JOB 23
23
1Ndelenee Job okwa nyamukula ndele ta ti: 2“Ndele natango onena eli ekemo lange la fondubo. Eke lange olidjuu omolwomifudo dange. 3Akutu, ngeno ndi shiive, nhumbi ndi mu mone opo ndi fike ko oko ta kala, 4ngeno ndi mu hololele eendjovo dange nokuyadifa okanya kange nomahepaululo, 5opo ndi shiive eendjovo denyamukulo laye nokuuda osho te shi lombwele nge. 6Ye ota ka twifa nge tuu eemhata neenghonopangelo daye dinene? Ahowe, ngeno a tale nge ashike! 7Opo nee omulumenhu omuyuki ta kala moihokolola pamwe naye, ndele ame ohandi ka pewa komutokoli wange ounongo fiyo alushe. 8Taleni, ohandi i koushilo, Ye ke ko, nokouninginino, ndelenee itandi mu dimbulukwa, 9ngeenge ta longo moumbangalanhu kandi mu wete; ndele ngeenge te liameke koumbuwanhu, itandi mu mono ko. 10Osheshi okweenda kwange kwa shiivika kuye. Ngeno Ye ta konakona nge ngeno handi monika nda yela ngaashi oshingoldo. 11Eemhadi dange da kala nokudiinina eemhadi daye. Nda shikula ondjila yaye, ame inandi yapuka mo muyo. 12Inandi kanduka mo moshipango shomilungu daye. Eendjovo dokanya kaye nde di diinina komesho yomhangela yange. 13Ndelenee Ye ota kala ngaashi e li, ita lunduluka, olyelye ta dulu oku mu kelela? Ndele osho we shi hala, ote shi ningi. 14Ota wanifa osho sha sheyelwa nge, oinima ya tya ngaha ihapu i li puye natango. 15Onghee hano ame handi hangika kehaluko koshipala shaye. Ngeenge handi shi diladila, ohandi tila. 16Kalunga okwa teyaula po eyombamo lange, nOmunaenghono adishe a halukifa nge. 17Osheshi itandi nyonwa po omolwomulaulu ile omolwaame mwene, omulaulu wa tuvika nge.
Currently Selected:
JOB 23: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
