JOB 40
40
Job nOmwene
1NOmwene okwa nyamukula Job ndele ta ti: 2“Nakupewa oushima a hala okutwifa Omunaenghono adishe eemhata? Omuhokololifi waKalunga ne shi nyamukule.”
3Opo nee Job a nyamukula Kalunga ndele ta ti: 4“Tala, aame ongahoelela, ndi ku nyamukule shike? Eke lange handi li tula pomilungu dange. 5Nda popya lumwe, itandi tongo sha vali. Nda popya luvali, ndelenee ihandi shi ningi vali.”
6NOmwene okwa nyamukula Job mokafudaela ndele ta ti:
7“Fikama u lilongekide ngaashi omulumenhu. Ame ohandi ku pula u longe nge. 8Ouyuki wange wa hala tuu mbela oku u hanauna po, nokuvela nge ombedi, opo ove u kale omuyuki? 9Ile u nokwooko ngaashi okwooko kwaKalunga? Ndele to dulu tuu okundunduma nondaka yoye ngaashi Ye? 10Lidika hano efimano nounene, liwapeka nepangelonghono noshinge. 11Ehandu loye li tondokifa ngaashi omakungulukilo omeva. 12Tala, ovaninipiki u va wilife poshi, ovahenakalunga va teyaula monhele tuu oyo ve li mo. 13Vo aveshe va paka mumwe mondwi. Oipala yavo i kwatelela mehondameno. 14Opo nee naame yo ohandi ku hambelele, shaashi eke loye lokolulyo tali ku etele efindano.
15“Tala, oko oku na ongolo. Ame nde i ninga pamwe naave? Otai li omwiidi ngaashi ongobe. 16Tala, eenghono dayo di li meenho, noupamene wayo meefipa dolutu layo. 17Yo otai tanganeke omushila wayo wa fomuti omusederi, eefipa doilama yayo da pandwa mumwe ngaashi omapando; 18Omakipa ayo e li ngaashi ominino doshikushu, nomwoongo wayo ngaashi oiti yoshivela.
19“Oyo yotete yomoilonga yaKalunga. Ou e i ninga, e i pa eongamukonda layo. 20Osheshi eemhunda tadi i etele eendja, fimbo oifitukuti aishe tai danene ko. 21Otai nangala momudile womiti dalotus, omehondameno lomanenge nolomeva. 22Omiti dalotus tadi i tuvike nomudile wado, omihamba dopokamulonga tadi i dingilile. 23Nomulonga ngeenge tau liyelulifa, yo itai u tila. Yo i udite etulumuko nande Jordan woovene i fike fiyo okomilungu dayo. 24Olyelye te i kwata fimbo tai mu tale, olyelye ta tyuulifa ekupa eyulu layo?
Currently Selected:
JOB 40: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
