OMAPSALOME 149
149
Eimbilofindano lOvaisraeli
1Halleluya!
Imbileni Omwene eimbilo lipe,
efimano laye meongalo lovayuki.
2Israel na hafele omushiti waye,
ovana vaSion nava nyakukilwe ohamba yavo.
3Nava fimaneke unene pombada edina laye nokutanha,
vo ve mu shikile eengoma nouxumbafeta.
4Osheshi Omwene okwa hokwa oshiwana shaye;
ovalininipiki te va dike exupifo.
5Ovakoshoki nava tanhe nouladi,
nomomitala davo nava nyakukwe,
6omahambelelo aKalunga naa kale momakanya avo,
nomikonda da upikwa, da twa momake avo,
7dokuhanaunifa po ovapaani
nokushunifila oiwana owii,
8vo va ka mange eehamba davo nomalyenge,
noidale yavo nomapando oivela,
9vo va wanifilwe, eshi sha shangwa sha tokolwa nale,
sho shi ninge oshifimanekifi shovayuki vaye aveshe.
Halleluya!
Currently Selected:
OMAPSALOME 149: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
