مَتّی 7
7
قضاوت نَکُنید
1«قضاوت نَكُنید وُ قضاوَت نِمِشید. 2هَموجوری كه قضاوَت کنید وِ شمانَم قِضاوَت مِشَه وُ وا هَمو پِیمونَه کِه وَزن کنید وا هَمو پیمونَه عَوَض مِیرید. 3چُنَ پَرِ کَنِه که دِ چِشِ بِرارِت مُویینی اما اَ تَنَه دِرَختی که دِ چِشِ خُتیِتَ غافِلی؟ 4چِطور مِتونی وِ برارِت بُئی ”اجازَ بَ پَرِ کَنِه اَ چِشِت دِرارِم“، وا اییکه تَنَه دِرختِ دِ چِشِ خُیِت داری؟ 5ای ریاکار، اول تَنَه دِرَختِ نِه اَ چِش خُت دِرار؛ ؛ اوسِه دُرِس مِتونی بوئئنی كه پَرِ کَنِه اَ چِش بِرارِت دِراری دَر.
6اوچیایی که مقدَّسَ وِ سی آ نَیید وَ مرواریدایِ خُیِتُنه وَرِ خُوکا نَنازید مَوادا اونانِ زیر پا لَقَه مال کُنن وُ وُرییَردَن شمانِ بَدِرَن.
بَخوایید، بَجوُرید بَکُوبید
7بَخوایید وِ شما مییَن بَجُورید پِیا مُکُنید بَکُویید که در وِ روتو وا مِشَه، 8وِرِ ایکه هرکه بَخوا وِ دَس میارَه وَ هرکَه بَجوُرَه، پیا مُکُنه وَ هرکَه بَکُوئَه،در وِ روش وا مِشَه. 9کامیناتو وَختی پسرش اَ او نُو بَخوا سنگی وِش مییَه؟ 10یا اَیَر ماییی بَخا وِش مار مییَه ؟ 11ایسِه اَیَر شما وا هَمَه شِرارَتِتو مِینید که باید وِ بَچِآتو چیایِ خو بَیید چَنی بیشتَر بُواِ شما که دِ آسِمُونَ وِ اونایی که اَزِش بخوان چیایِ خو مِوَخشِنَه. 12پَ وا بَقیَه اوجور رفتار کنید كه ماخایید وا شما رفتار کُنَن. اینَ خلاصَه تُورات وَ نِوِشته های اَنبیا.
راه زِنِیی
13اَ دَرِ تنگ داخل بَشید وِرِ ایکه دَری که وِ هِلاکَت خَتم مِشَه قِوینَ وُ راش عَریضَ وَ اونایی که ایی رانِ مِرَن تعدادشو زیادَ، 14امّا دری که وِ حیات ختم مِشَه تَنگَه وَ راشَم سختَ وُ تعداد کمی پیاش مُکُنَن.
دِرخت و میوه ی آن
15اَ پیغَمَرا دُوروئَی حَذَر کنید اونا دِ لِواسِ گوسوَنا میان وَرِتو، امّا دِ باطِن گرگای دَرَّندَن 16اونانِ اَ میوِه آشو بَشناسید. مَه انگور نِه اَ بوتَه خار وُ انجیلِنِه اَ علف هَرز مِچِنَن؟ 17وِ ایی صورَت هَر دِرَختِ خُو میوۀ خُو وِ وار میارَ اما درختِ بد میوۀ بد. 18درختِ خُو نِمِتُونه میوۀ بد وِ وار بیارَه، و دِرَختِ بد هَم نِمِتُونه میوۀ خُو وِ وار بیارَ. 19هر دِرَختی كه میوۀ خُو وِ وار نیارَه، مِوُریَه وَ دِ آتِش اناختَه مِشَه 20پَ اونان اَ میوه هاشو مِشناسید.
21نَه هرکَس که مَنه ”خداوند، خداوند،“ خطاب کُنَه وِ پادِشایی آسِمُونی را پیا مُکُنَه، بلکه کسی که اِرادۀ بُواَ مَنِه که دِ آسمُونَه، وِ جا میارَ. 22دِ او روزا خیلیا وِ مَه مُوئَن: ”خداوند، خداوند، مَیَر وِ اسم تو نَبُوَت نَکِردیم؟ مَیَر وِ اسم تُو دیوانِه بیرون نَکِردیم؟ 23اما وِشو وِ راحتی مُوئِم، مَه هوچ وخت شمانِه نِمِشناسِم. اَ مَه دور بایید اِی گُناکارا!“
مِعمارِ دُونا وَ مِعمارِ نادُو
24پَ هرکَسی ایی صِوَتای مَنه بَشنُوهَ وَ وِ اونا عَمل کُنه مثِ مرد دوناییَ كِه خُونِۀ خُیِشِه رو سَنگ بَنا کِرد. 25بارُو بارِس لَف اِفتا را وُ باد شدید وا زُور وَزِس وِ او خونَه ، امّا او خُونَه خِراو نشد وِرِ ایکه پایَش رو سنگ بی 26امّا هرکَه ایی صُوَتای مَنه بَشنُوءَ وَ وِ اونا عمل نَکُنَه مِثِ مردِ نادُونیَ كه خُونِۀ خُیِشِه رو رِیگ بنا کِرد، 27همی که بارُو بارِس،لَف را اِفتا، وُ بادای تُن وَزِس وُ وِ او خُونَه زور اُوُرد، خِراو شد و خِراویش خیلی قِویین بی!»
28هَمی که عیسی ایی صُوَتانِ وِ آخِر رَسُن، مردِم اَ تَعالیمای او شِگِفت زیَه شوئِن، 29وِرِ ایکه وا اقتدار وِشو تعلیم مِدا نَه مِثِ معلَما تورات اونا.
Currently Selected:
مَتّی 7: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
