obaŋa mito ni itim wunu gin aber, me imi wunu jo amiŋ a kwia piny liŋ oko. 16Kwowu bed kwo a jo a loye kengi, kun mom itio wunu kede lockenwu pi timo tim arac; cite bed wunu bala opii Obaŋa. 17Wor wunu jo luŋ. Maru omegowu. Lworu Obaŋa. Woru aloc adwoŋ.
Anen me can a Kricito
18Wun omiro, miye wunu i te loc odoŋewu kede woro luŋ, mom ka baŋ jo okica kede amwol keken, ento baŋ ogero daŋ. 19Pien man en gin ame opwoo, ka ce dano kanyo rem pien cunye tye i kom Obaŋa, ka owune kun mom obalo. 20Kara myero pwowu i ŋo, ka idio wunu cunywu ka opwodowu pi bal? Cite ka ce idiyo cunywu ka ineno wunu can pi timo gin aber, mano en Obaŋa pwoo. 21Pien olwoŋowu pi mannono; pien Kricito daŋ oneno can pirwu, owekkiwu anen me aluba, me iwap wunu yore. 22#Ica. 53.9Balloro mom a en otimo, lebe daŋ mom okobo goba. 23#Ica. 53.7Ka jo oyete, mom oyetogi. Ka oneno can, mom oburo jo; cite omiye kene baŋ ŋat aŋolo kop atir. 24#Ica. 53.5En oyeo balwa i kome kene i kom yataria, me wan oto i bal, eka ote bedo kwo i kite atir. Pi pwodo en, omio icaŋ wunu. 25#Ica. 53.6Pien rik irwenyo wunu oko bala rommi, cite aman doŋ idwogo wunu baŋ Akwat kede Agwok tipowu.
Currently Selected:
1 Petero 2: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.