Popular Bible Verses from 1 Petero 2

Share

Cite wun ibedo wunu rok ame oyero, olamdog abaka, rok acil, jo Obaŋa ame mere ikome, me wek irab wunu pi tic me kwogo a ŋat olwoŋowu iya i piny acol me idony wunu i lero mere me awura.

En oyeo balwa i kome kene i kom yataria, me wan oto i bal, eka ote bedo kwo i kite atir. Pi pwodo en, omio icaŋ wunu. Pien rik irwenyo wunu oko bala rommi, cite aman doŋ idwogo wunu baŋ Akwat kede Agwok tipowu.

Yam mom ibedo wunu jo Obaŋa, cite aman wun, doŋ idoko wunu jo mere; yam mom otimowu kica, cite aman doŋ otimowu kica.

Mit wunu cak agili me cuny, bala itino okere a pwod onywalo nyen, me idoŋ wunu naka i larre

Wun ame amaro, abako doga baŋwu, acalo wun wele, mom jo me lobo man, kwer wunu mit me kom oko ame romo kede tipowu. Bed wunu i kite abeco i akina jo a mom ŋeo Obaŋa, me wek ka ce gin oyetowu ni wun otim gin arac, gin onen ticwu aber, daŋ omi kwogo baŋ Obaŋa i nino ame en bino roto iye lobo.

Biye wunu bala kiddi akwo, me ged kedwu ite doko wunu ot Obaŋa me cuny, me ibed wunu olamdog acil, imi wunu mot oŋolo me cuny ame Obaŋa pwoo, pi Yecu Kricito

Pi manno, raccuny luŋ, kede kite goba luŋ, kede edwali, nyeko kede kite ayet luŋ, wek wunu oko.

Biye wunu baŋe, en kidi akwo, a yam jo okwero, cite i baŋ Obaŋa obedo kidi me wel ame oyero.

Kwowu bed kwo a jo a loye kengi, kun mom itio wunu kede lockenwu pi timo tim arac; cite bed wunu bala opii Obaŋa.

Pien Obaŋa mito ni itim wunu gin aber, me imi wunu jo amiŋ a kwia piny liŋ oko.