مَتّی 1
1
شجرَنُومچَه عیسی مسیح
1شجرَنُومچَه عیسی مسیح،
کُرِ داوود، کُرِ ابراهیم:
2ابراهیم، بُاواَ اسحاق،
اسحاق، بُاواَ یعقوب،
و یعقوب، بُاواَ یهودا و بِرالی بی.
3یهودا، بُاواَ فِرص
و زِراح بی و دان تامار نُوم داشتی.
فِرص، بُاواَ حِصْرون،
و حِصْرون، بُاواَ رام بی،
4رام، بُاواَ عَمّیناداب،
عَمّیناداب، بُاواَ نَحشون،
وَ نَحشون، بُاواَ سَلمون بی.
5سَلمون، بُاواَ بوعَز بی
و دا بوعَز راحاب نُوم داشتی.
بوعَز، بُاواَ عوبید بی
و دا عوبید روت نُومی بیتی.
عوبید، بُاواَ یَسا،
6و یَسا، بُاواَ داوود پاتشاه بی.
داوود، بُاواَ سُلیمُون بی.
دا سُلیمُون وَرِ یَ ژَنِ اوریا بی.
7سُلیمُون، بُاواَ رِحُبعام،
رِحُبعام، بُاواَ اَبیّا،
و اَبیّا، بُاواَ آصا بی.
8آصا، بُاواَ یِهوشافاط ،
یِهوشافاط، بُاواَ یورام،
و یورام، بُاواَ عُزّیا بی.
9عُزّیا، بُاواَ یوتام،
یوتام، بُاواَ آحاز،
و آحاز، بُاواَ حِزِقیا بی.
10حِزِقیا، بُاواَ مَنَسِه،
مَنَسِه، بُاواَ آمون،
و آمون، بُاواَ یوشیا بی.
11یوشیا، بُاواَ یِکُنیا و بِرالی بی.
هرَ زمُونَ یهودیَل تبعید بینَ بابِل.
12بعد اَژ تبعید وَبابِل:
یِکُنیا، بُاواَ شِئَلتیئیل،
و شِئَلتیئیل، بُاواَ زِروبابِل بی.
13زِروبابِل، بُاواَ اَبیهود،
اَبیهود، بُاواَ اِلیاقیم،
و اِلیاقیم، بُاواَ عازور بی.
14عازور، بُاواَ صادوق،
صادوق، بُاواَ اَخیم،
و اَخیم، بُاواَ اِلیود بی.
15اِلیود، بُاواَ اِلعازار،
اِلعازار، بُاواَ مَتّان،
وَ مَتّان ، بُاواَ یعقوب بی.
16یعقوب، بُاواَ یوسف میردَ مریم بی
که عیسااِ معروف وَمسیح اَژ اَوَ یاهاتَ دینیا.
17هریجورَ، اَژ ابراهیم تا داوود سر یَک چُواردَه نسل و اَژ داوود تا زمُونِ تبعید وَبابِل، چُواردَه نسل و اَژ زمُونِ تبعید وَبابِل تا مسیح چُواردَه نسل بین.
وَدینیا یاهاتِنِ عیسی مسیح
18وَدینیا یاهاتِنِ عیسی مسیح هُنَ بی: مریم، دا عیسی، نُومزَد یوسف بی. امّا وَرِ یَ که وَگَردِ یَک هُمخُو بین، دیار بی که مریم اَژ روحالقدس لَمی پِر بیئَه. 19چیکِ میردِاِئی یوسف پییائی صالح بی و نِمَگِستی آاُوریِ مریم بیَری، هُنَ فکِر کِردی که بیسَرِصدا اَژ اَوَ جیا بو. 20امّا وخدی که وَاِئی چیَلَ فکِرَ مَکِردی، ناغافل فرشتَه خداوند یاهاتَ نُمِ خُاواِئی و فِتی: «اِ یوسف، کُرِ داوود، اَژ گِرتِنِ ژَنِ گُوژِت مریم زَلَت نَچو، چیکِ اَچیکِ نُمِ لَمِسی اَژ روحالقدسَ. 21اَوَ کُری ماریَ دینیا و تو نُوم اَوَ عیسی مَنین، چیکِ اَوَ قومِ گُوژیَ اَ گناهَلِن نجاتَ مِ.» 22گِشتِ یانَ اتفاق کَت تا اَچیکِ خداوند وَزُاُنِ اِشعیا پیغمبر فِتیتی، انجوم بِگِری که:
23«باکرهاِئی لَمی پِرَ مُاو،
کُری ماریَ دینیا
و نُوم اَوَ عِمانوئیل مَنِن»
که یعنی خدا اَگَردِ هیمَ. 24وخدی یوسف بیئَه خَوَر، اَچیکِ فرشتَه خداوند وَبینی دستور داتیبی، انجوم داتی و مریمَ هاستی. 25امّا وَگَردِ اَوَ هُمخُواِئی نَکِردیِ تا اَوَ کُرِ گُوژیَ وَدینیا آاُوردی؛ و یوسف نُوم اَوَ عیسی ناتی.
Currently Selected:
مَتّی 1: NLV
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
