OMAPSALOME 140
140
Onghuwo molwovanaita vekonda
Epsalome laDavid, la pewa enyakwa lolwiimbo.
1Omwene, xupife nge movanhu vai,
Ove amene nge kovalumenhu ovakolokoshi,
2ava hava dutu owii momitima davo,
otava etifa olwoodi keshe tuu efiku.
3Otava upike omalaka avo, a fe leyoka;
oudiyo wonhoka u li koshi yomilungu davo. Sela
4Omwene, amene nge komake ovakolokoshi!
Shiye nge kovalumenhu ovapwidi,
ava tava diladila okupundulila nge po.
5Eemhote oda tela nge omwiyo nomalulo meholeko,
noiyulifo ohave i dikile nge pomunghulo wondjila
ndele tava fele nge omakelo. Sela
6Onda tya kOmwene: Oove ngaho Kalunga kange.
Omwene, pwilikina omailikano ange omokule!
7Omwene, Kalunga kange, ekwafo lange la pama,
Ove ho amene omutwe wange mefiku lolwoodi.
8Omwene, ino itavela oihalwa yovakolokoshi,
ino efa ekondjelo lavo lii li ninge elao. Sela
9Ngeenge va yelula omitwe davo,
va hangakena nge keembinga adishe,
opo omupya, ou wa pangelwa komilungu davo,
nau alukile kombada yomitwe davo vene.
10Oye ne va lokifile omakala omundilo.
Ne va undwile momutemo, momakelo,
vaha shiive okufikama vali.
11Omulundili ita ka mona, apa te likwatelele moshilongo;
omhote nai tewatewe kemonifo loixuna
kedengo nedengo!
12Ondi shi shii, Omwene Oye ota endifa
oshikondjelwa shovakwanaluhepo,
ekondjo lomapongo okuyukifilwa.
13Heeno, ovayuki otava ka pandula edina loye,
ovakoshoki otava kala koshipala shoye.
Currently Selected:
OMAPSALOME 140: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
