Rômə 11
11
Dyǔ lí báŋiyǎ baʼ bá Ísrɛl á nyǔ
1Nǎn kɔndɛ́ nána, Dyǔ lí báŋ baʼ bá mɔ á nyǔ? Ǎyi! Mi pə́ n dí mɔʼ a Ísrɛl awə̌ a fí á njá mú Ábrahâmə á túmbá lí Bénjámɛnə. 2Dyǔ lí sɛ̌ baʼ bá mɔ ɛ báŋ á nyǔ. Bá dí baʼ ábə́ a m məní ɛ pwɛʼ ta á bíbutílí. Nyí bí yə̌ ɛ́yə́ kâti ɛ Dyǔ ngə Ɛláyíja a bílíní ɛ yɔ́m Dyǔ álí pɔ̌ŋ mɔ́ yə̌ ɛ́yə́ baʼ bá Ísrɛl bá bílíní ɛ bwə. 3A m pɔ̌ŋ Dyǔ nána, “Sáŋgúwə́ baʼ á bán bá mə́ ɛ búlú balaku-bá-mudî bá wə básə́sə̌n na bá mə́ ɛ páŋtí tíbili ɛ jabeya ɛ́ wə. Mimə̌n nfɔ́ n dikɛ́ní na bá wanan álí búlú mî.” 4Dyǔ lî n pushú mɔ́ nána, “M mə́ ɛ kúmbɛ baʼ bikúlí shyǎmbɛ á mimə̌n ábə́ bá nan kɛsíyá wə́ Báalə, dyǔ lí mátúm.” 5Nâ ɛ́ díní ká sɔnsɔ́nǎn, ngushu ɛ́ bâ bá Ísrɛl bá dí wɔ̂ ábə́ Dyǔ lí pwɛ́síní na nsimá m mɔ. 6Lí pwɛ́sí bɔ́ á ɛ́tútú ɛ́ nsimá m mɔ, suká á ɛ́tútú ɛ́ misam ámə́ bá bwəní. Njí Dyǔ lí bílí ɛ pwɛʼ baʼ á ɛ́tútú ɛ́ bibulú bí bɔ, ní suká na nsimá m mɔ́ lí pwɛsíní bɔ́. 7Yə̌ kə́ ɛ́yínán ɛ́ lúfúní? Baʼ bá Ísrɛl bá sî n kwisí yǔm ɛ́yə́ bá bílíní ɛ sa. Ɛ́ bílí wɔ̂ mǎ ngushu ɛ́ baʼ ábə́ Dyǔ lí m pwɛní bɔ́ bâ kwisí yǔm ɛ́yə́ bá bílíní ɛ saʼ. Ndé ábání milə́m mí bɔ mî n kpúʼ. 8Ɛ́ tílání á kâti ɛ Dyǔ nána,
Dyǔ lí bwə́lí bɔ́ elemâ.
Kə́ŋ ta wúyɛ́, bá sɛ̌ ɛ́ mín, bá sɛ pə́ ɛ wú wǔm.
9Devídə pə́ a m byá nána,
“Nǎn kání nána ɛ bwə̂ misam ámə́ mí bwə bɔ́ bá wú munyɛŋgɛ na byə̌m bínán bí bá bɔ́ ngə malám.
Nǎn kání nána, bá kfún, Dyǔ lí kɔ́ksɛ bɔ́, á ɛ́tútú ɛ́ misam ámə́ bá bwəní.
10Nǎn kání nána, Dyǔ lí bwə̂ mǐ má dím bɔ́ nána bá sî púlá ɛ́ mín.
Nǎn kání nána, lí bwə̂ bɔ́ bá pə́m múná ámə́ n dílí ámə́ nán ni bɔ́ mbǐ púndá ɛ ɛsə́sə̌n.”
11Nǎn kɔndɛ́ pə́ nána, á púndá ɛyə̌ baʼ bá Júda bá kúmbíní ɛkwi, bâ n kfún á nyay ɛyə̌ bá sî m púlní pə́ ɛ tyə́? Ǎyi, suká nâ ɛ́ bílíní. Á ɛ́tútú wúbî wú bɔ, Dyǔ lí mə́ ɛ bə́ lishuŋgɛ á baʼ ábə́ bá shiyǎ baʼ bá Júda álí bwə nána baʼ bá Júda bá wú ngɔŋgí. 12Ngə baʼ bá Júda bá kfúndíní, wú pánání wunam á baʼ bápə́pə̂ básə́sə̌n á nkínshíyə. Ngə baʼ bá Júda bâ m bání liban lí misam mí múdî, lî m panán wunam wúnə̂n á baʼ ábə́ bá shiyǎ baʼ bá Júda. Njí Dyǔ lí tíŋgání ɛ namsɛ́ baʼ ábə́ bá shiyǎ baʼ bá Júda, njí baʼ bá Júda bá bwə́lí wubî, yán kə́ wunam bû wú bání ábə́ lí bəní ɛtî ɛ́yə́ baʼ bá Júda básə́sə̌n bá kwisíní lishuŋgɛ
Lishuŋgɛ lí baʼ ábə́ bá shiyǎ baʼ bá Júda
13Sɔnsɔ́nǎn nǎn byábán nyə́ baʼ ábə́ bá shiyǎ baʼ bá Júda. N dí muwútú-ali-lúm á baʼ ábə́ bá shiyǎ baʼ bá Júda. Nǎn bə̌ ɛbulú ɛ́ myə ɛdúbɛ́ jǐta. 14Ɛbwəlafâ n tiŋgání ɛ bwə̂ baʼ bá myə bá Júda bá wú ŋgɔŋgí álí bwə nána duŋgu lí bɔ lí kwísi líshuŋgɛ. 15Á púndá ɛyə̌ Dyǔ lí sî báŋní baʼ bá Júda á nyǔ, baʼ bá nkínshíyə básə́sə̌n bâ n tim álí bá nsu nfɔ́ na Dyǔ. Sɔnsɔ́nǎn, yán kə́ ɛ́ bání ɛ́yə́ Dyǔ lí kásíní pə́ baʼ bá Júda ngə baʼ bá mɔ? Ɛ́ bá ngə baʼ ábə́ bâ n mə̌ ɛ wá, bá tím pə́ á luŋgɛ́. 16Njí bá bə́kí Dyǔ ɛpɛsí ɛ́ blɛ̂t ɛ́ wusúwə ngə jabeya, ɛ́yî ɛ́ lúfú nána blɛ̂t bî bísə́sə̌n bí dí bí mɔ. Njí bá bə́kí mikaŋgá mí bwə̂, ní milâʼ pə́ mí dí mí mɔ́.
17Bá kú mílâʼ mí ɛ́ju ɛ́ bwə̌ ɛ́ ólivə ɛ́yə́ bá wúníní, ti bá bándí yɔ́ á ɛlâʼ á ɛ́ju ɛ́ bwə̌ ɛ́ ólivə ɛ́yə́ ɛ́ kɔ́lí á ndfukú. Nyə́ baʼ ábə́ nyí shiyǎ baʼ bá Júda, nyí dí ngə milâʼ mí ɛ́ju ɛ́ bwə̌ wú ólivə ábə́ mí dí á ndfukú ámə́ mɔ́ pə́ mí kwisí madí ámə́ má fí á míkaŋgá mí ɛ́ju ɛ́ bwə̂ ɛ́yî. 18Áfánikə̌, nyí si pusí nyǔ ɛ́ nyə ti nyí tátí milâʼ mípə́pə̂ ámə́ bá kúní ngə mí shiyǎ ká yǔm. Njí nyí púsí nyǔ ɛ́ nyə, nyí si yasán nána suká nyə́ nyí wálí míkaŋgá ndé mikaŋgá mɔ mí wálí nyə́. 19Nyí tíŋgání ɛ pusí nyǔ ɛ́ nyə nána bá mə́ ɛ fúl milâʼ mî álí bwə nána bá bán nyə́ áwə́. 20Ɛ́ dí mbálɛ. Bá fúlí bɔ́ áwə́ á ɛ́tútú nána bá sî n dúbɛ́. Nâ bá bándí nyə́ á ɛ́tútú nána nyî n dúbɛ́. Ndé nyí si pusí nyǔ, ndé nyí wú bɔŋ. 21Njí Dyǔ lí sî wú baʼ bá Júda likini ábə́ bá dí ngə milaʼ mî ámə́ mî n kɔ́sə́ ɛ́ bá, nyí kaní nána lí báŋ álí kɔ́ksɛ́ nyə́? 22Nyí míní nána, á pɛ pɔ́ Dyǔ lí lɔ́lí nlə́m, á pɛsi ɛníní lí kpútí nlə́m. Lí kpútí nlə́m á baʼ ábə́ bá púndí mbuka, ndé lí lɔ̌ nlə́m á nyə́ njí nyí dí wə̂ ɛ́ nǎn mbuka m mɔ. Ndé njí nyí sə̌ mɔ́ ɛ nan ní lí fúl pə́ nyə́. 23Na njí baʼ bá Júda pə́ bá mákú likpú lí nlú lí bɔ ti bá tímbí á Dyǔ, Dyǔ lí nuŋ pə́ bɔ́. Lí wɔ́ŋí ngínya álí bwə nâ. 24Nyə́ baʼ ábə́ bá shiyǎ baʼ bá Júda ábə́ nyí dí ngə milâʼ mí ɛ́ju ɛ́ bwə̌ ɛ́ ólivə ámə́ mí dí á ndfukú, njí Dyǔ lí tíŋgání nyə́ ɛ fúl á ɛ́ju ɛ́ bwə̌ ɛ́ ólivə, lí bán nyə́ á ɛju ɛ́ bwə̂ ɛ́yə́ bá wúníní, nyí kaní nána a tíŋganiyǎ ɛ nuŋ baʼ bá Júda lí tímbí pə́ bɔ́ mbǐ? Baʼ bá Júda bɔ́ bá dí ngə ɛlâʼ ɛ́yə́ ɛ́ n kɔ́sɛ́ ɛ́ bá á ɛ́ju ɛ́ bwə̌ ɛ́yî.
Likini lí Dyǔ á mɔʼ ansə́sə̌n
25Bǎn-bá-nyǎ bá myə, nǎn sa nána nyí sɔ́ntan misam ámə́ baʼ bápə́pə̂ bá nan sɔ́ntáníyá wə́, nána nyí sî kaní nána nyí wɔ́ŋí libyɛ́ jǐta. Nǎn sa nána nyí sɔ́ntan nána likpúʼ lí nlú lí duŋgu lí baʼ bá Júda lí bá kə́ŋ ta baʼ bâ ábə́ bá dúbɛ̌ bá dúbɛ. 26Ɛ́yínán ɛ́ bwə baʼ bá Ísrɛl bá kwísí lishuŋgɛ. Kâti ɛ Dyǔ ɛ byábí nána,
“Musuŋgedi á fí á Záyɔnə.
Ti a fúlí wubî wúsəsə̌n á nja n Jekɔ́bə.
27Ɛ́yínán ɛ́ dí nguʼ ɛ́ myə na bɔ́, á ɛtî ɛ́yə́ n fúlní wubî wú bɔ.”
28Baʼ bá Júda bá dí baʼ bá ɛkfwɛyí bá Dyǔ á ɛ́tútú nána ba sî n dúbɛ́ Ndúm ɛ Mbâ. Ɛ́yínán ɛ̂ n bwəlan nána nyə́ baʼ ábə́ bá shiyǎ baʼ bá Júda nyí kwísi lishuŋgɛ. Ká ngə ɛ́ díní nâ, Dyǔ lí pwɛ́sí baʼ bá Júda, lí dí wə̂ bɔ́ ɛ nəŋ á ɛ́tútú ɛ́ nguʼ ɛyə̌ lî n mwání na basáŋ bá bɔ bá nyákə́ 29Ɛ́yínán ɛ́ dí nâ á ɛ́tútú nána, njí Dyǔ lí pwɛ́sí mɔʼ ti lí námsɛ́ mɔ́, ní lí mə́ ɛ pwɛ na lí mə́ mɔ́ ɛ namsɛ. 30Á púndá ɛ nyákə́, nyə́ nyî n kpú milú á Dyǔ. Ndé sɔnsɔ́nǎn ɛ́yə́ baʼ bá Júda bá kpútíní milú á Dyǔ, ɛ́ bwə́lí Dyǔ lí wúkí nyə́ likini, ti lí wúnjání nyə́ álí wúnján mɔ́. 31Sɔnsɔ́nǎn, baʼ bá Júda jǐta bá kpútí milú á Dyǔ. Dyǔ lí wú bɔ́ likini na lí wúnján bɔ́ álí wúnján mɔ́ pə́. Lí bwə́lí nâ nána lí wú pə́ bɔ́ likini mulimlim ngə lî n wúní nyə́ ábə́ nyí shiyǎ baʼ bá Júda likini.
32Dyǔ lí mə́ ɛ bwə likpú lí nlú lí bâ lí dí ngə lí mə́ bɔ́ ɛ fá á bíbuwa bɔ́ baʼ básə́sə̌n ti lí wúkí bɔ́ likini. Mɔʼ ansə́sə̌n á bá ngə mɔʼ a bibuwa ngə bá sɛní mɔ́ ɛ wúkan álí bwə nána lí wɔ́ŋ nlə́m mú likini á bɔ́ baʼ básə́sə̌n.
Baʼ bá kɛ́si Dyǔ
33Nyí mín ngə Dyǔ lí díní wudi! Lí bí misam mísə́sə̌n na lí kínjú jǐta. Mɔʼ ká nfɔ́ a tíŋganiyǎ ɛ́ sɔ́ntan ngə Dyǔ lí bwəní misam. Mɔʼ ká nfɔ́ a tíŋganiyǎ ɛ sɔ́ntan nyay ɛyə̌ Dyǔ lí bwəní misam. 34Ɛ́ tílání á kâti ɛ Dyǔ nána,
“Njá a tiŋgání ɛ́ bí likani lí Dyǔ?
Njá a tiŋgání mɔ́ ɛ bə máléyá?
35Njá a m mə̂ ɛ́ bə Dyǔ yǔm,
nána ǎ tim mɔ́ ɛ sáwu?”
36Dyǔ lɔ́ lî n wikí byə̌m bísə́sə̌n. Á ɛ́tútú ɛ́ mɔ yɔ̂ byə̌m bísə́sə̌n bí díní. Na lɔ́ lí wɔ́ŋí byə̌m bísə́sə̌n. Wulɔʼ wú bá na Dyǔ á bwindeya. Ɛ́bánâ.
Currently Selected:
Rômə 11: bwt
Highlight
Copy
Compare
Share
Want to have your highlights saved across all your devices? Sign up or sign in
Rômə 11
11
Dyǔ lí báŋiyǎ baʼ bá Ísrɛl á nyǔ
1Nǎn kɔndɛ́ nána, Dyǔ lí báŋ baʼ bá mɔ á nyǔ? Ǎyi! Mi pə́ n dí mɔʼ a Ísrɛl awə̌ a fí á njá mú Ábrahâmə á túmbá lí Bénjámɛnə. 2Dyǔ lí sɛ̌ baʼ bá mɔ ɛ báŋ á nyǔ. Bá dí baʼ ábə́ a m məní ɛ pwɛʼ ta á bíbutílí. Nyí bí yə̌ ɛ́yə́ kâti ɛ Dyǔ ngə Ɛláyíja a bílíní ɛ yɔ́m Dyǔ álí pɔ̌ŋ mɔ́ yə̌ ɛ́yə́ baʼ bá Ísrɛl bá bílíní ɛ bwə. 3A m pɔ̌ŋ Dyǔ nána, “Sáŋgúwə́ baʼ á bán bá mə́ ɛ búlú balaku-bá-mudî bá wə básə́sə̌n na bá mə́ ɛ páŋtí tíbili ɛ jabeya ɛ́ wə. Mimə̌n nfɔ́ n dikɛ́ní na bá wanan álí búlú mî.” 4Dyǔ lî n pushú mɔ́ nána, “M mə́ ɛ kúmbɛ baʼ bikúlí shyǎmbɛ á mimə̌n ábə́ bá nan kɛsíyá wə́ Báalə, dyǔ lí mátúm.” 5Nâ ɛ́ díní ká sɔnsɔ́nǎn, ngushu ɛ́ bâ bá Ísrɛl bá dí wɔ̂ ábə́ Dyǔ lí pwɛ́síní na nsimá m mɔ. 6Lí pwɛ́sí bɔ́ á ɛ́tútú ɛ́ nsimá m mɔ, suká á ɛ́tútú ɛ́ misam ámə́ bá bwəní. Njí Dyǔ lí bílí ɛ pwɛʼ baʼ á ɛ́tútú ɛ́ bibulú bí bɔ, ní suká na nsimá m mɔ́ lí pwɛsíní bɔ́. 7Yə̌ kə́ ɛ́yínán ɛ́ lúfúní? Baʼ bá Ísrɛl bá sî n kwisí yǔm ɛ́yə́ bá bílíní ɛ sa. Ɛ́ bílí wɔ̂ mǎ ngushu ɛ́ baʼ ábə́ Dyǔ lí m pwɛní bɔ́ bâ kwisí yǔm ɛ́yə́ bá bílíní ɛ saʼ. Ndé ábání milə́m mí bɔ mî n kpúʼ. 8Ɛ́ tílání á kâti ɛ Dyǔ nána,
Dyǔ lí bwə́lí bɔ́ elemâ.
Kə́ŋ ta wúyɛ́, bá sɛ̌ ɛ́ mín, bá sɛ pə́ ɛ wú wǔm.
9Devídə pə́ a m byá nána,
“Nǎn kání nána ɛ bwə̂ misam ámə́ mí bwə bɔ́ bá wú munyɛŋgɛ na byə̌m bínán bí bá bɔ́ ngə malám.
Nǎn kání nána, bá kfún, Dyǔ lí kɔ́ksɛ bɔ́, á ɛ́tútú ɛ́ misam ámə́ bá bwəní.
10Nǎn kání nána, Dyǔ lí bwə̂ mǐ má dím bɔ́ nána bá sî púlá ɛ́ mín.
Nǎn kání nána, lí bwə̂ bɔ́ bá pə́m múná ámə́ n dílí ámə́ nán ni bɔ́ mbǐ púndá ɛ ɛsə́sə̌n.”
11Nǎn kɔndɛ́ pə́ nána, á púndá ɛyə̌ baʼ bá Júda bá kúmbíní ɛkwi, bâ n kfún á nyay ɛyə̌ bá sî m púlní pə́ ɛ tyə́? Ǎyi, suká nâ ɛ́ bílíní. Á ɛ́tútú wúbî wú bɔ, Dyǔ lí mə́ ɛ bə́ lishuŋgɛ á baʼ ábə́ bá shiyǎ baʼ bá Júda álí bwə nána baʼ bá Júda bá wú ngɔŋgí. 12Ngə baʼ bá Júda bá kfúndíní, wú pánání wunam á baʼ bápə́pə̂ básə́sə̌n á nkínshíyə. Ngə baʼ bá Júda bâ m bání liban lí misam mí múdî, lî m panán wunam wúnə̂n á baʼ ábə́ bá shiyǎ baʼ bá Júda. Njí Dyǔ lí tíŋgání ɛ namsɛ́ baʼ ábə́ bá shiyǎ baʼ bá Júda, njí baʼ bá Júda bá bwə́lí wubî, yán kə́ wunam bû wú bání ábə́ lí bəní ɛtî ɛ́yə́ baʼ bá Júda básə́sə̌n bá kwisíní lishuŋgɛ
Lishuŋgɛ lí baʼ ábə́ bá shiyǎ baʼ bá Júda
13Sɔnsɔ́nǎn nǎn byábán nyə́ baʼ ábə́ bá shiyǎ baʼ bá Júda. N dí muwútú-ali-lúm á baʼ ábə́ bá shiyǎ baʼ bá Júda. Nǎn bə̌ ɛbulú ɛ́ myə ɛdúbɛ́ jǐta. 14Ɛbwəlafâ n tiŋgání ɛ bwə̂ baʼ bá myə bá Júda bá wú ŋgɔŋgí álí bwə nána duŋgu lí bɔ lí kwísi líshuŋgɛ. 15Á púndá ɛyə̌ Dyǔ lí sî báŋní baʼ bá Júda á nyǔ, baʼ bá nkínshíyə básə́sə̌n bâ n tim álí bá nsu nfɔ́ na Dyǔ. Sɔnsɔ́nǎn, yán kə́ ɛ́ bání ɛ́yə́ Dyǔ lí kásíní pə́ baʼ bá Júda ngə baʼ bá mɔ? Ɛ́ bá ngə baʼ ábə́ bâ n mə̌ ɛ wá, bá tím pə́ á luŋgɛ́. 16Njí bá bə́kí Dyǔ ɛpɛsí ɛ́ blɛ̂t ɛ́ wusúwə ngə jabeya, ɛ́yî ɛ́ lúfú nána blɛ̂t bî bísə́sə̌n bí dí bí mɔ. Njí bá bə́kí mikaŋgá mí bwə̂, ní milâʼ pə́ mí dí mí mɔ́.
17Bá kú mílâʼ mí ɛ́ju ɛ́ bwə̌ ɛ́ ólivə ɛ́yə́ bá wúníní, ti bá bándí yɔ́ á ɛlâʼ á ɛ́ju ɛ́ bwə̌ ɛ́ ólivə ɛ́yə́ ɛ́ kɔ́lí á ndfukú. Nyə́ baʼ ábə́ nyí shiyǎ baʼ bá Júda, nyí dí ngə milâʼ mí ɛ́ju ɛ́ bwə̌ wú ólivə ábə́ mí dí á ndfukú ámə́ mɔ́ pə́ mí kwisí madí ámə́ má fí á míkaŋgá mí ɛ́ju ɛ́ bwə̂ ɛ́yî. 18Áfánikə̌, nyí si pusí nyǔ ɛ́ nyə ti nyí tátí milâʼ mípə́pə̂ ámə́ bá kúní ngə mí shiyǎ ká yǔm. Njí nyí púsí nyǔ ɛ́ nyə, nyí si yasán nána suká nyə́ nyí wálí míkaŋgá ndé mikaŋgá mɔ mí wálí nyə́. 19Nyí tíŋgání ɛ pusí nyǔ ɛ́ nyə nána bá mə́ ɛ fúl milâʼ mî álí bwə nána bá bán nyə́ áwə́. 20Ɛ́ dí mbálɛ. Bá fúlí bɔ́ áwə́ á ɛ́tútú nána bá sî n dúbɛ́. Nâ bá bándí nyə́ á ɛ́tútú nána nyî n dúbɛ́. Ndé nyí si pusí nyǔ, ndé nyí wú bɔŋ. 21Njí Dyǔ lí sî wú baʼ bá Júda likini ábə́ bá dí ngə milaʼ mî ámə́ mî n kɔ́sə́ ɛ́ bá, nyí kaní nána lí báŋ álí kɔ́ksɛ́ nyə́? 22Nyí míní nána, á pɛ pɔ́ Dyǔ lí lɔ́lí nlə́m, á pɛsi ɛníní lí kpútí nlə́m. Lí kpútí nlə́m á baʼ ábə́ bá púndí mbuka, ndé lí lɔ̌ nlə́m á nyə́ njí nyí dí wə̂ ɛ́ nǎn mbuka m mɔ. Ndé njí nyí sə̌ mɔ́ ɛ nan ní lí fúl pə́ nyə́. 23Na njí baʼ bá Júda pə́ bá mákú likpú lí nlú lí bɔ ti bá tímbí á Dyǔ, Dyǔ lí nuŋ pə́ bɔ́. Lí wɔ́ŋí ngínya álí bwə nâ. 24Nyə́ baʼ ábə́ bá shiyǎ baʼ bá Júda ábə́ nyí dí ngə milâʼ mí ɛ́ju ɛ́ bwə̌ ɛ́ ólivə ámə́ mí dí á ndfukú, njí Dyǔ lí tíŋgání nyə́ ɛ fúl á ɛ́ju ɛ́ bwə̌ ɛ́ ólivə, lí bán nyə́ á ɛju ɛ́ bwə̂ ɛ́yə́ bá wúníní, nyí kaní nána a tíŋganiyǎ ɛ nuŋ baʼ bá Júda lí tímbí pə́ bɔ́ mbǐ? Baʼ bá Júda bɔ́ bá dí ngə ɛlâʼ ɛ́yə́ ɛ́ n kɔ́sɛ́ ɛ́ bá á ɛ́ju ɛ́ bwə̌ ɛ́yî.
Likini lí Dyǔ á mɔʼ ansə́sə̌n
25Bǎn-bá-nyǎ bá myə, nǎn sa nána nyí sɔ́ntan misam ámə́ baʼ bápə́pə̂ bá nan sɔ́ntáníyá wə́, nána nyí sî kaní nána nyí wɔ́ŋí libyɛ́ jǐta. Nǎn sa nána nyí sɔ́ntan nána likpúʼ lí nlú lí duŋgu lí baʼ bá Júda lí bá kə́ŋ ta baʼ bâ ábə́ bá dúbɛ̌ bá dúbɛ. 26Ɛ́yínán ɛ́ bwə baʼ bá Ísrɛl bá kwísí lishuŋgɛ. Kâti ɛ Dyǔ ɛ byábí nána,
“Musuŋgedi á fí á Záyɔnə.
Ti a fúlí wubî wúsəsə̌n á nja n Jekɔ́bə.
27Ɛ́yínán ɛ́ dí nguʼ ɛ́ myə na bɔ́, á ɛtî ɛ́yə́ n fúlní wubî wú bɔ.”
28Baʼ bá Júda bá dí baʼ bá ɛkfwɛyí bá Dyǔ á ɛ́tútú nána ba sî n dúbɛ́ Ndúm ɛ Mbâ. Ɛ́yínán ɛ̂ n bwəlan nána nyə́ baʼ ábə́ bá shiyǎ baʼ bá Júda nyí kwísi lishuŋgɛ. Ká ngə ɛ́ díní nâ, Dyǔ lí pwɛ́sí baʼ bá Júda, lí dí wə̂ bɔ́ ɛ nəŋ á ɛ́tútú ɛ́ nguʼ ɛyə̌ lî n mwání na basáŋ bá bɔ bá nyákə́ 29Ɛ́yínán ɛ́ dí nâ á ɛ́tútú nána, njí Dyǔ lí pwɛ́sí mɔʼ ti lí námsɛ́ mɔ́, ní lí mə́ ɛ pwɛ na lí mə́ mɔ́ ɛ namsɛ. 30Á púndá ɛ nyákə́, nyə́ nyî n kpú milú á Dyǔ. Ndé sɔnsɔ́nǎn ɛ́yə́ baʼ bá Júda bá kpútíní milú á Dyǔ, ɛ́ bwə́lí Dyǔ lí wúkí nyə́ likini, ti lí wúnjání nyə́ álí wúnján mɔ́. 31Sɔnsɔ́nǎn, baʼ bá Júda jǐta bá kpútí milú á Dyǔ. Dyǔ lí wú bɔ́ likini na lí wúnján bɔ́ álí wúnján mɔ́ pə́. Lí bwə́lí nâ nána lí wú pə́ bɔ́ likini mulimlim ngə lî n wúní nyə́ ábə́ nyí shiyǎ baʼ bá Júda likini.
32Dyǔ lí mə́ ɛ bwə likpú lí nlú lí bâ lí dí ngə lí mə́ bɔ́ ɛ fá á bíbuwa bɔ́ baʼ básə́sə̌n ti lí wúkí bɔ́ likini. Mɔʼ ansə́sə̌n á bá ngə mɔʼ a bibuwa ngə bá sɛní mɔ́ ɛ wúkan álí bwə nána lí wɔ́ŋ nlə́m mú likini á bɔ́ baʼ básə́sə̌n.
Baʼ bá kɛ́si Dyǔ
33Nyí mín ngə Dyǔ lí díní wudi! Lí bí misam mísə́sə̌n na lí kínjú jǐta. Mɔʼ ká nfɔ́ a tíŋganiyǎ ɛ́ sɔ́ntan ngə Dyǔ lí bwəní misam. Mɔʼ ká nfɔ́ a tíŋganiyǎ ɛ sɔ́ntan nyay ɛyə̌ Dyǔ lí bwəní misam. 34Ɛ́ tílání á kâti ɛ Dyǔ nána,
“Njá a tiŋgání ɛ́ bí likani lí Dyǔ?
Njá a tiŋgání mɔ́ ɛ bə máléyá?
35Njá a m mə̂ ɛ́ bə Dyǔ yǔm,
nána ǎ tim mɔ́ ɛ sáwu?”
36Dyǔ lɔ́ lî n wikí byə̌m bísə́sə̌n. Á ɛ́tútú ɛ́ mɔ yɔ̂ byə̌m bísə́sə̌n bí díní. Na lɔ́ lí wɔ́ŋí byə̌m bísə́sə̌n. Wulɔʼ wú bá na Dyǔ á bwindeya. Ɛ́bánâ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in