مَتّی 16
16
تقاضای نشونَه آسِمُونی
1علمای فِرقَه فَریسی وُ علمای فِرقَه صَدّوقی وَرِ عیسی آمان تا اونِه اِمتحان کُنن. وا ایی نیَت اَ او خواسِن،تا نِشونَه آسِمُونی وِشو نِشُو بَیَه. 2عیسی دِ جُواو اونا فرمود: «دَمِ ایوارهَ مُوئید هَوا خُو مِشَه وِرِ اییکه آسِمو سُرخ ، 3وَ صُو موئید هوا خراو ما وِرِ ایی که آسِمو سُرخ وُ گِرِفتَیَه ، شما خو مِتونید نِشونِه آ ،آسمُو نِه تعبیر کنید اما نِمِتونید نشُونِه آ زِمانانِ تعبیر کنید! 4ایی نسلِ شِررات پیشَه وُ زِنا کار نِشونَه ماخا اما نِشونِه ایی وِشو نِمیَن غیرِ نشونَه یونس نبی.»پَ اونانِ ترک كِرد وُ وِ راءِ خُیِش رَفت.
خمیرمایَه علمای فِرقِۀ فَریسی وُ صَدّوقی
5وختی شایِردا وِ او طرف دریاچَه رفتِن فَراموش کِردَ وییِن كه وا خُیِشُو نُو وُردارَن. 6عیسی وِشو گفت: «حَواسِتو با اَ خمیرمایَه علمای فِرقَۀ فَریسی وُ صَدّوقی دوری کُنید.» 7دِ مینِشُ بَحث اِفتا،مِگُفتِن:«وا خُیِمُو نُو نِیاوُردِیمَ.» 8عیسی فَمِس وُ وِشو گُفت «ای كم ایمانا چُنَ دِبارَه ایی که نُو نَرید وا هم بَحث مُکُنید؟ 9مَیَر هَنی نِمِفَمید؟ مَیَر او پَینش تا نُو وُ پَنیش هزار نَفرنِ فراموش کِردید ،چَن تا سَوَد خُردَ نُو جَمع كِردید؟ 10یا او هفت تا نُو وُ چارهزار نفرنِ، چَن سَوَد خُردَ نُو جَمع كِردید؟ 11پَ چُنَ نِمِفَمید كه وا شما دِ بارۀ نُو صُوَت نَکِردَم؟ بلکه گفتِم که اَ خمیرمایه علمای فَریسی وُ صدوقی دوری کُنید.» 12اوسِه شایِردا فَمِسِن كه وِ اونا دِباره تعلیمِ علمای فَریسی وُ صدوقی هُشدار دیَه نَه دِبارَه خمیرمایهِ نُو.
اعترافِ پطرس دِبارَ عیسی
13وَختی که عیسی وِ وُلات قیصریۀ فیلیپی رَسِس اَ شایِرداش پُرسی: «وِ نظرِ مرَدِم، پسر انسان چه کسیَ؟» 14اُونا جُواو دان: «بعضیا مُوئَن یَحیای تعمیددَهَندَ عده دیَری مُوئَن ایلیای نبی وُ عده ای هَم مُوئَن اِرمیای نبی یا یكی اَ پیغَمَراَ.» 15عیسی اَ اونا پُرسی: «شما چی مُوئید؟ وِ نَظَرِ شما مَه چه کسی هِسِم؟» 16شَمعون پطرس جُواو دا: «تُو مسیحِ موعودی پسر خدای زِنَه!» 17عیسی گفت: «خُوشال تُو، ای شَمعون، پسر یونا! وِرَ ایکه ایی حقیقتِ نِه جِسم وُ خِوُن وِرَت دیار نَکِردَ، بلکه بُواَ مَه که دِ آسمُونَه اونِ دیاری کِردَ. 18مَه هَم وِ تُو مُوئِم، اسم تُو پطرُسَ وِ معنی سنگ وَ مَه وِ رو ایی تَختَ سنگ كلیسای خُیِمِه بَنا مُکُنم وُ دَروازِ آ جَنِمِ وِش غالب نِما. 19كِلیدا پادِشایی آسِمُونِ وِ تُو مییِم. هَر چیی كه دِ رو زِمی بَوَنی، دِ آسِمو بَسه مِشهَ وَ هَر چیی که دِ رو زِمی وا کُنی دِ آسِمو وا مِشَه.» 20دِ ای وَخت عیسی وِ شایِرداش دَستور دا که وِ هوشَکه نُوئَن او هَمو مسیحِ موعودَ.
پیشگویی عیسی دِبارَه مرگ و قیام خُیِش
21اَ اوموقع وِ بعد عیسی شروع کِرد وِ آشکار کِردِن ایی حقیقت وِرَ شایِرداش كه لازمَ وِ اورشلیم بَرَ وُ دِ اونچو اَ مشایِخ قُوم وُ سران کاهنا وُ معلما تُورات آزارِ زیاد بُوینَه وُ كشتَه بَشَه وُ دِ روزِ سِوم زِنَّه با. 22اما پطرس اونِ بُرد کناری وُ مِناش کِرد وَ وِ عیسی گُفت: «دور با ازت آقا! ایجور چیی وِ هوچ وجه وِرَتو اتفاق نِمَفتَه.» 23عیسی وُریَشت وُ وِش فرمود: «دور با ای شیطُو! تُو مانع را مَنی، وِرَ ایکه افکار تُو انسانیَه نَه خدایی.»
24بعد عیسی رو وِ شایِرداش کِرد وُ گفت: اَیَر کسی بَخوا دِ دُمِ مَه بیا، باید خُیِشِه انکار کُنه صلیبِ خُِیِشِه وُردارَه وُ دِ دُمِه مَه بیا. 25وِرَ ایکه هرکه بَخوا جُونِه خُیِشِه نجات بَیَه اونِ اَ دَس مِیَه، امّا هرکَه وِ خاطرِ مَه جُونِه خُیِشِه اَ دَس بَیه اونِ هَنی وِ دَس میارَه. 26چه فایدِایی وِرَ انسان دارَ که تمام دنیانِه وِ دَس بیارَه، امّا جُونِه خُیِشه بَوازَ؟ وُ یا انسان چی دِ عَوَضِ جونِش بَیَه؟
27«وِرَ ایکه پسر انسان وا جَلال بُواَش واردِ فرِشته آ میا وُ دِ اوموقع وِ هرکسی وِرَ کاراش پاداش مِیَه. 28وِ راسی وِ شما موئِم، بعضیا اینچو واسیَن تا پسر انسانِ نُویینَن که اَ پادشایی خُیِش میایَ طعمِ مرگِنِ نِمِچَشَن.»
Currently Selected:
مَتّی 16: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
مَتّی 16
16
تقاضای نشونَه آسِمُونی
1علمای فِرقَه فَریسی وُ علمای فِرقَه صَدّوقی وَرِ عیسی آمان تا اونِه اِمتحان کُنن. وا ایی نیَت اَ او خواسِن،تا نِشونَه آسِمُونی وِشو نِشُو بَیَه. 2عیسی دِ جُواو اونا فرمود: «دَمِ ایوارهَ مُوئید هَوا خُو مِشَه وِرِ اییکه آسِمو سُرخ ، 3وَ صُو موئید هوا خراو ما وِرِ ایی که آسِمو سُرخ وُ گِرِفتَیَه ، شما خو مِتونید نِشونِه آ ،آسمُو نِه تعبیر کنید اما نِمِتونید نشُونِه آ زِمانانِ تعبیر کنید! 4ایی نسلِ شِررات پیشَه وُ زِنا کار نِشونَه ماخا اما نِشونِه ایی وِشو نِمیَن غیرِ نشونَه یونس نبی.»پَ اونانِ ترک كِرد وُ وِ راءِ خُیِش رَفت.
خمیرمایَه علمای فِرقِۀ فَریسی وُ صَدّوقی
5وختی شایِردا وِ او طرف دریاچَه رفتِن فَراموش کِردَ وییِن كه وا خُیِشُو نُو وُردارَن. 6عیسی وِشو گفت: «حَواسِتو با اَ خمیرمایَه علمای فِرقَۀ فَریسی وُ صَدّوقی دوری کُنید.» 7دِ مینِشُ بَحث اِفتا،مِگُفتِن:«وا خُیِمُو نُو نِیاوُردِیمَ.» 8عیسی فَمِس وُ وِشو گُفت «ای كم ایمانا چُنَ دِبارَه ایی که نُو نَرید وا هم بَحث مُکُنید؟ 9مَیَر هَنی نِمِفَمید؟ مَیَر او پَینش تا نُو وُ پَنیش هزار نَفرنِ فراموش کِردید ،چَن تا سَوَد خُردَ نُو جَمع كِردید؟ 10یا او هفت تا نُو وُ چارهزار نفرنِ، چَن سَوَد خُردَ نُو جَمع كِردید؟ 11پَ چُنَ نِمِفَمید كه وا شما دِ بارۀ نُو صُوَت نَکِردَم؟ بلکه گفتِم که اَ خمیرمایه علمای فَریسی وُ صدوقی دوری کُنید.» 12اوسِه شایِردا فَمِسِن كه وِ اونا دِباره تعلیمِ علمای فَریسی وُ صدوقی هُشدار دیَه نَه دِبارَه خمیرمایهِ نُو.
اعترافِ پطرس دِبارَ عیسی
13وَختی که عیسی وِ وُلات قیصریۀ فیلیپی رَسِس اَ شایِرداش پُرسی: «وِ نظرِ مرَدِم، پسر انسان چه کسیَ؟» 14اُونا جُواو دان: «بعضیا مُوئَن یَحیای تعمیددَهَندَ عده دیَری مُوئَن ایلیای نبی وُ عده ای هَم مُوئَن اِرمیای نبی یا یكی اَ پیغَمَراَ.» 15عیسی اَ اونا پُرسی: «شما چی مُوئید؟ وِ نَظَرِ شما مَه چه کسی هِسِم؟» 16شَمعون پطرس جُواو دا: «تُو مسیحِ موعودی پسر خدای زِنَه!» 17عیسی گفت: «خُوشال تُو، ای شَمعون، پسر یونا! وِرَ ایکه ایی حقیقتِ نِه جِسم وُ خِوُن وِرَت دیار نَکِردَ، بلکه بُواَ مَه که دِ آسمُونَه اونِ دیاری کِردَ. 18مَه هَم وِ تُو مُوئِم، اسم تُو پطرُسَ وِ معنی سنگ وَ مَه وِ رو ایی تَختَ سنگ كلیسای خُیِمِه بَنا مُکُنم وُ دَروازِ آ جَنِمِ وِش غالب نِما. 19كِلیدا پادِشایی آسِمُونِ وِ تُو مییِم. هَر چیی كه دِ رو زِمی بَوَنی، دِ آسِمو بَسه مِشهَ وَ هَر چیی که دِ رو زِمی وا کُنی دِ آسِمو وا مِشَه.» 20دِ ای وَخت عیسی وِ شایِرداش دَستور دا که وِ هوشَکه نُوئَن او هَمو مسیحِ موعودَ.
پیشگویی عیسی دِبارَه مرگ و قیام خُیِش
21اَ اوموقع وِ بعد عیسی شروع کِرد وِ آشکار کِردِن ایی حقیقت وِرَ شایِرداش كه لازمَ وِ اورشلیم بَرَ وُ دِ اونچو اَ مشایِخ قُوم وُ سران کاهنا وُ معلما تُورات آزارِ زیاد بُوینَه وُ كشتَه بَشَه وُ دِ روزِ سِوم زِنَّه با. 22اما پطرس اونِ بُرد کناری وُ مِناش کِرد وَ وِ عیسی گُفت: «دور با ازت آقا! ایجور چیی وِ هوچ وجه وِرَتو اتفاق نِمَفتَه.» 23عیسی وُریَشت وُ وِش فرمود: «دور با ای شیطُو! تُو مانع را مَنی، وِرَ ایکه افکار تُو انسانیَه نَه خدایی.»
24بعد عیسی رو وِ شایِرداش کِرد وُ گفت: اَیَر کسی بَخوا دِ دُمِ مَه بیا، باید خُیِشِه انکار کُنه صلیبِ خُِیِشِه وُردارَه وُ دِ دُمِه مَه بیا. 25وِرَ ایکه هرکه بَخوا جُونِه خُیِشِه نجات بَیَه اونِ اَ دَس مِیَه، امّا هرکَه وِ خاطرِ مَه جُونِه خُیِشِه اَ دَس بَیه اونِ هَنی وِ دَس میارَه. 26چه فایدِایی وِرَ انسان دارَ که تمام دنیانِه وِ دَس بیارَه، امّا جُونِه خُیِشه بَوازَ؟ وُ یا انسان چی دِ عَوَضِ جونِش بَیَه؟
27«وِرَ ایکه پسر انسان وا جَلال بُواَش واردِ فرِشته آ میا وُ دِ اوموقع وِ هرکسی وِرَ کاراش پاداش مِیَه. 28وِ راسی وِ شما موئِم، بعضیا اینچو واسیَن تا پسر انسانِ نُویینَن که اَ پادشایی خُیِش میایَ طعمِ مرگِنِ نِمِچَشَن.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company