OMAPSALOME 148
148
Oishitwa aishe nai hambelele Kalunga
1Halleluya!
Nye vomomaulu, tangeni Omwene,
moule wopombada, mu tangeni!
2Ovaengeli vaye nye amushe, mu tangeni;
eengudu daye nye amushe, mu tangeni!
3Etango nohani nye, mu tangeni,
oyonyofi nye amushe ava hamu vilima, mu tangeni!
4Omaulu opombadambada nye, mu tangeni,
nomeva nye okombada yeulu!
5Aishe oyo nai hambelele edina lOmwene,
osheshi Ye okwa tonga,
opo yo oya holoka po;
6ndele Ye okwe i tula po, i kalelele po fiyo alushe,
ndele te i pe oshipango ihashi taulukwa.
7Ovakwambadayedu, tangeni Omwene,
onye oikwameva, noule aushe womafuta,
8onye omundilo neemhawe,
oshihemime noshitwime, noshikungulu,
onye ava hamu wanifa elombwelo laye,
9eemhunda nye noikulundudu amushe,
nomiti doiimati nye, nomisederi adishe,
10oinamwenyo nye, yoifitukuti noimuna
noinakulikoka, needila nye hamu tuka,
11eehamba nye dopedu noiwana nye amushe,
oidale nye, novatokoli amushe kombada yedu,
12ovamati nye noukadona,
ovaxungu nounona nye.
13Ovo tuu, nava tange edina lOmwene,
osheshi edina laye olo alike la fimana;
oshinge shaye ohashi mane ko eulu nedu.
14Ovanhu vaye okwe va yelulila vali oluvinga,
osho oshifimanekifi shovayuki voye aveshe,
shovana vaIsrael, oshiwana shopolwamba laye.
Halleluya!
Currently Selected:
OMAPSALOME 148: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
