OMAPSALOME 13
13
Elididimiko lomufininikwa
Epsalme laDavid, la pewa enyakwa lolwiimbo.
1Omwene, fiyo onaini
to kala wa dimbwa nge shili?
Fiyo onaini to holeke nge oshipala shoye?
2Fiyo onaini ndi nokuhumbata oisho
momwenyo wange,
noluhodi momutima wange efiku nefiku?
Fiyo onaini omuyelani wange
ta ka shishimana e dule nge?
3Omwene, Kalunga kange, tale nge, ude nge!
Pashukifa omesho ange,
ndiha ka nangale meemhofi defyo!
4Omushindani wange aha shiive okutya:
“Ame onde mu finda”,
novatondi vange vaha kalukile nge,
ngeenge handi pundauka.
5Ndelenee ame handi lineekele efilonghenda loye:
omutima wange nau ka nyakukilwe ekwafo loye.
6Ame ohandi imbile Omwene,
osheshi Ye a ningila nge ouwa.
Currently Selected:
OMAPSALOME 13: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
