2 OVAKORINTO 13
13
Ovakwashityani tava kumaidwa
Ovaitaveli nave likonakone
1Olutitatu handi uya kunye paife eshi. Ondjovo keshe otai pamekwa komakanya eendobwedi mbali ile nhatu. 2Onda lombwela nale, handi tetekele okulombwela ovo va nyona nale, navakwao aveshe ngaashi nda lombwela eshi nda li punye lutivali, osho nopaife, eshi ndihe ko, ame nge handi uya ko vali itandi mu tale onheni. 3Osheshi otamu kongo etomhelo lomuKristus ta popi mwaame; Oye ou ke fi oshingone kunye, ndelenee Oye omunaenghono munye. 4Nande okwa valelwa fimbo a li oshingone, oku nomwenyo okeenghono daKalunga. Osho nafye yo oingone muye, ndelenee otu nomwenyo pamwe naye okeenghono daKalunga omolweni.
5Liyelekeni nye vene, ngeenge omu li meitavelo; lipulapuleni. Ile inamu lishiiva nye vene nokutya, Jesus Kristus oku li munye? Ngeenge hasho, nye itamu dulu eyeleko? 6Ndelenee ondi neteelelo mu tu shiive, fye hafye ava itatu dulu eyeleko. 7Fye ohatu ilikana Kalunga, muha ninge owii nande washa, hasho ngaha tu monike ngeno hatu dulu eyeleko, ndelenee onye tuu mu longe ouwa, ndele ofye tu fe ovo itava dulu eyeleko. 8Osheshi itatu dulu sha mokukondjifa oshili, ndelenee omokupopila oshili, 9osheshi otwa hafa eshi tu li po oingone, ndele onye ovanaenghono; osho nee osho hatu shi ilikanene, mu ninge mwa wana mwa pwa. 10Onghee ohandi shange ei ndihe li punye, opo nge ndi li punye, ndiha ninge ndimukukutu okepangelo olo nde li pewa kOmwene okutunga, hakuhanauna po.
11Ndele natango, ovamwatate, hafeni, ningeni mwa wana mwa pwa, tambuleni omakumaido, kaleni momhango imwe, diinineni ombili, opo Kalunga kohole nokombili ota kala pamwe nanye.
12Kundilafaneni po nefipo liyapuki lokomilungu.
13Ovayapuki aveshe otave mu kundile po.
14Efilonghenda lOmwene Jesus Kristus, nohole yaKalunga, noukumwe wOmhepo Iyapuki nau kale pamwe nanye amushe. Amen.
Currently Selected:
2 OVAKORINTO 13: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.