HOSEA 8
8
Okuteka kwaEfraim oku li popepi
1Tula enghuma mokanya! Ngaashi onhwa kongulu yOmwene! Osheshi ova nyona ehangano lange, ndele va efa omhango yange 2Otava ifana nge tava ti: Kalunga kange, ofye Israel tu ku shii. 3Israel osha efa ouwa Omutondadi ne ke mu taatae. 4Ova nangeka eehamba, ndelenee inashi dja mwaame. Va hoolola omalenga, ndelenee Ame inandi shi shiiva. Oisiliveli noingoldo yavo oya ninga oikalunga yavo fiyo enyonauko tali va hange.
5Onhana yoye oixuna, Samaria! Ehandu lange le va xwamenena. Fiyo onaini otava efiwa inava handukilwa? 6Aishe oya dja muIsrael, omuhambwidi e i ninga ndele yo kai fi Kalunga. Ndelenee onhana yomuSamaria tai ka hanaunwa moutandu. 7Osheshi otava kunu omhepo ndelenee otava ka teya oshikungulu. Oilya itai kulu nomoilya yavo itamu di oufila. Nonande namu dje oufila, ovanailongo tave u pona po. 8Israel a ponwa hamudilu. Ove li paife mokati koiwana ngaashi oshiyuma shihe noshilonga. 9Osheshi ova ya ko kuAsiria va fa ongolo tai likalele. Efraim e likongela ovaholike noimaliwa. 10Ndele nande nava shingife mokati koiwana, ohandi ke va ongela paife, ndele otava ka ninipikwa omolwoudjuu womafendelo omalenga ohamba. 11Osheshi Efraim a hapupalifa eealtari opo a kale nokunyona. Oiyambelo oya ninga oulunde kuye. 12Onde mu shangela eemhango omayovi omilongo, ndelenee oda talwa dokoilongo. 13Ohava yambe ombelela etomenoyambo lange. Ndele tave i li po. Omwene ine shi hokwa. Paife ota ka dimbulukwa owii wavo, ndele ta handukile omatimba avo. Ove nokushuna kuEgipiti.
14Israel eshi a dimbwa Omushiti waye, ndele a tunga eengulu doupuna, naJuda a tunga oilandohote ihapu ya pama, onghee ohandi ka tuma omundilo koilando yaye, ndele oo tau ka xwika po eengulu daye doupuna.
Currently Selected:
HOSEA 8: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
