1 Korinti 10

Okwenyoro jo i kom woro cal jogi

1 # Yaa 13.21-22; 14.22-29 Omegona, amito iŋe wunu ni, kwariwa luŋ rik obedo i te pol, gin luŋ rik obeo i dye nam, 2gin luŋ daŋ rik obatija-yi i pol kede i nam, me gin obedjo a Muca. 3#Yaa 16.35Gin luŋ rik ocamo cam acel me cuny, 4#Yaa 17.6; Wel 20.11gin luŋ omato ginamata acel me cuny. Pien gin omato pe oya I lela me cuny ame woto karacel kedgi, lela-nono rik en Kricito. 5#Wel 14.29-30Kadi bed amannono, Obaŋa rik mom opwoo pol a jo i akinagi; pien komgi oto oradde ata i tim.

6 # Wel 11.4 Mannono luŋ odoko apor baŋwa, me kwenyorowa ni kur obed gomo gin arac acalo rik gin ogomo. 7#Yaa 32.6Kur owor wunu cal jogi acalo jo mogo i akinagi; bala a rik ocoo ni, “Lwak obedo piny ka cem kede mat, ote ya malo i myel.” 8#Wel 25.1-18Kur oumu um me coco, acalo jo mogo I akinagi yam otimo, eka jo tutumia pyeraryo wie adek te to oko i nino acel. 9#Wel 21.5-6Kur wan oom wunu yi Rwot, acalo jo mogo i komgi yam oomo yie, eka twol te nekogi. 10#Wel 16.41-49Kur inunura wunu acalo jo mogo i akinagi yam Oŋuŋura, eka Anek te nyotogi oko. 11Mannono luŋ rik otimere i komgi acalo apor, ote coyo me kwenyorowa, wan jo ame agikki piny otuno i komwa-ni. 12Pi mannono, ŋattoro a tamo ni en ecuŋ myero gwokere kur rette. 13Abita moro mom omakowu a mom binni jo luŋ; Obaŋa gwoko cikere mere, mom bino ye ni bitwu atek akato ame iromo wunu kanyo, cite i kare ame Catan abitowu, Obaŋa bino miyowu yo me bwot, me ibed wunu i twer me kanyo.

14Amannono ba, wun ame amaro cac wunu woro cal jogi oko. 15Akop kedwu acalo jo ame oryeko; tam wunu kedwu kop ame akobo. 16#Mat. 26.26-28; Mar. 14.22-24; Luk. 22.19-20Ikopo me winyo Obaŋa, a wan okwao iye winyo, mom onotte iye wunu i remo a Kricito? 17Pien ogati bedo nina acel, wan jo apol wok-ki obedo kom acel, pien wan luŋ onywako camo ogati acellono. 18#Olev. 7.6Koŋ inen jo Icrael; jo a camo gin ame oŋolli Obaŋa mom gin onotte i kom keno me lam? 19Mano akobo niŋo? Ni nijo ame oyalo kede cal jogi obedo gmnoro onyo ni cal jogi obedo ginnoro? 20#Lodo 32.17 Pe gire. Gin ame akobo en ene ni gin ame jo a mom oŋeo Obaŋa ŋolo, gin yalo i jogi, mom oyalo Obaŋa. Mom amito inotte wunu kede jogi. 21Mom itwero wunu mato ikopo a Rwot kede ik opo a jogi. Mom itwero wunu cem i meja a Rwot kede dok i meja a jogi. 22#Lodo 32.21Onyo wan omito wunu omo yi Rwot me nyeko make? Wan otye kede teko akato en?

Tim wunu gin ducu pi kwogo Obaŋa

23 # 1 Kor. 6.12 “Atwero timo jami luŋ,” cite mom jarm luŋ konyo. “Atwero timo jami luŋ,” cite mom ni jami luŋ doŋo iyee a jo. 24Dano kur lub gin a konyo en kene, cite lub gin a konyo awottere. 25Cam wunu gin luŋ ame ocato i cuk aboŋo penyo ginnoro iye pi lworo bal: 26#Jab. 24.1Pien lobo gire mea Rwot, kede jami luŋ a tye iye. 27Ka dano moro a mom oye Rwot ocwanowu i cem, kun imito wunu wot iye, cam wunu ginnoro luŋ ame oketo i nyimwu, aboŋo penyo ginnoro iye pi lworo bal. 28Cite ka ŋattoro okobbiwu ni, “Man en gin a rik oyalli jok,” kur icamu, pi paro pi ŋat a doŋ oryonorowu-nono, kede pi tammere me cunye a nyutte ballere. 29Mano an akobo pi tammere me cunye en dano ocele ca, mom me cunyi yin. Piŋo kuc ame an atye kede me timo ginnoro-ni ogeŋo oko pi tam me cuny dano ocele? 30Ka an anywako cem kun apwoo Obaŋa, piŋo oyeta pi gin a doŋ atyeko pwoyo Obaŋa pire?

31Doŋ kadi icamo onyo imato wunu onyo gin ame itio wunu luŋ, tim wunu ducu pi miyo Obaŋa kwogo. 32Kur ibal wunu cuny Ojudaya, kadi jo Grik, onyo lwak jo oye Obaŋa, 33acalo an daŋ atemo yomoro cuny jo luŋ i gin ame aŋeo ducu, kun mom alaro pi gin a konya, cite alaro pi gin a konyo jo apol, me gin larre.

Currently Selected:

1 Korinti 10: La79

Highlight

Copy

Compare