یوحنا 2
2
معجزَه نُمِ عروسی
1روژِ سوّم، نُمِ وِلِتِ قانای نُمِ منطقَه جلیل یِ عروسیاِئی بی و دا عیساإیژ اُورَ بی. 2عیسی و شاگردَلیژی نُمِ عروسی دعوت بین. 3وخدی شِراُو تمُوم بی، دا عیسی فِتیَه بینی: «آنَ شِراُو نِرِن!» 4عیسی فِتیَه دای: «اِ ژَن، مِ وَاِئیکارَ چَ؟ ساتِ مِ هَمِنی نَرَسیَ.»
5دااِئی فِتیَه خذمتکارَلَ: «هر چی موشیَ بینِتُون، بِکَرِن.» 6اُورَ شَش خُمرَه سنگی بی که یهودیَل اَژ اَ آاُواَ اَرا آدابِ غسل پاکی استفادَه مَکِردِن و هر کُم نزیک صد و بیس لیتر جا داشتی. 7عیسی فِتیَه خذمتکارَلَ: «اِئی خُمرَلَ اَژ آاُو پِر کَن.» پس آنَلَ لَواَلَو پِر آاُو کِردِن. 8اِیندا عیسی فِتیَه آنَ: «اِسگَ قِری اَژ اَوَ بِگِرِن و بیَرِنَ لا رئیس مجلس.» پس آنَ بِردِن. 9رئیس مجلسَ آاُواِئی که بیئَسَ شِراُو مِزَ کِردی. اَوَ نِمَزِناستی اَشَراُواَ اَکو آاُوردِنَ، امّا خذمتکارَلی که آاُواَ کیشااُوین، مَزِناستِن. اِیندا رئیس مجلس هَنا کِردیَ شاه دامادَ 10و فِتیَه بینی: «کل کسَل اوّل وَشَراُو خاصَ میمُونَلَ مُاوژِنَ ری، و مِقِاِئیکه میمُونَل مَس بین، شِراُو اَرزُونتِرَ مارِن؛ امّا تو شِراُو خاصَ تا اَلُون نییَه داشتینَ!»
11یَ اوّلین معجزَه و نیشُونهاِئی بی که عیسی نُمِ وِلِتِ قانای جلیل انجوم داتی و جِلال گُوژیَ آشکار کِردی و شاگردَلی وَبینی ایمُون آاُوردِن.
12اِیندا بعدی وَگَردِ دا و بِرال و شاگردَلی چیَ شهر کَفَرناحوم و چَن روژ اُورَ مَنتِن.
عیسی معبدَ تمیزَ مِ
13وخدی عِد پِسَخ یهودیَل نزیک بی، عیسی چیَ شهر اورشلیم. 14نُمِ حیاطِ معبد، دیتی که بِری دیرِن گا و دینا و کَمُوتَر مَفروشِن و صرافَلیژ اَرا کاسبی نیشتِنَ اُورَ. 15پس عیسی شلاقی اَژ طناب دُرُس کِردی و گِشتِ آنَلَ وَگَردِ دینالَ و گالَ، اَژ معبد کِردیَ دَشت. و سِکَلِ صرافَلَ رِشُونیَر زمین و تختَلِنَ چُااُوشَ کِردی، 16و فِتیَه کَمُوتَرفروشَلَ: «یانَ اَژ اِیرَ بیَرِنَ دَشت، و مال بُاواَمَ جااِ کاسبی کِردِن، نَکَرِن!» 17اِیندا شاگردَلی کَتَ وِیرِن که نُمِ کِتُواِ زبور داوود نیسایَ: «غیرت اَرا مالِت مِنَ مَسُوزُنی.» 18پس یهودیَل اَرا اِئی کارَلی فِتِن: «چِ معجزَه و نیشُونهاِئی وَبینِمُون نیشُونَ مِإین تا بِزانیمُون حقِ هُنَ کارَلی دیرین؟» 19عیسی جواُو داتیَ بینِن و فِتی: «اِئی معبدَ بِرِمُونِن که مِ سه روژَ اَوَ اَ دُوارَه مُاوژِمی.» 20یهودیَل فِتِن: «ساختمُون اِئی معبدَ چِل و شَش سال طول کیشاسی تا بُاوژِن، و اِسگَ تو مِت سه روژَ اَوَ بُاوژِنی؟» 21امّا معبدی که عیسی اَژِنی قِصَ مَکِردی، بدنِ گُوژی بی. 22پس وخدی که عیسی اَژ مِردیَل زِنیبی، شاگردَلی اِئی قِصَلیَ آاُوردِنَ وِیرِن، اِیندا وَنیویشتَلِ مقدّس و قِصَلِ اَوَ ایمُون آاُوردِن.
23مِقِاِئیکه عیسی اَرا عِد پِسَخ نُمِ شهر اورشلیم بی، آیمَلِ فِرِاِئی وخدی معجزَل و نیشُونَلی وَکَمِن مِإینان، وَنُومِ اَوَ ایمُون آاُوردِن. 24امّا عیسی وَایمُونِن اعتمادی نَکِردی، چیکِ گِشتِنَ مَشناختی 25و اِتیاجی ناشتی کسی دربارَه انسُون چیئِی وَبینی بوشی، چیکِ گُوژی اَچیکِ نُمِ باطنِ انسُونَ مَزِناستی.
Currently Selected:
یوحنا 2: NLV
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
