1 Korinti 11

1 # 1 Kor. 4.16; Pil. 3.17 Wop wunu kitena, acalo an daŋ awopo kite a Kricito.

Wumo wi mon

2Apwoowu pien i kop luŋ ipoyo wunu an, kun ilido wunu pwony a rik akelliwu. 3Cite amito iŋe wunu ni wi ico acel acel en Kricito, wi dako en cware, wi Kricito en Obaŋa. 4Ico moro-ni a kwao Obaŋa, onyo a rabo kop Obaŋa, kun owumo wie oko nwoŋo oketo lewic i wie; 5cite dako a kwao Obaŋa onyo a rabo kop Obaŋa a kun mom owumo wie, nwoŋo oketo lewic i wie, pien mom tye apoka poka moro baŋe kede dako olyelo wie. 6Ka dako pe wumo wie, ber en mwor yer wie oko. Doŋ ka bedo me lewic dako ilyelo wie, onyo mworo wie, myero doŋ wum wie oko. 7#Age. 1.26-27Ico mom myero wum wie, pien en cal Obaŋa kede kwogo Obaŋa; cite en dako kwogo ico. 8#Age. 2.18-23Ico rik mom oketo iya i kom dako, dako en ame oya i kom ico. 9Ico rik mom oketo pi dako, dako oketo pi ico. 10En omio dako myero bed anyut me twer i wie, pi omalaika. 11Ento i Rwot, mon pe twero Cuŋ kengi aboŋo co, co daŋ mom twero Cuŋ kengi aboŋo mon; 12pien acalo dako rik otio iya ikom ico, i kite acellono ico daŋ dako a nywalo, dok jami luŋ ya i baŋ Obaŋa. 13Koŋ iŋol wunu kenwu; nen aber ka dako okwao Obaŋa kun mom owumo wie? 14Anaka kite ame onywalowa kede daŋ mom pwonyowu ni ka ico opito yer wie, lane? 15Cite dako ka opito yer wie bedo me kwogo baŋe, pien omie yer aboco-nono me wumere kede. 16Cite ka ŋattoro mito kela iye pyem, wan mom otye i kodi kite-nono, mom daŋ tye i akina lwak jo oye Obaŋa luŋ.

Bal ame oridde i Cam a Rwotwa

17Acikowu kun daŋ atye i koppogo ame mom yia yom iye i komwu, pien cokerewu konnyoro mom iye, kela ka bal keken. 18Kop me agege atyeko winyo ni, ka lwak ocokere karacel, apokapoka bedo tye i akinawu. An daŋ tuŋ cel aye koppono, 19pien eryoŋettogo myero bed i akinawu, me jo a tye aber nen oko kannaler. 20Pien ka icokere wunu karacel mom gire icamo wunu cam a Rwotwa, 21pien wun ducu ŋat acel acel ŋuko camo cemmere kene, kun jo mogo buto iye kec, mogo luŋyo mer amera. 22Pacciwu mom bo, me cem kede me mat? Onyo icao wunu lwak jo oye Obaŋa, ite keto wunu lewic i kom jo a mom i ginnoro? Myero akobbiwu niŋo? Myero apwowu? Pe gire atwero pwoyowu i kop-pi!

Ageyi me Cam a Rwotwa

(Nen daŋ Matayo 26.26-29; Marako 14.22-25; Luka 22.14-20)

23Pien pwony ame apwonyowu kede, Rwot en omia, ni, i dyewor a rik oketo erupe i kome iye-nono, Rwot Yecu omako ogati; 24ka doŋ opwoo, onyinyilo, omiogi kun kobo ni, “Man en koma ame tye pirwu. Tim wunu man me poyo an,” 25#Yaa 24.6-8; Jer. 31.31-34Amannono ka gin ocamo otum, otiŋo ikopo kun kobo ni, “Ikopo man en cikere anyen i remona. Tim wunu man kare luŋ ame imato wunu, me poyo an.” 26Pien i kare luŋ ame icamo wunu ogati man, dok daŋ imato wunu ikopo-ni, nwoŋo ilalo wunu kop me to a Rwot, ituno ka en bino dwogo.

Jo a camo Cam a Rwotwa i kite a mom myero

27En omio ka dano ocamo ogati man, onyo omato ikopo man a kun kite mere mom myero, nwoŋo en odoko abal i kom kom kede remo a Rwot. 28Dano acel acel myero kwon ŋiye kene, en amio en te camo ogati-ni kede mato gin iyi ikopo-ni. 29Pien ŋat a camo onyo mato a kun mom oniaŋ aber te kop me kom Rwot, nwoŋo en akelo ŋolo kop i kome kene ka ce en ocamo onyo omato. 30Mano en gin omio polwu two, daŋ igoro wunu, jo apopol otyeko to oko. 31Kono rik oŋolo kop i komwa kenwa kakare, kono mom oŋolliwa kop. 32Doŋ ka Rwot tye aŋolliwa kop, en nwoŋo apwodowa me pwonyowa, me kur ŋol kop loowa karacel i jo me lobo.

33Doŋ ba, omegona, ka icokere wunu me camo cam a Rwotwa, ŋat acel acel myero koŋ kur wadgi. 34Ka ŋat a kec aneko, myero en ge cem i paco, me kur kop lowa ka ocokere wunu. Kop ocele ame odoŋ, abino yiko

Currently Selected:

1 Korinti 11: La79

Highlight

Copy

Compare