मती 27

पिलातुस रआ ठँवरे ईसु

(मरकुस 15:1; लुका 23:1–2; जोहन 18:28–32)

1जब अँगालेना दो गोटे मुध पुरोहितकु जोटोः जहुदी होड़ रेनकु नेताकु ईसु गोज् तआ सलाह लेनाकु। 2जोटोः हुँकू हुँनि तोल केते इदी लिदियाकु जोटोः राजपाल पिलातुस एडे जिमा लिदियाकु।

जहुदा रआ गोजोः

(बिदा लिड्कु.काम 1:18–19)

3 # बि.काम 1:18,19 ईसु एर सब् अवला जहुदा जब ञेल लिदियय चि ईसु दोसीदर ठहराव तदियय, तब हुँनि रआ मन तयोम ते रुवाड़ लेना जोटोः हुँनि मुध पुरोहितकु जोटोः बबा-तता जहुदी नेताकु एडे होना तीस चंदी ठड़रा टका रुवाड़ लअय। 4जोटोः हुँनि कथालअय, “इञः मियड् बेगुनाह होड़ गो-गोज् तआ एर सब् केते पाप तड्अइञ!” नोआँ रे हुँकू कथा लआकु।

“आले तआ चितान मतलोब इदानआँ? नोआँ दो अमः रआ ममला हके।”

5तब जहुदा होना चंदी ठड़रा टका सेंड़ा बिनती ओड़ाः रआ भीतारे गिडी केते सेनोः यनय जोटोः बहरा सेनोः कोते अपन अप टंगाव गोज् यानय।

6मुध पुरोहितकु ठड़रा हलङ केते कथा लआकु, “आले रआ नियम मोताबिक नोआँ टका सेंड़ा बिनती ओड़ाः रआ भन्डार रे दोहोय उचित कोनाआँ, चितानतआचि नोआँ दो मयाम रआ दाम हके।” 7हिना तआ होना टका ते कुम्हार रआ केता किरिञे तआ सलाह लेनाकु जोटोः किरिञ लआकु ताकि जे परदेस एतेन जेरुसलेम रे वेजोः अवलाकु गोजोः अकु दो होंडे हारकु। 8हिना तआ तीहिञ हमाः होना “खेत मयाम” रआ खेत ञुमुन ते ठुवाया। 9#जख 11:12,13नोंका परमेसर पड़ा एतेन दुखमाय अवला जिरमयाह पड़ा एतेन कथा लआ नोआँ बचन पुरा लेना; “हुँकू तीस चंदी ठड़रा टका इदी लआकु, होना टका इस्राएल होड़कु हुँनि ओवा तआ ताय दोहोलआकु, 10जोटोः जे लेका परभु इञः तआ हुकुम ओवा दोहोलीदिञा, हिना मोताबिक होना टका ते कुम्हार रआ ओत किरीञ लआ।”

पिलातुस रआ पुछताछ

(मरकुस 15:2–5; लुका 23:3–5; जोहन 18:33–38)

11जब राजपाल ठँवरे ईसु तींगु लिदिया, दो राजपाल ईसु सोधव लअय, “तना अमः जहुदीकु रेनि राजा हके?” ईसु कथालअय।

“अमः खुद ही कथायतेअम।” 12जब मुध पुरोहित जोटोः बबा-तता जहुदी नेताकु हुँनि तेङ रे दोस लगाव यतिदोहोलेना दो हुँनि चितान उतारा हों काय एम लआ।

13तब पिलातुस ईसु सोधव लअय, “तना अमः काम अयुम यतेआ नुकु अमः रआ बिरोद रे चितान-चितान दोस कथायतेअकु?”

14बकिन हुँनि चितान दुखमा रआ उतारा हों काय कथालआ। नोआँ हमाः चि पिलातुस अगम अचराज यानय।

ईसु गोजे रआ हुकुम

(मरकुस 15:6–15; लुका 23:13–25; जोहन 18:38; 19:16)

15हर पसका परब रआ बेरा रे राजपाल रआ रिवाज दोहोलेना चि मिहोंड़ जेहेल लेनी, तुन्दरा लेनकु होड़ जेके चहावओन दोहोनाकु, हुँकू तआ हुँनि बाय यति दोहोलेनय। 16-17होना बेरा जेहेल रे बरअब्बा#27:16–17 बरअब्बा थोड़ेः एकेन मारी बाही रे हुँनि रआ ञुमुन ईसु बरअब्बा दोहोलेना। ञुमुन मियड् नामी बन्धुवा दोहोलेना। जब तुन्दरा लेनकु होड़ होना ठँवरे वेज् सोदोर लेनाकु दो पिलातुस हुँकू सोधव लअय, “आपे चितानपे चहावओ, चि इञः आपे तआ ओके बयेयाइञ, बरअब्बा चि ईसु जे मसी मेन वाइया?” 18चितानतआचि पिलातुस ठुवायते दोहोनय चि हुँनि ईरसा ते एर सब् तदियाकु।

19पिलातुस जब नेयय रआ गदी रे दुड़ूः लेनय दो हुँनि रेनि लंञीते कथागोड् लअय; “अमः हुँनि धरमी होड़ रआ ममलारे चितानहों अलोम करावके। चितानतआचि इञः तीहिञ हुँनि बारे कुमू लाअइञ होना वजाह ते माकुल इदानिञा।”

20बकिन मुध पुरोहितकु जोटोः जहुदी नेताकु तुन्दरा लेनकु होड़ उकसव लिड्कुअकु, जोटोः पिलातुस एतेन ईसु गोजे तआ जोटोः बरअब्बा बाये तआ कोय लआकु। 21राजपाल हुँकू सोधव लअय, “इञः नुकिन बंधुवा मे से आपे तआ ओके बय वापेअइञ?”

हुँकू उतारा लआकु, “बरअब्बा!”

22पिलातुस हुँकू कथावा लअय, “जे मसी मेन वाइया हुँनि ईसु चिलका याइञ?”

हुँकू गोटे कथा लआकु, “मुनी कुरुस रे रकाबी।”

23पिलातुस हुँकू सोधव लअय, “चितानतआ, मुनी चिताना गुनाह लअय!”

बकिन होड़कु जोटोः हकाव केते कथा लआकु, “मुनी कुरुस रे रकाबी।”

24 # नियम 21:6–9 पिलातुस ञेल लअय चि चितान दुखमा हों का पड़ी योना, बकिन नोआँ रआ उलटा झमेला बढव सेनोगोना, तब हुँनि दाअ् इदी केते तुन्दरा होड़कु ठँवरे अनेज् रआ अती अबुङ लेनय, जोटोः कथालअय, “नुई होड़ गो-गोज् रआ डन्ड ओवाय रे इञः बे-कसुर इदानिञा! नोआँ दो आपे रआ ममला हके!”

25गोटे होड़ उतारा एमलआकु, “नुई गो-गोज् रआ जबाब देही आले जोटोः आले रेनकु सेंगोज्‌कु एडे पड़ावोः!”

26तब पिलातुस हुँकू तआ बरअब्बा बय लअय, जोटोः कोड़राते ईसु एरहुमाः केते कुरुस रे रकाबी तआ जिमा लिदियय।

ईसु रआ ठ-ठा वाय

(मरकुस 15:16–20; जोहन 19:2–3)

27पिलातुस रेनकु सिपाहीकु राजपाल रआ बंगला रे ईसु आदेर लिदियाकु, जोटोः गोटे पलटनकु राअ् केते ईसु रआ ठावरे जवार लिड्कुआकु, 28हुँकू हुँनि रआ गेंदराः तुड़ीड् लआकु जोटोः गोला गेंदराः होड़हड् केते। 29जनुम रआ मिंडरी लेका मुकुट बनाव केते हुँनि रआ बोहोः रे होड़हड् लिदियाकु। हुँनि रआ जोम अती रे मियड् ढोड़ही रआ टेम्पा सब्‌वा लिदियाकु जोटोः हुँनि रआ मड़ाङ रे इकड़ुम कनते हुँनि मजक उडाव यति दोहोलेनाकु जोटोः कथायते दोहोलेनाकु, “जहुदीकु रेनि राजा रआ जोहार!” 30जोटोः हुँनि तेञ रे थूः लआकु, ढोड़ही टेम्पा रेज् केते हुँनि रआ बोहोः रे हुमाः यतिदोहोनकु। 31जब हुँकू हुँनि रआ मजक केड् तयोम हुँनि रआ होड़हड् दोहो लीदिया होना रड़ा केते अनेज् रआ गेंदराः होड़हड् केते कुरुस रे राकाबी तआ इदीया लिदियाकु।

ईसु रआ कुरुस रे रकाबी

(मरकुस 15:21–32; लुका 23:26–39; जोहन 19:17–19)

32जब हुँकू बहरा इदी यति दोहोलेनाकु हिमेन रे कुरेन सहार रे दोहोन अवला सिमोन ञुमुन मियड् होड़ ञपाम लेनय, सिपाहीकु हुँनि सब् केते ईसु रआ कुरुस गोगे तआ जबरइ लिदियाकु। 33तब हुँकू होना ठाँव रे सोदोरनकु जे गुलगुता मानेकि नोआँ रआ माने “खरपोही रआ ठाँव हके” 34#सिरिञ 69:21हुँकू ईसु तआ पीत मेसा लआ अँगुर रास#27:34 पीत मेसा लआ अँगुर रास झरी लेकन बनाव लआ अँगुर रास। ञुए तआ ओवा लिदियाकु। बकिन ईसु होना ञु अटकर केते ञुञु काय अराव लेना।

35 # सिरिञ 22:18 हुँकू हुँनि कुरुस रे रकब् लिदियाकु, जोटोः हुँनि रआ गेंदराः, चुटका सजाव केते हटिञवाँ लेनाकु। 36होना तयोम सिपाहीकु दुड़ूः कनते हुँनि रआ ओगरायति दोहोलेनाकु। 37हुँकू ईसु तेञ रे लगाव लआ कासुर पट्‍टि रे ओल केते हुँनि रआ बोहोः एतेन तेङ होरे टंगाव लआकु। नोआँ नोंकाआ “नुई जहुदीकु रेनि राजा ईसु हके।” 38ईसु सुधा बरिया डकुकिन एटाः कुरुस रेकु रकब् लिड्किना, मियड् जोम होरे जोटोः मियड् कोंजरा होरे।

39 # सिरिञ 22:7; 109:25 होरा ते से-सेन होड़कु बोहोः डोबोः-डोबोः केते हुँनि रआ निंदा कथायते दोहोलेनाकु; 40#मती 26:61; जोह 2:19ओय “सेंड़ा बिनती ओड़ाः ञुर अवला जोटोः पे रोज रे बनाव केते तींगुय अवला, अपन अप दो बंचावओमी! अगर अमः परमेसर रेनि होपोन हके रेदो कुरुस एतेन ओतेत रे अड़गुनमी!”

41हेनेन लेका मुध पुरोहित हों, परमेसर रआ बचन सि-सिखावकु जोटोः जहुदी नेताकु तुली जुमाव कोते नोंका कथा केते हुँनि रआ मजक यति दोहोलेनाकु; 42“नुई एटाःकु बंचाव लिड्कुअय बकिन अनेज् दो काय बंचाव बेजाना! नुई दो इस्राएल रेनि राजा हके दो, नुई कुरुस एतेन अड़गु योओय तब हुँनि एडे आले सारी योअले! 43#सिरिञ 22:8नुई परमेसर तेङ रे भरोसायय। हिना तआ अगर परमेसर चहावओय दो नुई बंचावी, चितानतआचि नुई दो कथायते दोहोनय इञः परमेसर रेनिञ होपोन हके!” 44जे ईसु सुधा कुरुस रे रकब् लिड्किना बनार डकुकिन हों हेंका मजाकवा यति दोहोलेनाकिन।

ईसु रआ गोजोः

(मरकुस 15:33–41; लुका 23:44–49; जोहन 19:28–30)

45गोटा दुनियाँ रे तिकिन बराह बजे एतेन लगभग पे बजे हमाः ञोतायना। 46#सिरिञ 22:1लगभग तीन बजे रआ बेरा रे ईसु हकाव केते कथालअय, “एली, एली, लमा सबकतानी।” नोआँ रआ माने, “ओय इञः रेनि परमेसर, ओय इञः रेनि परमेसर, अमः इञः चितान तआ बाय किदिञाम।”

47होंडे तींगु लेनकु थोड़ेः एकेन होड़ नोआँ अयुम केते कथालअकु, “नुई एलियाह हकाव यानय!” 48#सिरिञ 69:21तुरात मिहोंड़ दोन सेन कोते रुवा लेकाना दाअ् सोखाव अवला, ढोड़ही टेम्पा रे तोल केते जोजो अँगुर रास#27:48 जोजो अँगुर रास झरी लेकन बनाव लआ अँगुर रास। रे तुपू केते चेपेजे तआ ओवा लिदियय। 49बकिन बंचाव लेनकु होड़कु कथा लआकु बयेपे, “ञेलेपे एलियाह नुई बंचाव तआ वेजोअय चि कोवन?”

50तब ईसु फिन जोड़ते हकाव केते अनेज् जीवि अड़ाः लअय।

51 # उठलु 26:31–33 हेनेना बेरा सेंड़ा बिनती ओड़ाः रआ परदा तेञ एतेन ओतेत हमाः चिराकोते बार टुकरा यना, जोटोः धरती हिलहोलेना, सेरेङ पट्‍टाः यना, 52जोटोः मरघाट जीज्‌यना जोटोः अगम गोज्‌लेनकु पबितर होड़कु रआ होड़ो जीवेड्-बिरीड् लेना। 53जोटोः हुँकू ईसु रआ जीवेड्-बिरीड् कन तयोम मरघाट एतेन उडुङ वेज्‌लेनाकु जोटोः पबितर सहार#27:53 पबितर सहार जेरुसलेम रे सेन लेनाकु जोटोः अगम होड़ ञेल लीड्कुअकु।

54रोमी पलटन रेनि हकिम जोटोः हुँनि सुधा ईसु पहरा अवला सिपाहीकु, धरती हिलहोलेना जोटोः जे होयावलेना होना ञेल केते अगम बोरो यनाकु, जोटोः कथा लआकु, “सनारी नुई परमेसर रेनि होपोन दोहोनय!”

55 # लुका 8:2,3 होंडे अगम पुरे लंञीकु जे ईसु रआ सेवा-सुसार करावेते गलील एतेन तयोम-तयोम वेज् दोहोलेनाकु, हुँकू संगीञ एतेन ञे-ञेलयान दोहोलेनाकु। 56हुँकू मे से मगदाला रेनि मरियम, जाकुब जोटोः जोसेफ रेनि एंगाते मरियम जोटोः जबदी रेनकु कोड़ा होपोन ते तिकु रेनि एंगाते दोहोलेना।

ईसु हार लिदियाकु

(मरकुस 15:42–47; लुका 23:50–56; जोहन 19:38–42)

57अयुब् जुवार अरमतिया सहार रेनि जोसेफ ञुमुन मियड् मोंडोल होड़ वेज्‌लेनय, हुँनि हों ईसु रेनि चेला पड़ी दोहोलेनय। 58जोसेफ पिलातुस रआ ठँवरे सेनलेनय जोटोः हुँनि एतेन ईसु रआ गोज् होड़ो कोय लअय। तब पिलातुस हुकुम एम लअय चि हुँनि तआ होना गोज् होड़ो ओवाय। 59जोसेफ गोज् होड़ो अँगाव लअय, जोटोः होना मियड् सुध मलमल गेंदराः रे डबना केते, 60अनेज् रआ नीजी नवाँ मरघाट जे पहिल सेरेङ रे एर बनाव दोहोलअय, होंडे दोहोलअय, फिन हुँनि मरघाट रआ दुवार रे मियड् टुकु गुटी इदी केते सीङ लअय जोटोः सेनोः यानय। 61मरियम मगदाला जोटोः एटाः मरियम होना मरघाट ठँवरे दुड़ूः दोहोनकिन।

ईसु रआ मरघाट रे पहरदारकु

62दुसरा हिला सुक रआ दिन बिताव लेना दो मुध पुरोहितकु जोटोः फरीसीकु पिलातुस तुली जुमाव लेनाकु 63#मती 16:21; 17:23; 20:19; मर 8:31; 9:31; 10:33,34; लुका 9:22; 18:31–33हुँकू कथा लआकु, “ओय हाजुर, ‘आले पहम तड्अले, चि हुँनि धोखा एम अवला जीवेड् दोहोलेनय घनी कथा दोहोलअय, इञः पे दिन तयोम फिन जीवेड् बिरीदो ओइञ।’ 64दो पे रोज हमाः मरघाट पहराय तआ हुकुम ओवाले। नोंका अलो होयावकोः चि ईसु रेनकु चेला वेज् कोते लास चोरा इदीया के, जोटोः होड़कु अडेकु कथाय चि हुँनि गोज् कोते जीवेड्-बिरीड् तनय जोटोः नोआँ पहिल रआ धोखा एतेन जोटोः तयोम रआ धोखा बडगाव होयावओ।”

65पिलातुस हुँकू कथावा लिड्कुअय, “आपे मियड् पहरदार सिपाहीकु रआ जठा अँगावीपे,” “जू सेनोःपे जे लेका आपे पहराय तआ अराव तनापे हेंका पहरायपे।”

66तब हुँकू सेनोः लेनाकु जोटोः होना हारुब् लआ सेरेङ रे मारका ठोकाव लआकु जोटोः मरघाट पहराय तआ सिपाहीकु दोहोलअय।

Currently Selected:

मती 27: BIX

Highlight

Copy

Compare