JESAJA 4
4
1Ndele mefiku olo ovakainhu vaheyali tava ka kwata omulumenhu umwe, tava ti: “Fye otwa hala okulya eendja detu vene, ndele twa hala okudjala omidjalo detu vene; natu ifanwe ashike nedina loye, ove u tu kufe ohoni yetu.”
Efimano nouyelele waSion sha koshoka
2Mefiku tuu olo Oshitutumine shOmwene otashi tutumine oixupe yaIsrael ewapalo nefimano, noimeno aishe yomedu otai menene oulenga woupuna.
3Ndele tapa ningi, keshe ou a xupa muSion e nomwenyo, naau ta hangika muJerusalem, ota ifanwa omuyapuki, keshe umwe ou a shangelwa movanamwenyo vomuJerusalem. 4Omwene nghee a feta po ekako lovana oukadona vaSion nokwa kosha omatimba ohonde aJerusalem mokati kavo nOmhepo yetokolo nOmhepo yeyelifo. 5Opo nee Omwene ota shiti oshilemo shokukala omutenya konhele oko ku nomhunda yaSion nokombada yeengudu dayo da ongala koshivilo nomwifi kumwe nouyelele womundilo wa tema pombada oufiku, osheshi kombada yoshinge ashishe tapu ka kala eameno. 6Ndele otapa ka kala onduda yomudile wokukelela oupyu womutenya neameno lokwaamena koshikungulu nokodula.
Currently Selected:
JESAJA 4: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.