TIT 3
3
ख्रिस्तद वर्तन
1क्रेत लोन विश्वासी मंदीक ध्यानाम इ की, वार सत्ताधीश इंगा अधिकारीला अधिन उंडाला. वारी आज्ञाल पाळायाला, इंगा प्रत्येक शिंगार फनी इचांग तैयार उंडाला. 2यवारदीच निंदा शेयाराद, जगडाल आडेतोर लेवाराद पण सहनशील आय्यी आंदारकी आन्नी माटलाला नम्रता सुपीयाला. 3येनटीक की मनाम पण पहिला निर्बुद्धी उंटीम, आज्ञा तेम्पेतोर इंगा भटकाशीनोर उंटीम; अलग-अलग प्रकारी वासनाल इंगा सुख विलास दासत्वला उंटीम, दुष्टताला इंगा ईर्ष्यामला जीवन जगायदुम इंगा मनाम अशुद्ध उंटीम इंगा वगामेगारदी कोफाम शेयदुम; 4पण मनाद तारण शेशेतोन परमेश्वरदी दया इंगा मनशी जाती मिंदा वानदी प्रेम प्रकट आय्या, 5आप्पुड मनाम शेशीने, नितीमत्व फनुला इचांग लेद, पण वाड मनाक वान दया इचांग, कोत्ता जन्मद स्नान शेशी पवित्र आत्माता मनाद तारण शेशा. 6इंगा मनाद तारण शेशेतोन येशु ख्रिस्त तीकेल मना मिंदा आदी आत्मा भरपुरीता कोम्मारीच्या.#योएल 2:28. 7दिनिचांग की मनाम वान कृपाता नितीमान ठराशी सार्वकालिक जीवनदी याद आशा मनाक उंडाद, दान लेका वारीस कावाला.
8इदी वगाट विश्वासयोग्य वचन उंडाद इंगा नाद इच्छा उंडाद की, नु इ माटलु चेतावनी इच्ची शपता फो. आंटे यवार परमेश्वर मिंदा विश्वास फेटीनार वार शिंगार फनुल शेस्केन उंडेद काळजी तिस्कुनाला. इ माटलु शिंगार उंडी आंता मंदी इचांग शिंगार उंडाय. 9पण मुर्खताय वादविवादलु, वंशावळ, कोफाम विरोध इंगा मोशेन नियमशास्त्र बद्दल जगडाल इटला बद्दल सावध उंड; येनटीक की आय माटलु येमीच फनीक लेव इंगा व्यर्थ उंडाय. 10मी दिंटल्या फुट केडपेतोनकी वगातुक, रोंड तुकुल समजाय मतेद आयनेंका, वान मी देगाटेल धुराम फेट. 11निक यरका उंडाद, इल्लोन मनशी सत्यकेल भटकाशी फोयनाड इंगा पाप शेस्केन उंडी, वाड स्वतान दोषी ठराय मतनाड.
आखरीद संदेश — 3:12-15
आखरीद संदेश
12निन अंतर्मान इंगा तुखिकनी नी तीकुड आंपीनेंका, नु ना तीकुड निकापलीस शहरकी यल्ली वच्चेद प्रयत्न शेय, येनटीक की निन आंदु सलीकालाम निलचेद ठराय मतीनान. 13जेना शास्त्रीक इंगा अपुल्लोनकी येमीच कमी फडाक फोई इदी ध्यानामला फेट्टी वारनी मुंदारकी आंपकाड. 14इंगा मना मंदी पण वार गरजलु पुर्ण शेशेदेंक शिंगार फनुलाला उंडेद नेरवाला, दिनिचांग की वार निष्फळ कावाराद.
शुभेच्छाल
15ना जताक उंडीनोर आंदार निक दंडाम शेस्तार. यवार मना विश्वास इचांग प्रेम शेस्तार वारकी नाद दंडाम.
निन प्रार्थना शेस्तान की, परमेश्वरदी कृपा मी आंदार जताक उंडाला.
Currently Selected:
TIT 3: WNT
Highlight
Copy
Compare
Share
Want to have your highlights saved across all your devices? Sign up or sign in
