OMAPSALOME 127
127
Epunapalo otali monika ashike menangeko noupuna laKalunga
Eimbilo lomolweendo lokuya kouyapuki, laSalomo.
1Omwene, ngeenge haye omudikifi weumbo,
ovadiki valo otava kendabala oshimha.
Omwene ngeenge ita amene oshilando,
omunangeli ota kelele oshimha.
2Okumeneka kweni ongula,
nokuxunguluka moilonga oufikufiku, okwongaho,
eshi tamu li eendja deni noshisho.
Ovaholike vaye ohe di va pe mokukofa kwavo.
3Heeno, ovana ovamati ovo oshali yOmwene,
nokumona oludalo osho ondjabi iwa.
4Ngaashi oikuti i li meke lofule,
ovana ovamati osho tava kala mounyasha wavo.
5Omulumenhu omunelao ou,
e va yadi ndoo monywa yaye!
Vo itava fifwa ohoni,
ngeenge tava kundafana novayelani moluvanda.
Currently Selected:
OMAPSALOME 127: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
