TIT 2
2
अलग-अलग वय गटलोन मंदी इचांग सूचना — 2:1—3:11
खरेम शिक्षणदी वागनुक
1नु तर शिंगार शिक्षनकी शोभाशेय माटलु माटलाडता फो. 2आंटे इल्ला की, मुसल्योर मन्सुल संयमशील, गंभीर इंगा समझदार कावाला इंगा विश्वास, प्रेम इंगा सहनशीलताला मजबुत कावाला. 3आल्ले मुसली आंड्योर पण, वार स्वभावला पवित्रताक शोभाशेतळा कावाला; वार चुगली शेशेतोर, सराय तागेतोर लेवाराद; पण शिंगार माटलु नेरपेतोर उंडाला; 4इंगा वार जवान आंड्योरकी इल्ला शिक्षण इयाला की, वार स्वता मोगुळ्ळा मिंदा इंगा बिळ्ळा मिंदा प्रेम शेयाला. 5इंगा वार समझदार, पतीव्रता, इल्लु संभाळीच्चेतोर, करुणामय इंगा मोगुन अधिन उंडेतोर उंडाला; दिनिचांग की परमेश्वर वचनदी निंदा कावाराद. 6इंगा आल्ले जवान मन्सुल समजदार कावाबेक आंका नु वारकी नेरपु. 7नु आन्नी माटलाला शिंगार फनुलाद उदाहरण इल्ला स्वतान सुप; नी शिक्षणला निर्मळपण, गंभीरता, 8इंगा निरपवाद शिंगार शिक्षण कमसानी, आंटे नी मिंदा दोष आंचेतोनकी नी बद्दल माटलाडदेंक येमीच वाईट शिक्काराद इंगा वाड शिग्गुना फडाला. 9इंगा दासलु आन्नी माटलाला वार मालकुन आज्ञाला निल्वाला, वार खुश शेशेतोर बेक इंगा उलटा माटलाडा राद; 10वार दोंगा शेयाराद तर आन्नी माटलाला शिंगार विश्वास सुपीयाला; इंगा मनाद तारण शेशेतोन परमेश्वरदी शिक्षण, आंता मंदीला, वार शोभाय मताला; इल्ला नु वारकी नेरपु.
11येनटीक की, परमेश्वरदी कृपा आंता मंदीद तारण कावाला आंका प्रकट आयनाद. 12आदी मनाक इल्ला नेरपुताद की, मनाम भक्तीहीन इंगा दुन्यामलोनी वासनाल इडशी, इ युगला धीर्यामता, नितीता इंगा सुभक्तीता जगायाला. 13इंगा मना धन्य आशाद, आंटे मना महान परमेश्वरदी इंगा ताराशेतोन येशु ख्रिस्तद गौरवी आगमनदी दावा सुडाला; 14मना इचांग वाड स्वतान इचकाड्या दिनिचांग की, मनालनी आन्नी वाईट माटलाकेल इडपीयाला इंगा शिंगार फनुलाक उत्सुक उंडीनोर, वान स्वता मंदी शेस्कुनेदेंक शुद्ध शेयाला.#निर्गम 19:5; अनुवाद 4:20; स्तोत्रसंहिता 72:14; यहेज्केल 37:23.
15नु पुर्ण अधिकारता इ माटलु समजायमती शप, नेरपु इंगा दोष आंच, दिनिचांग की यवारुच निन्नु तुच्छ समजायाराद.
Currently Selected:
TIT 2: WNT
Highlight
Copy
Compare
Share
Want to have your highlights saved across all your devices? Sign up or sign in
