OMAPSALOME 3
3
Exupifo oli li mOmwene
Epsalme laDavid, eshi a ya onhapo omona waye Absalom.
1Omwene, ongahelipi ovatondi vange va hapupala!
Vahapu va fikamena nge!
2Vahapu otava popi nge tava ti:
“Ke na ekwafo puKalunga!” Sela
3Ndelenee Omwene, Oove oshikelelifo shange
netumbalo lange,
Ove noto yelula omutwe wange.
4Onda lalekida Omwene mokule,
Ye nokwa uda eingido lange
komhunda yaye iyapuki. Sela
5Onda li nda nangala, nda kofa nawa,
opo nee nda penduka;
osheshi Kalunga oha amene nge.
6Ame ihandi tila ovanhu omayovi omulongo
tava dingilile nge keembinga adishe.
7Omwene, yambuka, xupife nge Kalunga kange!
Osheshi Ove wa teyaula oluhamama lovatondi vange;
nomayoo ovalunde we a tataula.
8Exupifo oli li mOmwene.
Enangeko noupuna loye
nali kale kombada yoshiwana shoye. Sela
Currently Selected:
OMAPSALOME 3: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
