OMAPSALOME 12
12
Eindilo molwehapupalo lowii
Epsalme laDavid, la pewa enyakwa lolwiimbo, mondaka yombaafa.
1Omwene, kwafa, osheshi ovayuki va xula po,
novadiinini va pwa mo movana vovanhu.
2Otava popyafana oipupulu namukwao,
nomokupopya omilungu davo
odi nomufenhu,
nomitima davo di li pavali.
3Omwene, ngeno na tete po omilungu adishe
di nomufenhu
nakeshe tuu elaka tali litangele ounangane,
4ava hava ti: “Elaka letu olo eenghono detu;
omilungu detu tadi tu popile.
Olyelye omwene wetu?”
5Omwene Ye ta ti:
“Molwokufininikwa kwomapongo,
nomolwokunyemata kweehepele
nda hala okufikama paife,
exupifo ohandi li etele
ou te li djuulukwa nokuhefahekumuna.”
6Eendjovo dOmwene odo eendjovo da yela,
da fa oshisiliveli tashi kungulukile poshi
shi yela tashi vilima,
sha yelifwa luheyali.
7Omwene, Oove to ke va diinina,
oto ke va amena kepupi eli fiyo alushe,
8nande ovalunde nava shishimane shi fike peni,
molwaashi oulunde
tau hovele okutana mokati kovanhu.
Currently Selected:
OMAPSALOME 12: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
