HEB 8
8
स्वर्गीय महायाजक
1मिम जे शपतुनाम दानदी अर्थ इल्ला उंडाद की, यवाड स्वर्गला परमेश्वर सिंहासन मंची शेय तीकुड कुसनीनोड इल्ला महायाजक मनाक शिक्कीनाड, 2इंगा वाड पवित्रस्थान इंगा आ खरेम मंडपटोड सेवक आय्या, याद मनशी बनाय मतालेद, तर परमेश्वर बनाय मतनाड.
3येनटीक की प्रत्येक महायाजकदी नेमणुक दान इंगा यज्ञ अर्पण शेशेदेंक आयनेद उंटाद, आंका इर देगार पण अर्पण शेशेदेंक येमाना तरी उंडाने बेक. 4जर ख्रिस्तड पृथ्वी मिंदा उंटे तर वाड याजक लेकुंटुन्या येनटीक की इंदु पहिलाने नियमशास्त्र लेका दान अर्पण शेशेतोर उंडार. 5वार याय याजकीय फनी शेस्तार, आय स्वर्गीय माटलाद नक्कल इंगा साट उंडाय. यप्पुड मोशेड मंडप बनाय मताकाना मुंची परमेश्वर मोशेनकी इदी चेतावनी इच्या, “निक कोंडा मिंदा निन याद नमुना सुपीस्तीन दान लेकाने आन्नी फनुल शेय.” 6पण याद सेवा येशुनकी शिक्या, आदी आ याजकला सेवा काना श्रेष्ठ उंडाद. येनटीक की ख्रिस्तड या करारकी मध्यस्थ उंडाड आदी फाता करार काना शेंगेम शिंगार उंडाद इंगा शिंगार माटला अभिवचन मिंदा स्थापित उंडाद.
कोत्ताद करार
7जर पहिलाद करार निर्दोष उंटे तर दान जागाला इंगोगो करार फुडकेद गरज लेकुंड्या.
8पण परमेश्वरकी मंदी लोना दोष कमशा. वाड आन्या,
प्रभुड इल्ला आंटाड, 'सुडना, इल्लोनदी दिनमु वस्तुनाद,
यप्पुड निन इस्राएल मंदी जताक इंगा यहूदान वंश जताक कोत्ताद करार शेशान.
9यल्ला निन वार पुर्वजला जताक शेस्तीन आद्दे प्रकारदी इदी करार निलवाक फोई.
यप्पुड निन वारदी शेय फट्टी वारनी मिसर देश लोन्केल बैटीक यकोस्तीन,
वार ना जताक शेशीने करार जताक विश्वासयोग्य निलवाक फोईर,
आंका निन वार तीकुड दुर्लक्ष शेस्तीन, 'इल्ला प्रभुड आंटाड.
10मंग इदी प्रभुड आंटाड, निन इस्राएल मंदी जताक इदी कोत्ताद करार शेशान;
निन नाय नियमलु वार मनला येशान,
वार हृदय मिंदा आय राशान,
निन वार परमेश्वर आय्यान,
इंगा वार ना मंदी आय्यार.
11मी परमेश्वरनी गुरतु फटना इल्ला यादाना मनशीक वान शेजारोनकी
लेकाते वान तम्मुनकी शप्पेद गरज फडाक फोई,
येनटीक की वार दिंटल्योन्केल शिन्नावोरकेल फेद्दावोर नंताक
आंता मंदी नन्नु गुरतु फट्यार.
12येनटीक की निन वार वाईट फनुला बद्दल दयावान आय्यान.
इंगा वार पापलाद निन दिन मुंदारकी ध्यानाम तियान फोयान.
13इ करारनी कोत्ताद करार आन्या आंका वाड पहिलाद करार फाताद ठरायमत्या. याद फाताद इंगा समाप्त आयतुनाद, आदी नाश आयेदेंक वच्चीनाद.#यिर्मया 31:31-34.
Currently Selected:
HEB 8: WNT
Highlight
Copy
Compare
Share
Want to have your highlights saved across all your devices? Sign up or sign in
