OMAPSALOME 126
126
Apa tapa kunwa nomahodi, otapa teywa nenyakuko
Eimbilo lomolweendo lokuya kouyapuki.
1Omwene eshi kwa li a pikulula Sion moukwatwa washo,
opo fye otwa li twa fa hatu tu ondjodi.
2Omakanya etu okwa li e yadi oindjola,
nomalaka etu e neenghuwilili;
nomokati kovapaani kwa li taku popiwa taku ti:
“Omwene okwe va longela oilonga inene.”
3Heeno, Omwene okwa li e tu ningila oinima inene.
Otwa kala twa hafa.
4Omwene, shitukifa oshitukulilwa shetu,
ngaashi ho alula omatondokelo omeva odula
medu lokoumbuwanhu.
5Ava hava kunu nomahodi,
ohava teya va nyakukwa.
6Heeno, moku ka kuna ombuto,
otava ende nokulila;
ndele mokwaaluka otava kuwilile,
notava humbata oilya yavo.
Currently Selected:
OMAPSALOME 126: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
