OMAPSALOME 121
121
Eimbilo lomondjila
Eimbilo lomolweendo lokuya kouyapuki.
1Omesho ange ohandi a yelulile keemhunda.
Ekwafo mbela otali dile nge peni?
2Ekwafo lange otali di kOmwene,
ou omushiti weulu nedu.
3Ye ita efa omhadi yoye, i fenungute;
omwaameni woye iha kofa.
4Tala, Omufita ou waIsrael iha kumuka,
Ye iha fi eemhofi.
5Omwene Oye omwaameni woye,
Omwene Oye omudile woye wokolulyo loye,
6etango opo lihe ku twile omutenya,
ile ohani oufiku.
7Omwene ohe ku amene kowii aushe,
oha amene omwenyo woye.
8Omwene ota amene epito loye neuyemo loye
okudja nena fiyo alushe.
Currently Selected:
OMAPSALOME 121: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
