مَتّی 19
19
تعلیم عیسی دِبارَه طِلاق
1وَختی که عیسی ایی حَرفانِ وِ آخر رَسُن، جلیلِ نِه ترک کِرد وُ اَ او طَرف رودخونه اُردُن وِ مَنطقَه یَهودیَه آما. 2جمعیتِ زیادی دِ دُمِ او رایی شوئِن وُ عیسی اونانِ دِ اونچو شفا دا.
3علمای فِرقۀ فَریسی آمان وَرِش تا امتِحانش کُنن. اُونا پُرسییِن: «آیا جایزَ که مرد زنِ خُیِشِه وِ هر علَتی که بَخوا طِلاق بَیهَ؟» 4عیسی دِ جُواو اونا فرمود: «مَیَر دِ تورات نَخُنِیتَ كه خالِق انسان اَ اول ”اونا نِه مرد و زَ آفَرید،“ 5وُ گفت: ”وِ هَمی خاطِر، مرد اَ بُواَ وُ نِنَه خُیِشِ جدا مِشَه وُ وِ زَنِش مِچَسبَه وُ اونا دوُتا مِشَن یِه بَدَن؟“ 6پَ، اَ او وِ بَعد دوُتا نیسن بلكِه تَن هِسِن. پَ اوچیایی نِه که خدا وِ هم وَصل کِردَ اِنسان نباید جُدا کُنَه.» 7اونا وِ عیسی گُفتِن: «پَ چُنَ موسی دستور دا كه مرد طِلاقنامه ایی وِ زَنِ خُیِش بَیَه وُ اونِ رَها کُنَه؟» 8عیسی وِشو گفت: «موسی و خاطرِ سَنگدلی شما اِجازَه دا که زنِ خُیِتُنه طِلاق بَئید امّا اَ اول ایجور نَوی. 9مَه وِ شما مُوئِم، هرکَه زنِ خُیِشِه وِ هر دَلیلی بِجُز زِنا طِلاق بَیَه وَ وا زَنِ دیَری نکاح کُنَه زِنا کِردَه.»
10شایِرداش وِش گُفتِن: «اَیَر وضع مرد دِ قبالِ زنِ خُیِش، چینیَ پَ بهتَرَ زَ نَخوا!» 11عیسی گفت: «همه نِمِتُنن ایی تعلیمِ نِه قَوول کُنن مَیَر کِسایی که وشو عطا شیَه . 12وِرِ ایی که بَعضیا خواجَهیَن وِرِ ایی که اَ شکمِ نِنَشو ایجور وِ دنیا آمیَن، عده ایی دیَر وِ دَسِه مَردِم خواجَه شیَن وُ بعضی هم وِخاطرِ پادشایی آسِمو خُیِشُو،خُیِشُونِه خواجَه فَرض مُکُنن وُ زَ نِماخان. هَر کَه مِتُونهَ اینِنِ قَوول کُنَه بَلید ایجور کُنَه.»
عیسی وُ بَچه آ
13اوسِه مردم بچه آ نِه وَرِ عیسی اُوُردِن تا دَسشِ بَلَ روشو وُ دعا کُنَه. شایِردا مَردِمِنِه مِنا کِردِن. 14اَما عیسی وِشو گفت: «بَلید بَچِه آ بیان وَرِم نوآشونِ نیرید، وِرَ ایکه پادِشایی آسِمو وِرِ ایجور کِساییَ.» 15وُ دَسِشِ هَشت قَشو وُ اوسِه اَ اونچو رَفت.
جِوُونِ ثروتمند
16یِه رو مردی وَرِ عیسی آما وُ پُرسی: «استاد چِه كارِ خوئی کُنِم تا حیاتِ ابَدی نِه داشتَه وام؟» 17عیسی گفت: «چُنَ دِبارَه ایی که چِه چیی خُوءَ اَ مَه سؤال مُکنی؟ فقط یکیَ که خُو اَ.اَیَر ماخایی وِ حیاتِ ابدی را پیا کُنی دستورا شریعتِنِ وِ جا بیار.» 18او مردَ پُرسی: «کامی دستورانِه؟» عیسی گفت: «”قتل نکُ، زِنا نکُ، دُزی نکُ، شهادت دِرُو نَ 19عِزَتِ بُواَ وُ نِنَتِ نیا دار“ وُ ”هَمسایَتِ مِثِ خُیِت مُحَبَت کُ.“» 20او مردَ دِ جُواو عیسی گُفت: «همه ایی دستورانِه وِ جا اُوُردِمَ،دیَه چه چی کَم دارِم؟» 21عیسی جُواو دا: «اَیَر ماخای کامِل بایی بَرو وُ هر چی که داری بَفِرُوش وُ وِ فُقَرا بَ که دِ آسِمو گنج داشتَ وایی. او وَخت بیا وُ اَ مَه پیرَوی کُ.» 22وَختیکه او جِوُو اینِنِ شِنُفت غمگین شد وُ اَ اونچو رفت، وِرَ ایکه ثروت زیادی داشت.
23اوسِه عیسی وِ شایِرداش گفت: «وِ راسی وِ شما موئِم، آیِم ثروَتمند وِ سَختی داخل پادشایی آسِمو را پیا مُکُنَه. 24هَنی وِتو مُوئِم كه رَد شیَن شُتر اَ سُولاخ سُوزَ آسُوتِرَه اَ را پیا کِردَنِ آیِم ثروَتمند وِ پادِشایی خدا .» 25شایِردا وا شِنُفتَن ایی حرف شِگِفت زیَه شوئِن وُ پُرسیِن: «پَ چِه كسی مِتُونَه نِجات پیا کُنَه؟» 26عیسی وِ اونا سیلی کِرد وُ گفت: «ایی وِرَ انسان ممکن نیسا اما وِرَ خدا همه چی مُمكِنَه.»
27پطرس گُفت: «سیل کُ اِیما همه چینِه هَشتیم وُ دِ دُمِ تُو میایم. پَ ایما چه چی وِ دَس میارم؟» 28عیسی جُواو دا: «وِ راسی وِ شما مُئِم، دِ دنیای جدید، وَختیکه پسر انسان رو تختِ پر جلالِ خُیِش بَنیشَه، شمانَم كه اَ مَه پِیرَوی کِردِید رو دُوآزَ تخت مِنیشید وُ وِ دُوآزَ طایفَه اسرائیل داوَری مُکُنید. 29وُ هرکَه وِرَ خاطرِ اسم مَه خونَه یا بِرار وُ خُوَار یا بُواَ وُ نِنَه وُ بَچاآ وُ املاکِ خُیِشه ترک کِردَ وا صد بِراوَر وِ دَس میارَه، وُ حیاتِ اَبَدینِه هَم وِ ارث مُورَ. 30امّا خِیلی اَ کِسایی که ایسِه اَوَلن، آخر مِشَن وُ کسایی که آخِرَن اوّل مِشَن!»
Currently Selected:
مَتّی 19: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
مَتّی 19
19
تعلیم عیسی دِبارَه طِلاق
1وَختی که عیسی ایی حَرفانِ وِ آخر رَسُن، جلیلِ نِه ترک کِرد وُ اَ او طَرف رودخونه اُردُن وِ مَنطقَه یَهودیَه آما. 2جمعیتِ زیادی دِ دُمِ او رایی شوئِن وُ عیسی اونانِ دِ اونچو شفا دا.
3علمای فِرقۀ فَریسی آمان وَرِش تا امتِحانش کُنن. اُونا پُرسییِن: «آیا جایزَ که مرد زنِ خُیِشِه وِ هر علَتی که بَخوا طِلاق بَیهَ؟» 4عیسی دِ جُواو اونا فرمود: «مَیَر دِ تورات نَخُنِیتَ كه خالِق انسان اَ اول ”اونا نِه مرد و زَ آفَرید،“ 5وُ گفت: ”وِ هَمی خاطِر، مرد اَ بُواَ وُ نِنَه خُیِشِ جدا مِشَه وُ وِ زَنِش مِچَسبَه وُ اونا دوُتا مِشَن یِه بَدَن؟“ 6پَ، اَ او وِ بَعد دوُتا نیسن بلكِه تَن هِسِن. پَ اوچیایی نِه که خدا وِ هم وَصل کِردَ اِنسان نباید جُدا کُنَه.» 7اونا وِ عیسی گُفتِن: «پَ چُنَ موسی دستور دا كه مرد طِلاقنامه ایی وِ زَنِ خُیِش بَیَه وُ اونِ رَها کُنَه؟» 8عیسی وِشو گفت: «موسی و خاطرِ سَنگدلی شما اِجازَه دا که زنِ خُیِتُنه طِلاق بَئید امّا اَ اول ایجور نَوی. 9مَه وِ شما مُوئِم، هرکَه زنِ خُیِشِه وِ هر دَلیلی بِجُز زِنا طِلاق بَیَه وَ وا زَنِ دیَری نکاح کُنَه زِنا کِردَه.»
10شایِرداش وِش گُفتِن: «اَیَر وضع مرد دِ قبالِ زنِ خُیِش، چینیَ پَ بهتَرَ زَ نَخوا!» 11عیسی گفت: «همه نِمِتُنن ایی تعلیمِ نِه قَوول کُنن مَیَر کِسایی که وشو عطا شیَه . 12وِرِ ایی که بَعضیا خواجَهیَن وِرِ ایی که اَ شکمِ نِنَشو ایجور وِ دنیا آمیَن، عده ایی دیَر وِ دَسِه مَردِم خواجَه شیَن وُ بعضی هم وِخاطرِ پادشایی آسِمو خُیِشُو،خُیِشُونِه خواجَه فَرض مُکُنن وُ زَ نِماخان. هَر کَه مِتُونهَ اینِنِ قَوول کُنَه بَلید ایجور کُنَه.»
عیسی وُ بَچه آ
13اوسِه مردم بچه آ نِه وَرِ عیسی اُوُردِن تا دَسشِ بَلَ روشو وُ دعا کُنَه. شایِردا مَردِمِنِه مِنا کِردِن. 14اَما عیسی وِشو گفت: «بَلید بَچِه آ بیان وَرِم نوآشونِ نیرید، وِرَ ایکه پادِشایی آسِمو وِرِ ایجور کِساییَ.» 15وُ دَسِشِ هَشت قَشو وُ اوسِه اَ اونچو رَفت.
جِوُونِ ثروتمند
16یِه رو مردی وَرِ عیسی آما وُ پُرسی: «استاد چِه كارِ خوئی کُنِم تا حیاتِ ابَدی نِه داشتَه وام؟» 17عیسی گفت: «چُنَ دِبارَه ایی که چِه چیی خُوءَ اَ مَه سؤال مُکنی؟ فقط یکیَ که خُو اَ.اَیَر ماخایی وِ حیاتِ ابدی را پیا کُنی دستورا شریعتِنِ وِ جا بیار.» 18او مردَ پُرسی: «کامی دستورانِه؟» عیسی گفت: «”قتل نکُ، زِنا نکُ، دُزی نکُ، شهادت دِرُو نَ 19عِزَتِ بُواَ وُ نِنَتِ نیا دار“ وُ ”هَمسایَتِ مِثِ خُیِت مُحَبَت کُ.“» 20او مردَ دِ جُواو عیسی گُفت: «همه ایی دستورانِه وِ جا اُوُردِمَ،دیَه چه چی کَم دارِم؟» 21عیسی جُواو دا: «اَیَر ماخای کامِل بایی بَرو وُ هر چی که داری بَفِرُوش وُ وِ فُقَرا بَ که دِ آسِمو گنج داشتَ وایی. او وَخت بیا وُ اَ مَه پیرَوی کُ.» 22وَختیکه او جِوُو اینِنِ شِنُفت غمگین شد وُ اَ اونچو رفت، وِرَ ایکه ثروت زیادی داشت.
23اوسِه عیسی وِ شایِرداش گفت: «وِ راسی وِ شما موئِم، آیِم ثروَتمند وِ سَختی داخل پادشایی آسِمو را پیا مُکُنَه. 24هَنی وِتو مُوئِم كه رَد شیَن شُتر اَ سُولاخ سُوزَ آسُوتِرَه اَ را پیا کِردَنِ آیِم ثروَتمند وِ پادِشایی خدا .» 25شایِردا وا شِنُفتَن ایی حرف شِگِفت زیَه شوئِن وُ پُرسیِن: «پَ چِه كسی مِتُونَه نِجات پیا کُنَه؟» 26عیسی وِ اونا سیلی کِرد وُ گفت: «ایی وِرَ انسان ممکن نیسا اما وِرَ خدا همه چی مُمكِنَه.»
27پطرس گُفت: «سیل کُ اِیما همه چینِه هَشتیم وُ دِ دُمِ تُو میایم. پَ ایما چه چی وِ دَس میارم؟» 28عیسی جُواو دا: «وِ راسی وِ شما مُئِم، دِ دنیای جدید، وَختیکه پسر انسان رو تختِ پر جلالِ خُیِش بَنیشَه، شمانَم كه اَ مَه پِیرَوی کِردِید رو دُوآزَ تخت مِنیشید وُ وِ دُوآزَ طایفَه اسرائیل داوَری مُکُنید. 29وُ هرکَه وِرَ خاطرِ اسم مَه خونَه یا بِرار وُ خُوَار یا بُواَ وُ نِنَه وُ بَچاآ وُ املاکِ خُیِشه ترک کِردَ وا صد بِراوَر وِ دَس میارَه، وُ حیاتِ اَبَدینِه هَم وِ ارث مُورَ. 30امّا خِیلی اَ کِسایی که ایسِه اَوَلن، آخر مِشَن وُ کسایی که آخِرَن اوّل مِشَن!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company