Rômə 12
12
Yán luŋgɛ́ lí baʼ bá Krísto lí lɔ́líní ɛ bá
1Áfánikə̌, bǎn-bá-nyǎ bá myə, á ɛ́tútú likini lí nlə́m lí Dyǔ á sɛ́, nǎn yɔ́m nyə́ nána nyí bá ngə jabeya álə́ lí dí lúŋgɛ́. Jabeya lín lí lɔ́lí ɛ bá wusáŋgí, álə́ Dyǔ lí kásíní. Ɛ́yínán yɔ́ ɛ́ saki na nyí kɛsí Dyǔ. 2Nyí sí nan líbá lí baʼ bá nkínshíyə, ndé nyí máku Dyǔ lí pəlán milə́m mí nyə álí bwə nána nyí wɔ́ŋ ɛləm ɛ́ kɔ́nə́. Ɛ́yî ɛ́ bwə̌ nyí sɔ́ntan ti nyí nǎn mísam ámə́ Dyǔ lí saní. Nyí bí wulɔʼ, nyí bí misam ámə́ mí bwə Dyǔ lí wú munyɛŋgɛ, na nyí bí misam ámə́ mí tɛ́ŋgɛ́ní.
3Á ɛ́tútú ɛ́ nsimá ámə́ Dyǔ lí mə́ní mi ɛ bə̌, nǎn pɔ̌ŋ nyə́ mɔʼ na mɔtɛ́ nána, ɛ si kaní nána wə ɛ dí litúm yə̌ ɛ́yə́ ɛ díní. Mɔʼ na mɔtɛ́ a nûŋ nyǔ ngə a díní. Mɔʼ na mɔtɛ́ a mín nyǔ ɛ́ mɔʼ na jabeya álə́ Dyǔ lí bə́kíní mɔ́ ngə mɔʼ awə̌ a dúbɛ́. 4Nyǔ ɛ mɔnyuŋ ɛ dí pɔ́, ɛ wɔ́ŋí bikisá na bikisá, na ɛkisá tɛ́ ɛ́ wɔ́ŋí ɛbulú ɛ́ mɔ. 5Mulimlim nâ ɛ́ díní na sə́ baʼ bá Krísto. Sí bwí átin ndé sí dí nkunyǔ nfɔ́ na Krísto, na mɔʼ na mɔtɛ́ a shiyǎ na mɔ́mə̌n. 6Dyǔ lí mə́ ɛ bwəlán nsimá m mɔ álí bə̂ mɔʼ na mɔtɛ́ jabeya lí mɔ na ma dí nyai na nyai. Njí Dyǔ lí bə́kí mɔʼ jabeya álí pɔ̌ŋ misam á dǐn lí Dyu, lí bwə nâni tɛ́ŋgɛnɛ limɛnɛ lí dúbɛ́ álə́ a wɔ́ŋíní. 7Njí jabeya lí mɔ̂ʼ lí dí álí bwəlí bâ, a bwəlí bɔ́. Njí jabeya lí mɔ̂ʼ lí dí álí lɛ́fú, a lɛ́fu. 8Njí jabeya lí mɔ̂ʼ lí dí álí kpútí bâ milə́m, a kpúti bɔ́. Njí jabeya lí mɔ̂ʼ lí dí álí wúnján bâ, a bwə nâ na nlə́m m mɔ nsə́sə̌n. Njí jabeya lí mɔ̂ʼ lí dí álí janíyá bâ, a bwə nâni bwǎm na ɛwíyɛ́ ɛ́sə́sə̌n. Njí jabeya lí mɔ̂ʼ lí dí álí lúfú likini lí nlə́m á baʼ, á bwə̂ nâni na munyɛŋgɛ.
9Mɔtɛ́ a lúfú ɛniŋgán na mbálɛ á baʼ. Mɔtɛ́ a kfwɛ̂ ɛbə́ŋtí. Mɔʼ na mɔtɛ́ a shûm makwi má mɔ áshí álí bwə nsam m mbâ. 10Mɔʼ na mɔtɛ́ a nə̂ŋ mwǎn-n-nyǎ m mɔ na nlə́m nsə́sə̌n. Na mɔʼ na mɔtɛ́ a wɔ́ŋ ɛdúbɛ́ á mǎ-nyǎ m mɔ litúm ngə á bəní á mɔ́mə̌n. 11Mɔʼ na mɔtɛ́ a wɔ́ŋ nlə́m ámə́ n kpútí álí bwə ɛbulú. Mɔʼ na mɔtɛ́ a wánan álí bwəlí Dyǔ na nlə́m m mɔ nsə́sə̌n. 12Mɔʼ na mɔtɛ́ a bán nlə́m m mɔ á Dyǔ, lí panan wə̂ munyɛŋgɛ. Mɔʼ na mɔtɛ a tfûl nlə́m á mútaka ámə́ a díní átin. Mɔʼ na mɔtɛ́ a tfûl nlə́m m mɔ á makáni. 13Kǎʼ yə̌ ɛ́yə́ ɛ wɔ́ŋíní na bǎn bá nyǎ bá wə á Krísto ábə́ bá sa. Kasí bakən na wulɔʼ wú nlə́m.
14Nyí káni á Dyǔ nána lí námsɛ baʼ ábə́ bá takí nyə́. Nyí kání na bá si kwisí ɛ́bómán ndé nyí káni nána Dyǔ lí námsɛ bɔ́ wɔ̂. 15Nyí wú munyɛŋgɛ na baʼ ábə́ bá wú múnyɛŋgɛ. Nyí lɛ́bɛ na baʼ ábə́ bá lɛbɛ. 16Nyí bá nsu nfɔ́ na nyə́mə̌n. Nyí si pusí nyǔ ɛ́ nyə. Nde nyí bá lisún na baʼ ábə́ bá shiyǎ ká yǔm. Mɔʼ ká nfɔ́ a si kaní nána a kínjú jǐta.
17Njí mɔʼ a bwəlí nyə́ wubî, nyí si timbí mɔ́ wubî. Nyí wánán álí bwə̂ misam ámə́ mɔʼ ansə́sə̌n á mín ní nána mí dí bwǎm. 18Mɔʼ na mɔtɛ́ a sa nji álí bá musaŋgu na mɔʼ ansə́sə̌n. 19Basún bá myə, njí mɔʼ a bwəlí nyə́ wubî nyí si timbí bɔ́ wubî. Ndé nyí máku Dyǔ lɔ́mə̌n lí kɔ́ksɛ bɔ́. Nǎn byá nâ á ɛ́tútú nána ɛ́ tílání á kâti ɛ Dyǔ nána, Dyǔ lí byábí nána, “Mi nǎn timbí wúbî á mɔʼ awə̌ a bwəlí wubî. Mi Sáŋgúwə́ miyə́ nǎn byá.” 20Ɛ́ tílání á kâti ɛ Dyǔ á fǔm búpə́pə̂ nána, “Njí mɔʼ a ɛkfwɛyí n wə ǎ jǐ njɛ, bə mɔ́ lidyá. Njí ǎ wú sə́m, bə mɔ́ yǔm ɛ́lí mwá. Njí nyí bwə́lí nâ, ɛ̌ bwə bɔ́ bá wú wúsɔ́n, na bá sǎ nji álí pəlan.” 21Nyí si makú wubî wú dyɛ́lɛ́ nyə́. Ndé wulɔʼ wú nyə wú túm wubî.
Currently Selected:
Rômə 12: bwt
Highlight
Copy
Compare
Share
Want to have your highlights saved across all your devices? Sign up or sign in
Rômə 12
12
Yán luŋgɛ́ lí baʼ bá Krísto lí lɔ́líní ɛ bá
1Áfánikə̌, bǎn-bá-nyǎ bá myə, á ɛ́tútú likini lí nlə́m lí Dyǔ á sɛ́, nǎn yɔ́m nyə́ nána nyí bá ngə jabeya álə́ lí dí lúŋgɛ́. Jabeya lín lí lɔ́lí ɛ bá wusáŋgí, álə́ Dyǔ lí kásíní. Ɛ́yínán yɔ́ ɛ́ saki na nyí kɛsí Dyǔ. 2Nyí sí nan líbá lí baʼ bá nkínshíyə, ndé nyí máku Dyǔ lí pəlán milə́m mí nyə álí bwə nána nyí wɔ́ŋ ɛləm ɛ́ kɔ́nə́. Ɛ́yî ɛ́ bwə̌ nyí sɔ́ntan ti nyí nǎn mísam ámə́ Dyǔ lí saní. Nyí bí wulɔʼ, nyí bí misam ámə́ mí bwə Dyǔ lí wú munyɛŋgɛ, na nyí bí misam ámə́ mí tɛ́ŋgɛ́ní.
3Á ɛ́tútú ɛ́ nsimá ámə́ Dyǔ lí mə́ní mi ɛ bə̌, nǎn pɔ̌ŋ nyə́ mɔʼ na mɔtɛ́ nána, ɛ si kaní nána wə ɛ dí litúm yə̌ ɛ́yə́ ɛ díní. Mɔʼ na mɔtɛ́ a nûŋ nyǔ ngə a díní. Mɔʼ na mɔtɛ́ a mín nyǔ ɛ́ mɔʼ na jabeya álə́ Dyǔ lí bə́kíní mɔ́ ngə mɔʼ awə̌ a dúbɛ́. 4Nyǔ ɛ mɔnyuŋ ɛ dí pɔ́, ɛ wɔ́ŋí bikisá na bikisá, na ɛkisá tɛ́ ɛ́ wɔ́ŋí ɛbulú ɛ́ mɔ. 5Mulimlim nâ ɛ́ díní na sə́ baʼ bá Krísto. Sí bwí átin ndé sí dí nkunyǔ nfɔ́ na Krísto, na mɔʼ na mɔtɛ́ a shiyǎ na mɔ́mə̌n. 6Dyǔ lí mə́ ɛ bwəlán nsimá m mɔ álí bə̂ mɔʼ na mɔtɛ́ jabeya lí mɔ na ma dí nyai na nyai. Njí Dyǔ lí bə́kí mɔʼ jabeya álí pɔ̌ŋ misam á dǐn lí Dyu, lí bwə nâni tɛ́ŋgɛnɛ limɛnɛ lí dúbɛ́ álə́ a wɔ́ŋíní. 7Njí jabeya lí mɔ̂ʼ lí dí álí bwəlí bâ, a bwəlí bɔ́. Njí jabeya lí mɔ̂ʼ lí dí álí lɛ́fú, a lɛ́fu. 8Njí jabeya lí mɔ̂ʼ lí dí álí kpútí bâ milə́m, a kpúti bɔ́. Njí jabeya lí mɔ̂ʼ lí dí álí wúnján bâ, a bwə nâ na nlə́m m mɔ nsə́sə̌n. Njí jabeya lí mɔ̂ʼ lí dí álí janíyá bâ, a bwə nâni bwǎm na ɛwíyɛ́ ɛ́sə́sə̌n. Njí jabeya lí mɔ̂ʼ lí dí álí lúfú likini lí nlə́m á baʼ, á bwə̂ nâni na munyɛŋgɛ.
9Mɔtɛ́ a lúfú ɛniŋgán na mbálɛ á baʼ. Mɔtɛ́ a kfwɛ̂ ɛbə́ŋtí. Mɔʼ na mɔtɛ́ a shûm makwi má mɔ áshí álí bwə nsam m mbâ. 10Mɔʼ na mɔtɛ́ a nə̂ŋ mwǎn-n-nyǎ m mɔ na nlə́m nsə́sə̌n. Na mɔʼ na mɔtɛ́ a wɔ́ŋ ɛdúbɛ́ á mǎ-nyǎ m mɔ litúm ngə á bəní á mɔ́mə̌n. 11Mɔʼ na mɔtɛ́ a wɔ́ŋ nlə́m ámə́ n kpútí álí bwə ɛbulú. Mɔʼ na mɔtɛ́ a wánan álí bwəlí Dyǔ na nlə́m m mɔ nsə́sə̌n. 12Mɔʼ na mɔtɛ́ a bán nlə́m m mɔ á Dyǔ, lí panan wə̂ munyɛŋgɛ. Mɔʼ na mɔtɛ a tfûl nlə́m á mútaka ámə́ a díní átin. Mɔʼ na mɔtɛ́ a tfûl nlə́m m mɔ á makáni. 13Kǎʼ yə̌ ɛ́yə́ ɛ wɔ́ŋíní na bǎn bá nyǎ bá wə á Krísto ábə́ bá sa. Kasí bakən na wulɔʼ wú nlə́m.
14Nyí káni á Dyǔ nána lí námsɛ baʼ ábə́ bá takí nyə́. Nyí kání na bá si kwisí ɛ́bómán ndé nyí káni nána Dyǔ lí námsɛ bɔ́ wɔ̂. 15Nyí wú munyɛŋgɛ na baʼ ábə́ bá wú múnyɛŋgɛ. Nyí lɛ́bɛ na baʼ ábə́ bá lɛbɛ. 16Nyí bá nsu nfɔ́ na nyə́mə̌n. Nyí si pusí nyǔ ɛ́ nyə. Nde nyí bá lisún na baʼ ábə́ bá shiyǎ ká yǔm. Mɔʼ ká nfɔ́ a si kaní nána a kínjú jǐta.
17Njí mɔʼ a bwəlí nyə́ wubî, nyí si timbí mɔ́ wubî. Nyí wánán álí bwə̂ misam ámə́ mɔʼ ansə́sə̌n á mín ní nána mí dí bwǎm. 18Mɔʼ na mɔtɛ́ a sa nji álí bá musaŋgu na mɔʼ ansə́sə̌n. 19Basún bá myə, njí mɔʼ a bwəlí nyə́ wubî nyí si timbí bɔ́ wubî. Ndé nyí máku Dyǔ lɔ́mə̌n lí kɔ́ksɛ bɔ́. Nǎn byá nâ á ɛ́tútú nána ɛ́ tílání á kâti ɛ Dyǔ nána, Dyǔ lí byábí nána, “Mi nǎn timbí wúbî á mɔʼ awə̌ a bwəlí wubî. Mi Sáŋgúwə́ miyə́ nǎn byá.” 20Ɛ́ tílání á kâti ɛ Dyǔ á fǔm búpə́pə̂ nána, “Njí mɔʼ a ɛkfwɛyí n wə ǎ jǐ njɛ, bə mɔ́ lidyá. Njí ǎ wú sə́m, bə mɔ́ yǔm ɛ́lí mwá. Njí nyí bwə́lí nâ, ɛ̌ bwə bɔ́ bá wú wúsɔ́n, na bá sǎ nji álí pəlan.” 21Nyí si makú wubî wú dyɛ́lɛ́ nyə́. Ndé wulɔʼ wú nyə wú túm wubî.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in