مَتّی 18
18
چه کسی اَ هَمَه بزرگتَرَ
1دِ او وخت شایِردا وَرِ عیسی آمان وُ پُرسییِن: «چِه کسی دِ پادشایی آسِمو اَ همه بزرگتَرَ؟» 2عیسی بَچِه ایی نِه هِنا کِرد وُ اونِ هَشت دِ مینجا شایِرداش. 3وُ گُفت: «وِ راسی وِ شما مُوئِم، تا عوَض نَشید وُ مِثِ بچاآ کُوچوک نَشید. هوچ وَخت وِ پادشایی آسِمو را پیا نِمُکنید. 4پَ، هر کهَ خُیِشِه مِثِ ایی بَچَه اِفتیَ کُنه دِ پادشایی آسِمو اَ همه بزرگتَر ما، 5وُ هر که ایجور بَچِه اینِه وِ اسم مَه قَوول کُنَه مَنِه قَوول کِردَ.
6امّا هر که باعث با یِکی اَ ایی كوچِوکا كه وِ مَه ایمان دارَن ایمانِش بَلَغزهَ وِرَ او بهترَ كه سَنگِ اَسیُو قِوویینی وِ گَردَنش اناختَه با وُ دِ تَه دریا غرق با! 7وای وِ حال ایی دُنیا که وا وسوَسِه آش باعث گنا مِشَه! الوَتَه لازِمَ که وَسوَسه آ بیایَن،امّا وای وِ حال او که باعث وَسوَسه با!
8اَیَر دَسِت یا پات تُونِه مِنازَ وِ گُناه اونا نِه قطع کُ وُ بَناز دور وِرَ ایکه وِرَ تُو بهتَرَ كه بی دَس وُ پا وِ حیات ابدی را پیا کُنی تا ایکه وا دُو دَس وُ دُو پا اناختَه بَشی مینِه آتِش ابدی . 9وُ اَیَر چِشِ تو تُونِه مِنازَ وِ گُنا اونِه دِرآر وُ بَناز دور وِرَ ایکه وِرَ تُو بهترَ كه وا یِه چِش وِ حیات ابدی را پیا کنی تا ایکه وا دُوتا چِش بَنازَنِت دِ آتِش جَنِم .
مَثَل گوسوَن گُم شیَ
10حواسِتُ با که هوچکام اَ ایی كُوچوکانِ خوار نکنید وِرِ ایی که وِ شما موئِم كه فِرشته آ اُونا دِ آسِمو همیشَه بُواِ مَنِه که دِ آسِمونَ مُویینن. 11وِرَ ایکه پسر انسان آمیَ تا گُم شیَ آ نِه نِجات بَیَه. 12چی گُمو مُکنید اَیَر مردی صد تا گوسوَن داشتَ وا وُ یکی اَ اونا گُم بَشَه یعنی او نود و نُه تا گوسوَنِ دیَه نِه دِ مینِه كُوء نِمَلَ وُ دِ دُمِ گوسوَن گُم شیَ نِمِرَ؟ 13وِ راسی وِ شما مُوئِم، که اَیَر اونِ پیا کُنه وِرَ او یِه گوسوَن بیشتَر شاد مِشهَ تا وِرَ او نود و نُه تا گوسوَن كه هوچ وَخت گُم نَشیَنَ. 14وِ ایی صورت ارادِه بُواَ شما که دِ آسِمُونَ ایی نیسا که حتی یکی اَ ایی كوچوکا اَ دَس بَرَ.
طرز رفتار وا برارِ خطاکار
15اَیَر بِرارِت وِ تُو گنا کُنه،بَرو وَرِش وُ دِ مینِه خُیِتو خطاشِ وِش گُوش زَد کُ. اَیَر حَرفِ تونِ قَوول کِرد، بِرارِتِه اَ نِوُ وِ دَس اُوُردِی، 16امّا اَیَر زیر بار نَرفت یک یا دُو نَفر دیَرِنِ وا خُیِت بُر تا ”هر حَرفی وا شهادَت دُو تا یا سِه تا شاهِد ثابت بَشه“. 17اَیَر نَخواس وِ اونائَم گوش بیَه وا کِلیسا دِ میُو بَل. وُ اَیَر زیر بارِ کلیسائَم نَرَفت اوسِه وا او مِثِ یه اجنَبی یا خَراگیر رفتار کُ. 18وِ راسی وِ شما موئِم، هر چیی که دِ زِمی بَوَنید دِ آسِمو مِوَنیَه وُ هر چیی دِ رو زِمی وا کنید دِ آسِمو وا مِشهَ. 19هَنی وِ شما موئِم كه هر وَخت دُو نَفر اَ شما دِ رو زِمی، دِبارۀ هر چیی که بَخوان وا هم یِه دِل بان، بُواِ مَه که دِ آسِمُونَ وِرَشو وِ اَنجام مِرَسُنَ. 20وِرَ ایکه هر جایی كه دُو یا سِه نفر وِ اسم مَه جَمع بان مَه اونچِو دِ مینِشُ حاضرِم.»
مثلِ خادمِ بی رحم
21اوسِه پطرس آما وَرِ عیسی وُ پُرسی: «ای آقا تا چَن بار اَیَر بِرارِمِ وِ مَه گنا کُنه باید اون بَوَخشِم؟ آیا تا هَف بار؟» 22عیسی وِش جُواو دا: «وِ تُو مُئِم نه هَف بار بلکه هفتاد بار وُ هَفت بار.
23اَ ایی رو مِشهَ پادشایی آسِموُنِه وِ شایی تشبیه کِرد که تَصمیم گرفت،وا خادما خُیِش تسویَه حِساو کُنَه. 24هَمی که شروع کِرد وِ حِساو کِتاو، یکی نِه اُوُردِن وَرِش كه مِلیونها مِلیون وِ شاه بِدِهكار بی. 25اَما وِرِ ایکه نِمِتوُنِس قرض خُیِش بَیَه اروابِش دستور دا اونِه وا زَن وُ بَچَه وُ تَمام دارُو نَدارِش بَفروشَن تا طَلَبِشِ اَ او بَسُونَ. 26خادِم جِلُو پا اروابِش وِ زانو اِفتا وُ وا عیزِ التماس گفت: ”وِ مَه مُهلَت بَ، تَمام قرض خُیِمهِ وِت بَیِم.“ 27ارواب دِلِش وِ حال او سُخت وُ قرض اونِه بَخشیَ وُ آزادش کِرد. 28امّا وَختی ایی خادِم اَ اونچو رَفت دَر یکی اَ همکارا خُیِشِه دیی كه صد دینار قَدِ سِه ماه معاش وِش بدهکار بی. اون گِرِفت وُ چنگ اناخت وِ گَلوش وُ گُفت: ”قرض خُیِتِ وِ مَه بَ!“ 29همکارِش جِلُو پاش افتا رو زانو وُ وا عیزِ التماس گفت: ”وِ مَه مُهلَت بَ تا تمامِ قرضِ خُیِمِ وِت بَیِم.“ 30امّا او قَوول نَکِرد بلکه رَفت وُ اونِه اِناخت زِندان تا قرض خُیِشِه بَیَه. 31وختی خادِمای دیَر ایی جریان دییِن،خیلی ناراحت شوئِن وُ وَرِ ارواب خُیِشُو رفتِن وُ کُلِ ماجِرا نِه وِرَش گُفتِن. 32ارواب او خادِم نِه وَرِ خُیِش خواس وُ گُفت: ”ای خادِمِ شریر، مَیَر مَه وِ خاطرِ خواهش تو تمام قَرضِتهِ نَوَخشییِم؟ 33یعنی نِمیبایِس هَموجور که مَه وِ تُو رحم کِردِم، تُو هم وِ همکارِ خُیِت رَحم مِکِردی؟“ 34ارواب غضَبناک شد اونِه اِناخت زِندان تا وَختی که تمام قَرضِشِ بَیَه. 35وِ ایی صورت بُواَ آسِمُونی مَه هَم، وا هر کامِتو ایجور رفتار مُکُنه اَیَر شمانَم بِرارِ خُیِتُنه اَ دل نَوَخشید.»
Currently Selected:
مَتّی 18: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
مَتّی 18
18
چه کسی اَ هَمَه بزرگتَرَ
1دِ او وخت شایِردا وَرِ عیسی آمان وُ پُرسییِن: «چِه کسی دِ پادشایی آسِمو اَ همه بزرگتَرَ؟» 2عیسی بَچِه ایی نِه هِنا کِرد وُ اونِ هَشت دِ مینجا شایِرداش. 3وُ گُفت: «وِ راسی وِ شما مُوئِم، تا عوَض نَشید وُ مِثِ بچاآ کُوچوک نَشید. هوچ وَخت وِ پادشایی آسِمو را پیا نِمُکنید. 4پَ، هر کهَ خُیِشِه مِثِ ایی بَچَه اِفتیَ کُنه دِ پادشایی آسِمو اَ همه بزرگتَر ما، 5وُ هر که ایجور بَچِه اینِه وِ اسم مَه قَوول کُنَه مَنِه قَوول کِردَ.
6امّا هر که باعث با یِکی اَ ایی كوچِوکا كه وِ مَه ایمان دارَن ایمانِش بَلَغزهَ وِرَ او بهترَ كه سَنگِ اَسیُو قِوویینی وِ گَردَنش اناختَه با وُ دِ تَه دریا غرق با! 7وای وِ حال ایی دُنیا که وا وسوَسِه آش باعث گنا مِشَه! الوَتَه لازِمَ که وَسوَسه آ بیایَن،امّا وای وِ حال او که باعث وَسوَسه با!
8اَیَر دَسِت یا پات تُونِه مِنازَ وِ گُناه اونا نِه قطع کُ وُ بَناز دور وِرَ ایکه وِرَ تُو بهتَرَ كه بی دَس وُ پا وِ حیات ابدی را پیا کُنی تا ایکه وا دُو دَس وُ دُو پا اناختَه بَشی مینِه آتِش ابدی . 9وُ اَیَر چِشِ تو تُونِه مِنازَ وِ گُنا اونِه دِرآر وُ بَناز دور وِرَ ایکه وِرَ تُو بهترَ كه وا یِه چِش وِ حیات ابدی را پیا کنی تا ایکه وا دُوتا چِش بَنازَنِت دِ آتِش جَنِم .
مَثَل گوسوَن گُم شیَ
10حواسِتُ با که هوچکام اَ ایی كُوچوکانِ خوار نکنید وِرِ ایی که وِ شما موئِم كه فِرشته آ اُونا دِ آسِمو همیشَه بُواِ مَنِه که دِ آسِمونَ مُویینن. 11وِرَ ایکه پسر انسان آمیَ تا گُم شیَ آ نِه نِجات بَیَه. 12چی گُمو مُکنید اَیَر مردی صد تا گوسوَن داشتَ وا وُ یکی اَ اونا گُم بَشَه یعنی او نود و نُه تا گوسوَنِ دیَه نِه دِ مینِه كُوء نِمَلَ وُ دِ دُمِ گوسوَن گُم شیَ نِمِرَ؟ 13وِ راسی وِ شما مُوئِم، که اَیَر اونِ پیا کُنه وِرَ او یِه گوسوَن بیشتَر شاد مِشهَ تا وِرَ او نود و نُه تا گوسوَن كه هوچ وَخت گُم نَشیَنَ. 14وِ ایی صورت ارادِه بُواَ شما که دِ آسِمُونَ ایی نیسا که حتی یکی اَ ایی كوچوکا اَ دَس بَرَ.
طرز رفتار وا برارِ خطاکار
15اَیَر بِرارِت وِ تُو گنا کُنه،بَرو وَرِش وُ دِ مینِه خُیِتو خطاشِ وِش گُوش زَد کُ. اَیَر حَرفِ تونِ قَوول کِرد، بِرارِتِه اَ نِوُ وِ دَس اُوُردِی، 16امّا اَیَر زیر بار نَرفت یک یا دُو نَفر دیَرِنِ وا خُیِت بُر تا ”هر حَرفی وا شهادَت دُو تا یا سِه تا شاهِد ثابت بَشه“. 17اَیَر نَخواس وِ اونائَم گوش بیَه وا کِلیسا دِ میُو بَل. وُ اَیَر زیر بارِ کلیسائَم نَرَفت اوسِه وا او مِثِ یه اجنَبی یا خَراگیر رفتار کُ. 18وِ راسی وِ شما موئِم، هر چیی که دِ زِمی بَوَنید دِ آسِمو مِوَنیَه وُ هر چیی دِ رو زِمی وا کنید دِ آسِمو وا مِشهَ. 19هَنی وِ شما موئِم كه هر وَخت دُو نَفر اَ شما دِ رو زِمی، دِبارۀ هر چیی که بَخوان وا هم یِه دِل بان، بُواِ مَه که دِ آسِمُونَ وِرَشو وِ اَنجام مِرَسُنَ. 20وِرَ ایکه هر جایی كه دُو یا سِه نفر وِ اسم مَه جَمع بان مَه اونچِو دِ مینِشُ حاضرِم.»
مثلِ خادمِ بی رحم
21اوسِه پطرس آما وَرِ عیسی وُ پُرسی: «ای آقا تا چَن بار اَیَر بِرارِمِ وِ مَه گنا کُنه باید اون بَوَخشِم؟ آیا تا هَف بار؟» 22عیسی وِش جُواو دا: «وِ تُو مُئِم نه هَف بار بلکه هفتاد بار وُ هَفت بار.
23اَ ایی رو مِشهَ پادشایی آسِموُنِه وِ شایی تشبیه کِرد که تَصمیم گرفت،وا خادما خُیِش تسویَه حِساو کُنَه. 24هَمی که شروع کِرد وِ حِساو کِتاو، یکی نِه اُوُردِن وَرِش كه مِلیونها مِلیون وِ شاه بِدِهكار بی. 25اَما وِرِ ایکه نِمِتوُنِس قرض خُیِش بَیَه اروابِش دستور دا اونِه وا زَن وُ بَچَه وُ تَمام دارُو نَدارِش بَفروشَن تا طَلَبِشِ اَ او بَسُونَ. 26خادِم جِلُو پا اروابِش وِ زانو اِفتا وُ وا عیزِ التماس گفت: ”وِ مَه مُهلَت بَ، تَمام قرض خُیِمهِ وِت بَیِم.“ 27ارواب دِلِش وِ حال او سُخت وُ قرض اونِه بَخشیَ وُ آزادش کِرد. 28امّا وَختی ایی خادِم اَ اونچو رَفت دَر یکی اَ همکارا خُیِشِه دیی كه صد دینار قَدِ سِه ماه معاش وِش بدهکار بی. اون گِرِفت وُ چنگ اناخت وِ گَلوش وُ گُفت: ”قرض خُیِتِ وِ مَه بَ!“ 29همکارِش جِلُو پاش افتا رو زانو وُ وا عیزِ التماس گفت: ”وِ مَه مُهلَت بَ تا تمامِ قرضِ خُیِمِ وِت بَیِم.“ 30امّا او قَوول نَکِرد بلکه رَفت وُ اونِه اِناخت زِندان تا قرض خُیِشِه بَیَه. 31وختی خادِمای دیَر ایی جریان دییِن،خیلی ناراحت شوئِن وُ وَرِ ارواب خُیِشُو رفتِن وُ کُلِ ماجِرا نِه وِرَش گُفتِن. 32ارواب او خادِم نِه وَرِ خُیِش خواس وُ گُفت: ”ای خادِمِ شریر، مَیَر مَه وِ خاطرِ خواهش تو تمام قَرضِتهِ نَوَخشییِم؟ 33یعنی نِمیبایِس هَموجور که مَه وِ تُو رحم کِردِم، تُو هم وِ همکارِ خُیِت رَحم مِکِردی؟“ 34ارواب غضَبناک شد اونِه اِناخت زِندان تا وَختی که تمام قَرضِشِ بَیَه. 35وِ ایی صورت بُواَ آسِمُونی مَه هَم، وا هر کامِتو ایجور رفتار مُکُنه اَیَر شمانَم بِرارِ خُیِتُنه اَ دل نَوَخشید.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company