Jakob 5
5
Ovahona mava londolwa
1Iya napano ovahona teelelen̯i, lilen̯i n̯e mu yayane mena lyomaudheu ngamae ke mu vadha. 2Ouhona wen̯i wa wola, omidhalo vyen̯i vya liwa kotundu.#Mat. 6:19 3Otjisilveri notjingoldo tjen̯i tja ninga omulelu, hehi matji ningi oumbangi woku mu pa ombedhi. Omulelu hembu mau ka lya onyama yen̯i ngomulilo. Mwe liongedhela omauhona pomatango henga opehulilo. 4Taa tuutuu, ondjambi yovaundapi wovyana vyen̯i ndjimwe ve kengelela, mai kuu onkwoo. Okuyaya kwovantu mboka mbava teya ovilya vyen̯i, kwe thika momatwi aMuhona Sebaot.#Deut. 24:14-15 5Mwa kala mouwa kombanda yohi nomomahalo en̯i. Mu n̯initha omitima vyen̯i metango ndyoka ape na ngwaa twele. 6Mwa koya, hamu dhipaa omuvyuuki, ye ke mu kondjethele
Elikambulithilo nealikano
7Iya vakwetu, likambulithilen̯i katee Muhona ma tjuna. Taa tuutuu, omunatjana u kevelela katee oviliwa vyolutenga motjana mavi utu okuliwa, he likambulithile uke okudha kombula amai uula katee kompumamuhoke mai utu okuula. 8Nan̯e wo likambulithilen̯i, omitima vyen̯i ngavi dhike, mena lyokutya okutjuna kwaMuhona ku li popedhi. 9Vakwetu, hámu litangunitha, opo hámu koywa. Taa tuutuu, nguma koyo wa kulama pomuvelo. 10Vakwetu, holelen̯i ovaprofeti mbava popya mena lyaMuhona, mbave likambulithila momaudheu. 11Taa tuutuu, mbave likambulithila, matu tya ovanalao. Job hiee likambulithila, mwe mu tyaa. Mwa mona omaandelo ngaa pewa kuMuhona, mena lyokutya Muhona u na olukeno nomutima wonkenda.#Job 1:21-22; 2:10; Eps. 103:8 12Iya vakwetu, komeho yovipuka avihe, hámu ana eulu ne ohi n̯e hámu ana eano nolimo. Iya tyen̯i vala “Iinga, iinga” ne “Aai, aai”, opo hámu koywa.#Mat. 5:34-37 13Mokati ken̯i andaa pe na nguu na oudheu, nga kumbe, andaa pe na ngwee hulukwa, nga imbe oviimbo okuhivilika. 14Mokati ken̯i andaa pe na nguma vele, nga ithane ovanene veongalo, ve mu kumbile, wo ve mu tohole omadhi mena lyaMuhona.#Mark. 6:13 15Ealikano lyomwiitaveli mali velula omuvedhi. Muhona me mu imuna. Andaa wa lundha, Muhona me mu ithile po odhonkali. 16Iya lihipululilen̯i odhonkali dhen̯i, mu likumbile, opo mu veluke. Ealikano lyomuvyuuki li na odhonkono odhonene, mali ulu okuninga tja. 17Elia wa li omuntu ngant̯e. Wa kumba okutya ombula ahamai loko, yo ahamai loko oule wodhombula ndatu nomiedhi epandu.#1 Hamb. 17:1; 18:1 18Iya wa kumba uke, ombula hai loko, ohi hai mene ovilya.#1 Hamb. 18:42-45 19Vakwetu, andaa mokati ken̯i mu na nguma dhi mondjila yatjatjili, umo he mu tjun̯a, 20koneka okutya nguma tjun̯a omulundhi, he mu pukulula mondjila ye yepuko, ma hupitha omwenyo womulundhi ngoka met̯o, nodhonkali dhe adhihe madhi ithwa po.#Omae. 10:12; 1 Pet. 4:8
Dhimba New Testament © Bible Society in Namibia, 2010.