OVAGALATI ETWALEMO
ETWALEMO
Onghundana iwa tai popi Jesus eshi ya tameka okuudifwa nokutambulwa mokati kovanhu ava vehe fi Ovajuda, epulo ola holoka kutya omunhu opo a ninge Omukriste washili, na dulike tuu komhango yaMoses?
Paulus okwe va pataneka kutya inashi pumbiwa; etomheno oleli kutya omwenyo womuKristus otau monika ashike meitavelo, omo ovanhu aveshe tava ningwa ovayuki koshipala shaKalunga.
Ashike mokati komaongalo omuGalatia oshitukulwalongo shOvaroma muAsia Linini, omwa holoka ovanhu ovo va kondjifa Paulus ndele tava ti kutya omunhu oku na okuwanifa po Omhango yaMoses opo a ninge omuyuki koshipala shaKalunga.
Epistoli laPaulus kOvagalati ola nyolwa, opo li alulile ovo kwa li va pukifwa komalongo oipupulu meitavelo loshili.
Paulus okwa popila oufemba waye opo a dule okwiifanwa omuyapostoli waJesus Kristus.
Okwa koleka kutya eshi ha ifanwa omuyapostoli, osha dja kuKalunga, inashi dja movanhu, naunene okwa tuminwa kwaava vehe fi Ovajuda. Okwa diinina natango etomheno laye kutya omunhu ota ningi ashike omuyuki keitavelo. Momatukulwa opexulilo, Paulus okwa ulika kutya onhofi yomikalo nelihumbato lopakriste otali fuluka mulo vene okudja mohole oyo tai di mokwiitavela Kristus.
Elandulafano loshikalimo
Etwalemo 1:1-10
Oufemba waPaulus okukala omuyapostoli 1:11—2:21
Evaengeli lefilonghenda laKalunga 3:1—4:31
Emanguluko noinakuwanifwa yOmukriste 5:1—6:10
Exulifo 6:11-18
Currently Selected:
OVAGALATI ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.