OMAPSALOME 108
108
Eindilo, Kalunga a xupife movafininiki
Eimbilo, Epsalome laDavid.
1Kalunga, omutima wange owa tiluluka.
Onda hala okwiimba nokushika.
Penduka, omwenyo wange!
2Yambukeni, onyalilo nokaxumbafeta!
Onda hala okupendula eluwa.
3Omwene, onda hala oku ku tanga
mokati koiwana yoilongo,
onda hala ndi ku imbile komaludi ovapaani;
4osheshi ouwanghenda woye otau lundu eulu,
noudiinini woye otau koya oilemo.
5Kalunga, fikama u liyeke fiyo okombada yeulu,
nefimano loye kombada yedu alishe!
6Tu kwafa nolulyo loye,
ovaholike voye fye opo tu xupifwe, tu uda.
7Mouyapuki waye Kalunga okwa tonga ta ti:
“Onda hala, ndi kaluke nda findana,
onda hala okutavaula Sekem
nokuyeleka, apa pe fike oule wolufilu laSukkot.
8Gilead oshange naManasse oshange
naEfraim oshikelelifo shokomutwe wange,
naJuda odibopangelo yange.
9Moab oshiyaxa shange shokulikoshela,
kombada yaEdom ohandi ekele ko eenghaku dange;
nohandi nyakukilwa Filistia.”
10Olyelye ta twala nge mbela koshilando sha pama?
Olyelye wokufindikila nge kuEdom?
11Haave ou, we tu ekelashi, Kalunga,
haave ito ende vali pamwe neengudu d
ovakwaita detu, Kalunga?
12Tu xupifa kovatondi vetu;
osheshi ekwafo lomunhu olongaho.
13Pamwe naKalunga ohatu ka ninga oilonganghono;
osheshi naYe mwene ota ka lyataula ovatondi vetu.
Currently Selected:
OMAPSALOME 108: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
