OMAPSALOME 2
2
Omwene ta findi ovatondi vaye
1Ovapaani otava lundalalele shike,
noiwana tai diladilile shike oinima yongaho?
2Eehamba dedu tadi fikama,
ovapangeli otava kundafana pamwe
notava tu ondubo nOmwene nomuvaekwa waye.
3Tava ti: “Tu tokauleni omapando avo,
fye tu liduleni omiya davo!”
4Ou Omukali womeulu ote shi va yolele,
Omwene ote shi va ningile oshiyeele.
5Ndele opo nee ote ke va hanyena mehandu,
nomokukeshuka kwaye ote ke va tilifa, ta ti:
6“Aame tuu ou nda nangeka ohamba yange muSion
komhunda yange iyapuki.”
7Onda hala okushiivifa omhangela yOmwene.
Oye a tya kwaame: “Oove Omona wange,
onena tuu eli nde ku dala.
8Ehela kwaame, ndele handi ku pe ovapaani
va ninge efyuululo loye,
nominghulo dedu odoye.
9Ove u noku va nyanyaula nodibo yoshivela,
ndele to va tataula ngaashi oshiyuma.”
10Hano eehamba nye, paife pukulukeni,
ovatokoli nye vokombada yedu, lungameni.
11Kaleleni Omwene netilo,
nyakukweni nokukakama.
12Xupiteni Omona komilungu,
opo ehe mu handukile
ndele tamu nyonauka mondjila yeni;
osheshi ehandu laye kali kwete kufuluka.
Ovanelao ovava aveshe have mu lineekele.
Currently Selected:
OMAPSALOME 2: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
