مَتّی 17
17
تبدیل هیبَتِ عیسی
1بَعدِ شِش رو عیسی، پطرس وُ یعقوب وُ یوحنا برارِ یعقوبنِ وا خیِش وُرداشت وُ اونان وِ بالا كُو بُلَنی بُرد. 2دِ اونچِو، دِ حضور اونا نِما رو عیسی عَوَض شد : روش مِثِ اَفتُو مِدُرُنجس وُ لواسِش مِثِ نور، سفید بی. 3دِ ایی موقَع، مُوسای نبی وُ ایلیای نبی دِ بِراوَر چِشِ اونا ظاهرشوئِن وُ وا عیسی صُوَت مِکِردَن، 4پطرس وِ عیسی گُفت: «ای آقا چَنی خُوئَه که ایما اینچونیم اَیَر بَخوای سه تا سایَبو مِسازِم: یكی وِرَ تُو، یكی وِرَ موسی وُ یکیَم وِرَ ایلیا.» 5هَنی حرف رو زِوونِ پطرس بی كه یِیهو ابری نورانی سایَه اِناخت روشو وُ صدایی اَ ابر وِ گوش رَسِس : «که اینَه پسر عزیزِ مَه كه اَ او خیلی راضیِم؛ وِ او گوش بَئید!» 6وا شِنُفتَن ای صدا شایِردا زرتِلاک شوئِن وُ وا رو اِفتان دِ زِمی. 7امّا عیسی آما نَزیک دَس هَشت روشو وُ گفت: «وُریسید،زَلَتو نَرَ» 8اونا چشا خُیِشُونِه وا کِردِن وُ جُز عیسی کسینِه نِیدَن.
9وَختی که اَ كُوء میامان دامو عیسی وِ اونا دَستور دا: «اُو چیئی کِه دیئید وِرَ کسی نُوئید تا زِمانی که پسر انسان اَ مُردآ زِنَه با.» 10شایِردا اَ عیسی پُرسییِن: «چُنَ معلما تورات مُوئَن که باید اول ایلیای نبی بیا؟» 11عیسی وِشو جُواو دا: «دُرُسَ اول ایلیا میا وُ همه چینِه اصلاح مُکُنه. 12امّا وِ شما مُئِم كه ایلیا آما امّا اونِ نَشناختِن وُ هر چی که خواسِن وا او کِردِن. وُ هَمی جور پسر انسان هَم وِ دَسِ اونا آزار مُوینهَ.» 13اوسِه شایِردا فَمِسِن كه دِبارَه یَحیای تعمیددَهَندَهَ وا اونا صُوَت مُکُنَه.
شفای پسر دیو زیَه
14هَمی که وُریَشتِن وَرِ جِماعت، مردی وِ عیسی نَزیک شد وُ دِ بِراوَرِش زانو زا وُ گُفت: 15«ای آقا وِ پسرِم رَحم کُ. او صَرع دارَه وُ سخت عِذاو مِکَشَه.بیشتَر وختا مِفتَه دِ مینِ آتِش وُ اِوُ. 16اونِ وَرِ شایِردات اُوُردِم، امّا نَتُونِسِن شفاش بَیَن.» 17عیسی دِ جُوآوِشو گفت: «ای نسلِ بی ایمان وُ مُنحرِف، تا كی باید وا شما بام وُ تحَمُلِتُو کُنِم؟ اونِ وَرِ مَه بیارید.» 18اوسِه عیسی وِ دیو تَشَر زا وُ دیو دِراما دَر او پسر دِ او موقع شفا پیا کِرد. 19بَعد شایِردا وَرِ عیسی آمان وُ دِ خَلوت اَ او پُرسییِن: «چُنَ اِیما نَتُونِسیم او دیوِ نِه دِراریم دَر؟» 20عیسی وِشو جُواو دا «وِرَ ایکه ایمانتو كَمَ وِ راسی وِ شما موئِم، اَیَر ایمانی وِ کُوچوکی یِه دُونَ خَردَل داشتَه واید مِتُونید وِ ایی كُوء بُویید ”اَ اینچُو وِ اونچو جا وِ جا بَشو،“ جا وِ جا مِشَه وُ هوچ کاری وِرَ شما مُحال نیسا. 21امّا ایی جنس بجُز روزَه وُ دعا نِمِرَ دَر.»
عیسی دِبارَه مرگ و زِنَه شییَنِ خُیِش پیشگویی مُکُنَه
22وَختی که دِ جلیل دُورِ هم بییِن، عیسی وِ اُونا گفت: «پسر انسان وِ دَسِ مَردِم تسلیم مِشَه. 23وُ اونا اونِ مُکُشَن وُ او دِ روزِ سِوم زِنَه مِشهَ.» شایِردا خیلی غُصَه خوردِن.
مالیات معبد خدا
24بَعدِ ایکه عیسی وُ شایِرداش وِ شَرِ كَفَرناحوم رَسِسِن، مأمورا،مالیاتِ معبدِ نِه که دو دِرهم بی جمع مِکِردِن،وَرِ پطرس آمان وُ گُفتن: «آیا استادِ شما مالیات نِمیَه؟» 25پطرس جُواو دا: «الوَته که میَه!» هَمی که پطرس آما مینِ خونَه قبلِ ایکه چیی بُئَه، عیسی وِش گفت: «ای شَمعون، وِ نظَرِ تُو پادشاآی جهان اَ چِه کِسایی باج وُ خراج مِسونَن؟ اَ اِولادا خُیِشُو یا اَ غریواآ؟ چی مُوئی؟» 26پطرس جُواو دا:«اَ غریواآ.» عیسی وِش گفت: «پَ اولادا مُعافَن! 27امّا وِرَ ایکه اونانِ نَرَنجُنیم،بَرو لُو دریا و قُلاوی بَناز. اوَلی ماییی نِه که گرفتی دُونشِ وا کُ. یِه سِکَه چهار دِرهَمی پیا مُکنی. بَرو وُ سهمِ مَه وُ خُیِتِه وِ اونا بَ.»
Currently Selected:
مَتّی 17: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
مَتّی 17
17
تبدیل هیبَتِ عیسی
1بَعدِ شِش رو عیسی، پطرس وُ یعقوب وُ یوحنا برارِ یعقوبنِ وا خیِش وُرداشت وُ اونان وِ بالا كُو بُلَنی بُرد. 2دِ اونچِو، دِ حضور اونا نِما رو عیسی عَوَض شد : روش مِثِ اَفتُو مِدُرُنجس وُ لواسِش مِثِ نور، سفید بی. 3دِ ایی موقَع، مُوسای نبی وُ ایلیای نبی دِ بِراوَر چِشِ اونا ظاهرشوئِن وُ وا عیسی صُوَت مِکِردَن، 4پطرس وِ عیسی گُفت: «ای آقا چَنی خُوئَه که ایما اینچونیم اَیَر بَخوای سه تا سایَبو مِسازِم: یكی وِرَ تُو، یكی وِرَ موسی وُ یکیَم وِرَ ایلیا.» 5هَنی حرف رو زِوونِ پطرس بی كه یِیهو ابری نورانی سایَه اِناخت روشو وُ صدایی اَ ابر وِ گوش رَسِس : «که اینَه پسر عزیزِ مَه كه اَ او خیلی راضیِم؛ وِ او گوش بَئید!» 6وا شِنُفتَن ای صدا شایِردا زرتِلاک شوئِن وُ وا رو اِفتان دِ زِمی. 7امّا عیسی آما نَزیک دَس هَشت روشو وُ گفت: «وُریسید،زَلَتو نَرَ» 8اونا چشا خُیِشُونِه وا کِردِن وُ جُز عیسی کسینِه نِیدَن.
9وَختی که اَ كُوء میامان دامو عیسی وِ اونا دَستور دا: «اُو چیئی کِه دیئید وِرَ کسی نُوئید تا زِمانی که پسر انسان اَ مُردآ زِنَه با.» 10شایِردا اَ عیسی پُرسییِن: «چُنَ معلما تورات مُوئَن که باید اول ایلیای نبی بیا؟» 11عیسی وِشو جُواو دا: «دُرُسَ اول ایلیا میا وُ همه چینِه اصلاح مُکُنه. 12امّا وِ شما مُئِم كه ایلیا آما امّا اونِ نَشناختِن وُ هر چی که خواسِن وا او کِردِن. وُ هَمی جور پسر انسان هَم وِ دَسِ اونا آزار مُوینهَ.» 13اوسِه شایِردا فَمِسِن كه دِبارَه یَحیای تعمیددَهَندَهَ وا اونا صُوَت مُکُنَه.
شفای پسر دیو زیَه
14هَمی که وُریَشتِن وَرِ جِماعت، مردی وِ عیسی نَزیک شد وُ دِ بِراوَرِش زانو زا وُ گُفت: 15«ای آقا وِ پسرِم رَحم کُ. او صَرع دارَه وُ سخت عِذاو مِکَشَه.بیشتَر وختا مِفتَه دِ مینِ آتِش وُ اِوُ. 16اونِ وَرِ شایِردات اُوُردِم، امّا نَتُونِسِن شفاش بَیَن.» 17عیسی دِ جُوآوِشو گفت: «ای نسلِ بی ایمان وُ مُنحرِف، تا كی باید وا شما بام وُ تحَمُلِتُو کُنِم؟ اونِ وَرِ مَه بیارید.» 18اوسِه عیسی وِ دیو تَشَر زا وُ دیو دِراما دَر او پسر دِ او موقع شفا پیا کِرد. 19بَعد شایِردا وَرِ عیسی آمان وُ دِ خَلوت اَ او پُرسییِن: «چُنَ اِیما نَتُونِسیم او دیوِ نِه دِراریم دَر؟» 20عیسی وِشو جُواو دا «وِرَ ایکه ایمانتو كَمَ وِ راسی وِ شما موئِم، اَیَر ایمانی وِ کُوچوکی یِه دُونَ خَردَل داشتَه واید مِتُونید وِ ایی كُوء بُویید ”اَ اینچُو وِ اونچو جا وِ جا بَشو،“ جا وِ جا مِشَه وُ هوچ کاری وِرَ شما مُحال نیسا. 21امّا ایی جنس بجُز روزَه وُ دعا نِمِرَ دَر.»
عیسی دِبارَه مرگ و زِنَه شییَنِ خُیِش پیشگویی مُکُنَه
22وَختی که دِ جلیل دُورِ هم بییِن، عیسی وِ اُونا گفت: «پسر انسان وِ دَسِ مَردِم تسلیم مِشَه. 23وُ اونا اونِ مُکُشَن وُ او دِ روزِ سِوم زِنَه مِشهَ.» شایِردا خیلی غُصَه خوردِن.
مالیات معبد خدا
24بَعدِ ایکه عیسی وُ شایِرداش وِ شَرِ كَفَرناحوم رَسِسِن، مأمورا،مالیاتِ معبدِ نِه که دو دِرهم بی جمع مِکِردِن،وَرِ پطرس آمان وُ گُفتن: «آیا استادِ شما مالیات نِمیَه؟» 25پطرس جُواو دا: «الوَته که میَه!» هَمی که پطرس آما مینِ خونَه قبلِ ایکه چیی بُئَه، عیسی وِش گفت: «ای شَمعون، وِ نظَرِ تُو پادشاآی جهان اَ چِه کِسایی باج وُ خراج مِسونَن؟ اَ اِولادا خُیِشُو یا اَ غریواآ؟ چی مُوئی؟» 26پطرس جُواو دا:«اَ غریواآ.» عیسی وِش گفت: «پَ اولادا مُعافَن! 27امّا وِرَ ایکه اونانِ نَرَنجُنیم،بَرو لُو دریا و قُلاوی بَناز. اوَلی ماییی نِه که گرفتی دُونشِ وا کُ. یِه سِکَه چهار دِرهَمی پیا مُکنی. بَرو وُ سهمِ مَه وُ خُیِتِه وِ اونا بَ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company