OMAPSALOME 138
138
Epandulo molwexupifo
Epsalome laDavid.
1Omwene, onda hala, ndi ku tange nomutima aushe,
ame ndi ku imbile ehambelelo moipafi yookalunga;
2onda hala okuwila eombe,
nda taalela otembeli yoye iyapuki,
nokutanga edina loye
molwouwanghenda noudiinini woye,
edina loye neudaneko loye
owe i nenepekifa, shi dule shito.
3Eshi nda li nde ku ifana owa uda nge
owa dika nge, onyati,
omwenyo wange wa mona eenghono.
4Eehamba adishe dokombada yedu
otadi ke ku tanga, Omwene,
ngeenge tadi udu eendjovo domokanya koye,
5ndele tadi ya okwiimbila oilonga yOmwene,
shaashi oshinge shOmwene oshinene,
6osheshi Omwene Oye a tumbala,
ndele ta yavelele omudinwa,
ndelenee ovalituliko ohe va dimbulukile kokule.
7Ngeenge handi ende pokati kamumhaka namumhaka,
Ove to diinine omwenyo wange,
ndele to nane eke loye,
u kelele onyanya yovatondi vange,
nolulyo loye ohali xupifa nge.
8Omwene ote ke shi wanifila nge.
Omwene, ouwanghenda woye otau kala po alushe.
Ino umbilila oilonga yomake oye.
Currently Selected:
OMAPSALOME 138: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
