OMAPSALOME 120
120
Onghuwo yomuyuki mokati keembudi
Eimbilo lomolweendo lokuya kouyapuki.
1Moudjuu wange onda kuwa onghuwo kOmwene,
opo Ye a tondokela nge.
2Omwene, xupife nge komilungu domunaipupulu
nokelaka lekonda!
3Ove elaka lekonda, ou shii,
pamwe oto pewa sha,
ile pamwe oto ka wedelwa sha komesho?
4Oikuti yovakwaita ya upikwa,
nomakala omutundungu a hanya.
5Woo ame, eshi ndi li omunailongo muMesek,
naashi ndi nokukala meenhanda daKedar!
6Omwenyo wange owe lididimika nale
efimbo lile povanhu, ava tava tondo ombili.
7Ame mwene owombili shili,
ndelenee ngeenge handi tongo sha,
vo otave shi kongele olwoodi.
Currently Selected:
OMAPSALOME 120: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
